Isaías 10:34 - Biblia Enxet

³⁴ Póte apmáha apkelyaqtenna m'a naxma ekyentaxno nak, apkelyaqnegkásegkek náxop ma'a yenta'a éltaqmalma agko' nak ma'a Líbano.

Isaías 10:34 ပူးပေါင်းရင်းမြစ်များ

Salmos 103:20

¡Kólpeykesho Wesse' egegkok kélyókxoho kélteme nak apkelásenneykha kélyennaqte! Kéxegke kéllane nak chá'a m'a apkeltamhókxa enxoho chá'a kóltéhek, kélhaxanma nak chá'a yaqwayam kólyahakxoho'.

Isaías 10:18

Emasséssessók sa' ekyókxoho agko' ma'a naxma apagkok éltaqmalma nak tén han ma'a aqsok apkeneykekxa nak chá'a. Máxa xama énxet apháxamáp sa' etnéssesek, ekmassél'a apyennaqte.

Isaías 2:13

tén han apyókxoho apkene nak exnawok ma'a yámet élyawe cedros élámha nak Líbano, élwenaqtél'a tén han netna'awo', essenhan ma'a yámet robles élyennaqte élámha nak ma'a yókxexma Basán;

Isaías 31:8

kalnápok sa' sókwenaqte m'a énxet'ák apheykha nak Asiria, háwe sa' eyke énxet yaqwayam elnápok. Kamenxenek sa' kempakhakma m'a énxet'ák apagkok, keñe sa' ma'a wokma'ák kempakhakma yapmeyk nak katnéssesek kélásenneykha naqsa;

Isaías 33:9

Kesagkék ma'a xapop yaqhapchek nahan exma, kelyameygkek aqsok naxma m'a Líbano, kelyetcheyk áwa' yenta'a, yókxexma ekyamayéxma tamhákxak ma'a ekyapwátegweykenxa nak xapop Sarón, meyke xama aqsok entamhákxak ma'a yókxexma Basán tén han ma'a egkexe Carmelo.

Isaías 37:24

Apkeláneykha axta exchep apkeláphásak apwanyeykencha'a m'a Wesse' egegkok. Axta aptáhak se'e: ‘Yetlo ekxámokma yátnáxeg apkelyenyawasso ahagkok eyántak ma'a egkexe étseksek nak, cham'a ektáhakxa nak netnók agko' ma'a Líbano. Élyaqténchessek ma'a yámet cedros agkok élwenaqte agko' nak, tén han ma'a yámet pinos éltaqmalma agko' nak. Ekwokmók ma'a naw'ék netnók agko' nak, tén han ma'a naxma agkok ekyentaxno ekhémo nak kélcheneykekxexa aqsok.

Isaías 37:36

Apxegkek axta m'a Wesse' egegkok apchásenneykha, apkelnáhapwokmek axta nahan ciento ochenta y cinco mil énxet ma'a apkelpakxeneykegkaxa axta m'a asirios; keñe axta mók ekhem, kelsakak axta, hágkek axta aphopák apyókxoho m'a.

Jeremías 22:7

Wának sa' ko'o exchep ey'áwak ma'a apkelempakhayo nak chá'a, yaqwayam emasséssók xép. Elyaqténchesek sa' ma'a yámet élámha éltaqmalma, élánamáxche nak yámet cedro, keñe sa' ekxák nátex.

Jeremías 48:2

Massegwokmek apcheymákpoho m'a Moab. Tegma apwányam Hesbón payhok apkeláneykxexa aptamhágkaxa apkelenmexma, apkelxéna emasséssók Moab. Madmén, kólmasséssók sa' xép xa, megkamassegwomek sa' chá'a apwete kempakhakma.

Ezequiel 31:3

Aphawók xép ma'a yámet ciprés essenhan ma'a yámet cedro émha nak yókxexma Líbano, éltaqmalmal'a áwa', ekyentaxnól'a pessesse agkok katnamok ma'a naxma, élwenaqte agko' la'a, élweykekxohol'a naw'ék ma'a yaphope.

Daniel 4:23

Apwet'ak axta han xép wesse', Dios apchásenneykha appagkanamap apkelhaxneykha nak chá'a apwéweynto apkeñama m'a néten, aptáha appeywa s'e: Kólyaqnegkes yámet ekyawe nak, kólmasséssem sa', awhak sa' aqsa kóleymok tén han kepmenák; kóltehet sa' cadena sawo ekyentaxno, tén han sawo ekyexwase, katnamok sa' agkok neyseksa pa'at ma'a yókxexma. Kapálwaták sa' yálye, kapaxqak sa' agkok aqsok nawha'ák ma'a yókxexma, ekweykmoho siete apyeyam.

Nahúm 1:12

Cháxa keñamak aptáha nak Wesse' egegkok apkeláneya énxet'ák apagkok se'e: “Apmelyeyha'ak eykhe m'a asirios, apxámok eykhe han, kólmasséssók sa' eyke, kamaskok sa' apkelwetamap. Éllegassáseykegkok axta ko'o kéxegke, mallegássesagkók sa' eyke kaxwo'.