Isaías 10:18 - Biblia Enxet

¹⁸ Emasséssessók sa' ekyókxoho agko' ma'a naxma apagkok éltaqmalma nak tén han ma'a aqsok apkeneykekxa nak chá'a. Máxa xama énxet apháxamáp sa' etnéssesek, ekmassél'a apyennaqte.

Isaías 10:18 ပူးပေါင်းရင်းမြစ်များ

2 Reyes 19:23

Apkeláneykha axta exchep apkeláphásak apwanyeyncha'a m'a Wesse' egegkok. “Axta aptáhak se'e: ‘Yetlo ekxámokma yátnáxeg apkelyenyawasso ahagkok eyántak ma'a egkexe étseksek nak, cham'a ektáhakxa nak netnók agko' ma'a Líbano. Élyaqténchessek ma'a yámet cedros agkok élwenaqte agko' nak, tén han ma'a yámet pinos éltaqmalma agko' nak. Ekwokmók ma'a naw'ék netnók agko' nak, tén han ma'a naxma agkok ekyentaxno ekhémo nak kélcheneykekxexa aqsok.

2 Reyes 19:28

Watchessesek sa' ko'o exchep apwéhek sawo ekhaxe tén han xama ekmassáseyak chá'a apátog, ektémól'a kélatchessesso apwáxok ma'a yátnáxeg, eñama sekwete ektémakxa aplo tén han megyésso yeykpoho', wáphaksek sa' makham etaqhohok epéwhok ma'a ámay appéwomókxa axta apxegeykmo.”

Isaías 10:16

Cháxa keñamak peya nak etnessásekxak meyke apkelwasqapma Wesse' ekha nak apyennaqte xa énxet'ák élyenneykha agko' nak apyempe'ék, elméxenchessesek sa' apyempe'ék máxa táxa élwatno sa' etnéssesek.

Isaías 32:19

kóláxñásekxohok sa' eykhe m'a naxma nak, kóltegkesek sa' eykhe nahan ma'a tegma apwányam nak.

Isaías 37:24

Apkeláneykha axta exchep apkeláphásak apwanyeykencha'a m'a Wesse' egegkok. Axta aptáhak se'e: ‘Yetlo ekxámokma yátnáxeg apkelyenyawasso ahagkok eyántak ma'a egkexe étseksek nak, cham'a ektáhakxa nak netnók agko' ma'a Líbano. Élyaqténchessek ma'a yámet cedros agkok élwenaqte agko' nak, tén han ma'a yámet pinos éltaqmalma agko' nak. Ekwokmók ma'a naw'ék netnók agko' nak, tén han ma'a naxma agkok ekyentaxno ekhémo nak kélcheneykekxexa aqsok.

Isaías 9:18

Tawáseyha aqsok ma'a nentémakxa ekmaso, máxa táhak ma'a ektémól'a táxa eyáléwe kalwatnek ma'a yámet ekha nak am'ák tén han ma'a ekmompánaqma nak, ekweykmohol'a élwatno m'a yenta'a élaqnéyak nak naxma, keñe kay'aksek néten ma'a éten nak.

Jeremías 21:14

Allegássesagkohok sa' ko'o kéxegke ekhawo ektémakxa nak chá'a aqsok kélláneyak, awatnések sa' naxma kélagkok, cháxa táxa nak, kalwatnek sa' ma'a ekyókxoho aqsok ekhéyak nak kélnepyáwa'. Ko'o sekxeyenma xa, sektáha nak Wesse'.’”

Zacarías 12:6

“Máxa átex éláléweykhal'a neyseksa yántapák sa' ko'o atnéssesek apkelámha apmonye' nak Judá xa ekhem nak, ektémól'a táxa eyáléweykhal'a nepyeseksa hótáhap apexchakkok kélyaqtónma kéltéteykekxal'a nepxet. Kalwatnek sa' ma'a ekyókxoho apheykegkaxa nak chá'a pók aptémakxa énxet'ák ma'a neyáwa, keñe sa' ma'a énxet'ák apheykha nak Jerusalén elhekxak sa' aqsa makham ma'a tegma apwányam apagkok nak.