Isaías 10:22 - Biblia Enxet

²² Apxámok sa' eykhe etnehek xép, énxet'ák apagkok, Israel, ektémól'a m'a wátsam xóp ekxámokmal'a, apqántawók sa' eyke elwata'. Xénáxcheyk kólmasséssók, kólteméssesek sa' ma'a ekpayhawo nak kólteméssesek.

Isaías 10:22 ပူးပေါင်းရင်းမြစ်များ

Génesis 18:25

Mopwanchek xép elának xa, elnápok ma'a meyke nak apkeltémakxa yetlo m'a élmasagcha'a nak apkeltémakxa, hakte máxa katnehek ekhawo enxoho mók apkeláneyak melya'assáxma xa. ¡Ná elána aqsa xa! Xép apteme segyekpelchémo apsawheykekxoho ekyókxoho yókxexma keso náxop. ¿Metnésseseya m'a ekpayhawo nak etnéssesek?

1 Reyes 4:20

Apxámok apagko' axta m'a énxet'ák Judá tén han Israel, aphawók axta m'a xapop ánek ekhéyak nak neyáwa wátsam ekwányam. Yetnegkek axta han ekxámokma nento, tén han negyá, yetnegkek axta m'a ekpayheykekxa egwáxok.

2 Reyes 19:31

Hakte yetneyk sa' apkelheykekxa apqántawók ma'a Jerusalén; yetneyk sa' meletsapma m'a egkexe Sión. Elának sa' eñama ekyawe apkelásekhayo Wesse' ekha nak apyennaqte xa.

Isaías 37:31

Máxa aqsok kélcheneykekxa sa' etnahagkok ma'a Judá énxet'ák apkeleymomap nak meletsapma: elántépekxak sa' makham, exámekxak sa' nahan,

Isaías 46:3

“Jacob aptawán'ák neptámen, kóleyxho sekpeywa, kélyókxoho kéleymomáxche nak Israel énxet'ák apagkok: Élpatmeykha axta ko'o kéxegke kélheykegkaxa axta kélchána awáxok; élqeyneykha axta,

Isaías 48:19

apxámok axta nahan etnehek ma'a aptawán'ák neptámen, exhok axta apxámokma m'a ekweykenxal'a ekxámokma yagkamex ma'a neyáwa wátsam ekwányam; mamasséssemek axta nahan ko'o, matekkesek axta nahan ma'a sekhakxa nak.”

Isaías 59:20

Éxyamok sa' yaqwayam etnehek apwagkasseykta teyp ma'a Sión tén han ma'a apyókxoho nak Jacob aptawán'ák neptámen apkelwátéseyak nak apkeláneyak apkeltémakxa ekmaso. Wesse' egegkok apxeyenma xa.

Isaías 6:11

Ektáhak axta ko'o sélmaxneyeyncha'a s'e: Wesse', “¿Háxko sa' ekwánxa ekhem kawomhok xa?” Aptáhak axta seyátegmowágkokxo s'e: “Sa' kawomhok ma'a kélmasséssekmo tegma apkelyawe, aptáha sa' meyke apagko' énxet apheykha m'a kañe'; tén han ekwokmoho sa' aptamhákxo meyke apagko' énxet ma'a tegma, tén han ektamhákxo meyke xama aqsok ma'a yókxexma,

Isaías 6:13

Apkeleymekpek sa' agkok nahan chá'a ektáhakxa diez xama m'a énxet'ák, kólmasséssók sa' nahan ma'a, ektémól'a kólyaqtennek ma'a xama yámet roble essenhan ma'a yámet encina, wánxa aqsa keymaxchek ma'a awhak nak.” (Katyapok sa' eyke xama éltektépeykekxa ekpagkanamaxche xa awhak nak)

Isaías 60:22

Exámekxohok apagko' sa' ma'a apqántawók apagko' nak chá'a; énxet apxámokma sa' etnahagkok ma'a apqántawo nak chá'a. Ko'o sekteme Wesse', kaxwók sa' ko'o wának kalanaxchek xa, ekwokmo enxoho ekhem agkok.”

Isaías 65:8

Aptáhak Wesse' egegkok se'e: “Awanhek agkok égmenek ma'a anmen yámet ekyexna, metwasha énxet, hakte awanhek katnehek apkelane m'a vino. Sa' atnehek ko'o xa ektáha nak eñama sélásekhayo m'a séláneykha, mamasséssemek sa' apyókxoho énxet'ák.

Isaías 8:8

kawakxohok sa' ma'a Judá, káhapwók sa' ma'a, kayeykhak sa' yegmen ekyawe m'a, apyespa'ák sa' kaxnagwak yegmen ma'a énxet'ák. Máxa náta élpeykessól'a axempenák sa' etnehek yápok Emanuel ma'a ekyókxoho xapop apagkok nak”.

Jeremías 3:14

Aptáhak Wesse' egegkok se'e: “Kólchexyem makham, énxet'ák sénmexeykekxa nak ko'o, ko'o sekteme Wesse' kélagkok. Amok sa' chá'a ko'o kélxama xama tegma apwányam, keñe sa' apqánet chá'a m'a ektáha nak chá'a apnámakkok apagko', anaqlakxak sa' ma'a Sión.

Jeremías 44:28

Apqántawók apagko' sa' eleymakpok apkelegketamap kempakhakma, elwakxak makham ma'a Judá apkelenyeykta m'a Egipto. Apyókxoho apkelheykekxa axta Judá tén han apkelmeyáyam axta apkelhe Egipto, elwetak sa' yaqsa ekpeywa ektéma, ko'o essenhan apkelpeywa nak ma'a.

Daniel 9:27

Elának sa' ekhémo mók apkelpaqhetchásamákpoho apxámokma énxet ekweykmoho makham xama semána, emasséssók sa' eyke aqsok ektekyawa náxet semána, tén han ma'a kélmésso naqsa nak chá'a aqsok. Kalanaxchek sa' aqsok ekmaso agko' ma'a ekpayhókxa nak ekyetnamakxa m'a ekwatnamáxchexa aqsok ektekyawa, ekwokmoho eyápekxo kélmassésseyam ekxénamaxko nak katnehek ma'a ektáha nak apkelane xa aqsok ekmaso agko' nak.’”

Oseas 1:10

Xama ekhem sa' exnágwakxohok makham apxámokma israelitas ma'a ektémakxa nak ekxámokma yagkamex ma'a neyáwa nak wátsam ekwányam, méko sa' kawának kay'asagkohok apwánxa, tén han kalyetsetek. Megkatnehek sa' kólának kaxwók se'e: “Háwe kéxegke kaxwók énxet'ák ahagkok.” Sa' etnehek elának Dios se'e: “Kéxegke kélteme apketchek ma'a Dios memassegwayam nak.”