Isaías 10:21 - Biblia Enxet

²¹ Etnekxak sa' makham melya'ásseyam Dios ekha nak apmopwána apkeleymomap nak apqántawók ma'a Jacob énxet'ák apagkok.

Isaías 10:21 ပူးပေါင်းရင်းမြစ်များ

Esdras 1:4

Apyókxoho énxet'ák apmáheyo nak eltaqhohok makham apkeleñamakxa, apheykencha'a nak makham se'e, tásek epasmok ma'a apheykha nak ketók apheykegkaxa, elmések ma'a sawo' ekmope élmomnáwa, tén han sawo' ekyátekto élmomnáwa, tén han ma'a aqsok apagkok ekyetnakxa nak, tén han apnaqtósso, tén han ma'a aqsok apkelmésso naqsa nak, yaqwayam elmések ma'a Dios tegma appagkanamap apagkok, apyetnama nak Jerusalén.”

Isaías 19:22

Ellegássesagkohok sa' Wesse' egegkok ma'a énxet'ák Egipto, keñe sa' natámen eltaqmelchásekxak makham. Elyo'ókxak sa' makham Wesse' egegkok ma'a, keñe sa' elásekhekxohok makham, eltaqmelchessók sa' nahan.

Isaías 37:31

Máxa aqsok kélcheneykekxa sa' etnahagkok ma'a Judá énxet'ák apkeleymomap nak meletsapma: elántépekxak sa' makham, exámekxak sa' nahan,

Isaías 46:3

“Jacob aptawán'ák neptámen, kóleyxho sekpeywa, kélyókxoho kéleymomáxche nak Israel énxet'ák apagkok: Élpatmeykha axta ko'o kéxegke kélheykegkaxa axta kélchána awáxok; élqeyneykha axta,

Isaías 55:7

Tásek eyenyekxak apkeltémakxa nak chá'a m'a énxet'ák élmasagcha'a nak apkeltémakxa, tásek elwátésagkok ektémakxa nak chá'a élchetámeykha apkelwáxok ma'a énxet'ák ekyentaxno nak chá'a apkeltémakxa; kólyo'ókxa Wesse' egegkok, kélyósekak sa' elanok kéxegke m'a; kólyo'ókxa m'a Dios egagkok, apmopmenyého nak chá'a hempasmok yaqwayam hegásekhekxoho'.

Isaías 59:20

Éxyamok sa' yaqwayam etnehek apwagkasseykta teyp ma'a Sión tén han ma'a apyókxoho nak Jacob aptawán'ák neptámen apkelwátéseyak nak apkeláneyak apkeltémakxa ekmaso. Wesse' egegkok apxeyenma xa.

Isaías 7:3

Keñe axta Wesse' egegkok aptáha apcháneya Isaías se'e: “Eyentem sa' apketche Sear-iasub elanyexagkok wesse' apwányam Ahaz ma'a néxa nak yegmen atamnek, kélyátamakxa nak yegmen ekyetno néten, cham'a ámay ekmahéyak nak yókxexma éltamhomaxchexa nak Kélyexwásessamakxa Apáwa,

Isaías 9:13

Makke elye'eykekták Dios ma'a énxet'ák, ektáha axta apkellegassáseykegkoho; melchetamsók ma'a Wesse' ekha nak apyennaqte.

Isaías 9:6

Hakte apteyekmek xama sakcha'a negyeseksa, Dios segmésso xama apketche, cham'a peya sa' exkak apmopwána yaqwayam etnehek aptaqmelchesso apchókxa. Sa' nahan kólteméssesek apwesey s'e: Eyaqheykha kélwáxok aqsok apkelane, Dios apyennaqte, Egyáp Memassegwayam, Wesse' meyke ektáhakxa negha.

Jeremías 50:20

Ektáhak ko'o sekpeywa s'e, sektáha nak Wesse': Megkóteyaxcheyk sa' apkelsexnánémap tén han melya'assáxma énxet'ák Israel, tén han Judá xa ekhem nak, hakte mayaqmagkásekxeyk sa' ko'o apkeltémakxa axta m'a énxet'ák seyhayo nak elweynchamha makham.

Oseas 14:1

¡Israel, ey'ókxa makham Dios Wesse' apagkok, mey'assáxma axta exchep keñamak aptéyékmo!

Oseas 6:1

Kólchexyem kélyókxoho, agyo'ókxak makham Wesse' egegkok. Ẽlekkexmeyk axta negko'o m'a, sa' eyke hẽltaqmelchessók makham ma'a; ẽlyensáseykegkek axta, sa' eyke hẽlpextehetchesek makham nélyense m'a.

Oseas 7:10

Apcheymákpoho keñamak Israel eksexnáneya. Neyseksa eykhe ekteme xa ekyókxoho aqsok nak, melye'eykekxak ma'a Dios Wesse' apagkok, melchetamsók nahan.

Oseas 7:16

Apkelye'eykekxeyk axta eyke m'a aqsok kéleykmássesso, aphawók ma'a yágke ektaqhél'a, megkapayhémól'a negya'asakxa m'a aktek nak. Sókwenaqte sa' kólyetxák kólnápok ma'a apkelámha apmonye'e apagkok nak, eñama éleymáxkoho apkelpaqméteykha, elesmaksek sa' ma'a énxet'ák Egipto.