Isaías 10:14 - Biblia Enxet

¹⁴ Élmeyk ko'o aqsok apagkok ekxámokma nak ma'a énxet'ák, ahagkok ektáhak ma'a ekyókxoho xapop, máxa m'a énxet apkellexchágwayam la'a náta axagkok elmok ma'a appok neyseksa megkótéyák, méko axta xama enxoho élyeykáseykha axempenák, méko axta xama enxoho ekmayheykha tén han ekpayheykha átog.”

Isaías 10:14 ပူးပေါင်းရင်းမြစ်များ

2 Crónicas 32:13

¿Yagkólya'ásegkok kéxegke ko'o tén han élyapmeyk nano', nenteméssessamakxa axta negko'o apyókxoho énxet'ák apheykha nak mók apkelókxa? ¿Kelwagkassegkeya axta chá'a teyp aqsok apcháyókxa xa énxet'ák nak sélmoma chá'a ko'o?

Job 31:25

Mehepeykessáseykekxak ewáxok ma'a ekxámokma aqsok ahagkok, tén han sekxámáseyak ma'a selyaqye ahagkok.

Proverbios 18:12

Nentawásamáxche xegeykmok natámen ma'a eyeymáxkoho nak chá'a egwáxok; ekha sẽláyo xegeykmok natámen ma'a megkeymáxkoho nak egwáxok.

Isaías 14:6

apkellegassáseykegkoho nak chá'a énxet'ák yetlo aplo apkeltekpageykencha'a nak chá'a meyke néxa, apkelteyammeykencha'a nak chá'a énxet'ák yetlo aplo, apmenxeneykencha'a nak chá'a meyke apkelmopyósa apkelányo.

Isaías 37:25

Élmétaweykmek máxek ma'a megkatnahakxa nak xapop ahagkok ekyamchek nahan yegmen eñama m'a, emagkok nahan ektemék sélyamassama yegmen ma'a ekyókxoho wátsam Egipto.’

Isaías 5:8

¡Kéxegke laye, kélxámáséyak nak kélmà kélxanák, kélxámáséyak nak yókxexma kélagkok, ekweykmoho megkóleygkesa ketsék ma'a kélnámakkok, tén han kélheykha nak ma'a kañe', kélanagko nak kóltáhak wánxa kélxakcha'awók kélagkok ma'a apchókxa!

Jeremías 49:16

Eyaqhémo temégweykmok kéxegke m'a kéleymáxkoho nak, hakte kóleyxchek axta chá'a. Kélheykha kéxegke m'a neyseksa meteymog élyagqaxe, kélpathetmeyk ma'a naw'ék egkexe netno nak. Kéllánegweykmek eykhe kéxegke kélxanák ma'a netnók agko' nak, ektémól'a náta ekyawe, sa' eyke kólenyék alántekkesek ko'o kéxegke m'a. Ko'o sekxeyenma xa, sektáha nak Wesse'.

Ezequiel 35:13

Paqmetchek axta exche' sewañencha'a, kayhek axta ekpeywa sexéneyncha'a ko'o. Ekleg'ak axta nahan ko'o.

Abdías 1:4

Netnók sa' eykhe emhagkok ektémól'a náta ekyawe, epekkenwók sa' eykhe apxagkok ma'a nepyeseksa nak yaw'a, sa' eyke yeñék ayenyenták xép ma'a néten nak.” Aptáhak Wesse' egegkok se'e:

Nahúm 2:9

¡Kólmenyexák sawo ekmope élmomnáwa! ¡tén han sawo ekyátekto élmomnáwa! ¡Xámok agko' aqsok éltaqmalma m'a Nínive!