Isaías 11:13 - Biblia Enxet

¹³ Kamaskok sa' ektémakxa nak apkelyásekkesso m'a Efraín énxet'ák, kamaskok sa' nahan apkello m'a énxet'ák Judá, melyásekkesek sa' chá'a kaxwók Efraín énxet'ák ma'a Judá énxet'ák nak, megkaxének sa' nahan kaxwók apwáxok eltaqnawák Judá énxet'ák ma'a Efraín énxet'ák apagkok nak.

Isaías 11:13 ပူးပေါင်းရင်းမြစ်များ

Isaías 9:21

Apmasséssekmek Manasés ma'a Efraín, keñe Efraín apmasséssekmo m'a Manasés, cháxa apketámeykegko nak Judá xa apqánet nak. Makke kamassak makham aplo m'a Wesse' egegkok; xénchek makham apwáxok ellegássesagkohok xa énxet'ák nak.

Jeremías 3:18

“Wokmek sa' agkok xa ekhem nak, keypetchekxak sa' Judá m'a Israel, kataqhohok sa' makham xamo' ma'a apchókxa ekpayho nak nexcheyha, cham'a xapop sekpekkencháseykekxa axta ko'o m'a kélyapmeyk nano' axta kéxegke.

Jeremías 33:24

“¿Ya ékpelchak xép apxéna énxet'ák sélyetnakhasa ko'o ánet apheykegkaxa énxet'ák ektáha axta ko'o sélyéseykha ahagko', cham'a Israel tén han Judá? ¡Cháxa keñamak kéllano nak chá'a yetlo kélwanyeykha m'a énxet'ák ahagkok, massék kaxwók kélteméssesa xama apchókxa!

Jeremías 50:4

Aptáhak Wesse' egegkok se'e: “Ellekxagwenták sa' elchexyamok énxet'ák Israel tén han Judá xa ekhem nak, hektamok ko'o, sektáha nak Dios Wesse' apagkok.

Ezequiel 28:25

“Ektáhak ko'o sekpeywa s'e, sektáha nak Wesse': Wánchásekxak sa' ko'o énxet'ák Israel, anaqlósawakxak ma'a apheykegkaxa nak chá'a apkexpaqneykha nepyeseksa m'a pók aptémakxa énxet'ák, axekmósek sa' nahan sekteme sekpagkanamaxche nápaqta'awók ma'a pók aptémakxa nak chá'a énxet'ák. Elának sa' apchókxa apagkok apagko' ma'a énxet'ák Israel, cham'a apchókxa sekmésso axta m'a Jacob, apteme axta séláneykha.

Oseas 1:11

Keñe sa' épetchekxak makham énxet'ák Judá m'a énxet'ák Israel, elyésha sa' xama apkemha apmonye' wánxa xama, elmeyenták sa' Jerusalén ma'a énxet'ák apkeleñama ekyókxoho yókxexma. ¡Awanhók agko' sa' katnehek ma'a ekhem apagkok nak Jezreel!