Isaías 10:13 - Biblia Enxet

¹³ Hakte axta aptáhak appeywa wesse' apwányam Asiria s'e: “Sekwasqapma ahagko' ko'o keñamak sélana xa; ewanchek ko'o aqsok, séláneykekxa ahagko' ma'a yaqwánxa atnehek. Ekyementegkek nekha xapop apagkok ma'a énxet'ák, élmeyk ma'a aqsok apagkok ekxámokma élmomnáwa nak, máxa xama énxet apyennaqtél'a ektemék sekmassesseykmo m'a kelwesse'e apkelwányam nak.

Isaías 10:13 ပူးပေါင်းရင်းမြစ်များ

2 Reyes 15:29

Apwokmek axta Tiglat-piléser, wesse' apwányam nak Asiria, aptémakxa axta wesse' apwányam Israel ma'a Pécah, apkelmeyk axta m'a tegma apkelyawe nak Iión, Abel-bet-maacá, Janóah, Quedes, Hasor, Galaad, Galilea keñe han ma'a ekyókxoho yókxexma nak Neftalí. Keñe axta m'a apheykha nak kañe' apkelmoma apnaqleykekxo m'a Asiria.

2 Reyes 16:8

Apkelhaxyawássekxeyk axta Ahaz ma'a sawo ekmope élmomnáwa, tén han ma'a sawo ekyátekto élmomnáwa, ekheykegko axta m'a Wesse' egegkok nak tegma appagkanamap apagkok, keñe han ma'a aqsok élmomnáwa ekheykegko nak ma'a wesse' apwányam apxagkok apyawe, keñe apkeláphássesa aptáha apkelmésso naqsa m'a wesse' apwányam nak Asiria,

2 Reyes 17:24

Apnaqlókek axta wesse' apwányam Asiria énxet'ák Babilonia, Cuta, Avá, Hamat tén han ma'a Sefarvaim, apkelhéssekmek axta m'a tegma apkelyawe nak Samaria, apyaqmagkasso m'a israelitas. Apmomchek axta aptéma apagkok ma'a Samaria, keñe han apheykencha'a m'a tegma apkelyawe apagkok nak.

2 Reyes 17:6

Keñe ekweykmo axta nueve apyeyam apteme wesse' apwányam Oseas, apmomchek axta wesse' apwányam Asiria m'a Samaria, keñe axta apkelmoma israelitas apnaqleykekxo Asiria, apkelhésseykmek axta m'a Halah, yókxexma nak Habor, wátsam nak Gozán, keñe han ma'a tegma apkelyawe apagkok nak medos.

2 Reyes 18:11

Apkelántekkessek axta wesse' apwányam Asiria apheykegkaxa israelitas apnaqleykekxo m'a Asiria, keñe apkelhésseykmo m'a Halah, yókxexma nak Habor, wátsam nak ma'a Gozán, tén han tegma apkelyawe apagkok axta medos.

2 Reyes 18:15

Keñe axta Ezequías apkelmésa ekyókxoho sawo ekmope ekmomnáwa ekheykegko axta m'a Wesse' egegkok nak tegma appagkanamap apagkok, keñe han ma'a aqsok élmomnáwa ekheykegko axta m'a apxagkok nak wesse' apwányam.

2 Reyes 18:32

Keñe sa' enaqlakxak ma'a xama apchókxa ekhémo nak ma'a kélókxa nak kéxegke, xama apchókxa apkemhakxa nak ma'a hótáhap tén han ma'a anmen yámet, yaqwayam sa' kóllanagkok ma'a kelpasmaga tén han vino, ekyetnamakxa nak han pexmok égmenek agkok ma'a olivo yámet, tén han ma'a yányawhéna'. Keñe sa' tásek katnehek kélheykha megkóletsepek sa'. Eyke nágkólyahakxoho m'a Ezequías, hakte apkelyexancháseyha apkeltennasa peya elwagkasek teyp ma'a Wesse' kélagkok.

1 Crónicas 5:26

Axta keñamak, Dios apagkok nak Israel, apyáteyeykegkoho m'a Pul, wesse' apwányam nak Asiria, cham'a Tiglat-piléser, ektáha axta apkelántekkesso apkelókxa m'a Rubén énxet'ák apagkok, tén han Gad, tén han nápakha Manasés énxet'ák apagkok; apnaqleykekxeyk axta m'a yókxexma Halah, Habor, Hará tén han ma'a wátsam nak Gozán, cham'a apheykegkaxa nak makham se'e kaxwo' nak.

Proverbios 28:11

Yának chá'a etnahak apya'áseykegkoho aqsok ma'a énxet ekxámokma nak aqsok apagkok, keñe m'a énxet meyke nak aqsok apagkok, tén han apya'áseykegkoho nak aqsok, ékpelkohok chá'a aptémakxa'.

Isaías 10:8

Aptáhak appeywa s'e: ‘Apyókxoho kelwesse'e apkelwányam apteme apkelámha apmonye'e ahagkok ko'o.

Isaías 5:21

¡Kéxegke laye, kélanagko nak kóltáhak ekha kélmowancha'a kéltemessásamáxche nak ekha kélya'áseyak aqsok!

Jeremías 46:8

Egipto m'a, ekyánchesamaxkoho nak ektémól'a kayákxak yegmen wátsam Nilo, máxa m'a wátsam yegmen eklól'a ekyennaqte. Entáhak Egipto ekpaqmeta s'e: ‘Ayánchesaxkohok sa' ko'o, asawhohok sa' ekyókxoho xapop nak, amasséssók sa' ma'a tegma apkelyawe nak, yetlo m'a apheykha nak kañe'.’

Jeremías 48:14

“Énxet'ák Moab, nágkólteme aqsa kólpaqmétek se'e: ‘Kalyeyha'ak negko'o egwáxok, kempakhakma yapmeyk apkelyennaqte negko'o.’

Ezequiel 25:3

Eltennés sa' yának yeyxhok ma'a sekpeywa, ko'o sektáha nak Wesse': ‘Kélwehéseykha axta kéxegke kélátseykencha'a kélweteya kéltawáseykencha'a m'a tegma appagkanamap ahagkok, tén han kélmasséssekmo m'a Israel apchókxa tén han kélnaqlákxo axta megkatnahakxa apkelókxa m'a énxet'ák Judá.

Ezequiel 26:2

“Axta aptemék chá'a apkelxeyenma énxet'ák Tiro Jerusalén se'e: “¡Kélpaxqáteykekxeyk átog kélyánmagkásamáxchexa nak chá'a nepyeseksa m'a pók aptémakxa énxet'ák! ¡Negko'o kaxwók egwákxa'! Nenxámássek negko'o aqsok egagkok keñe m'a ektáha meyke agko' aqsok.’

Ezequiel 29:3

Etne sa' yának se'e: “Keso aptáhakxa exchek appeywa Wesse' egegkok se'e: Faraón, ekxénchek ko'o exchep aptáha sénmexma, wesse' apwányam nak Egipto, apteme nak yegmen askok ekyawe eklo apyetnama nak ma'a neyseksa wátsam apagkok, apteme nak chá'a epaqmésmakha s'e: Ahagkok ko'o Wátsam Nilo, ko'o sélane.

Ezequiel 35:13

Paqmetchek axta exche' sewañencha'a, kayhek axta ekpeywa sexéneyncha'a ko'o. Ekleg'ak axta nahan ko'o.

Daniel 4:27

Etne sa' se'e séltamhókxa nak etnehek, wesse': etne chá'a ekpéwomo aptémakxa, ná elána kaxwók mey'assáxma; elwatés aptémakxa ekmaso, epásem sa' ma'a apkelmopyóseka nak. Lapmaxcheyk sa' kexa eweynchamha chá'a meyke ektáhakxa aptáha enxoho xa ektáha nak, wesse', tén han katnahagkok chá'a ektaqmalma apweynchámeykha.’”

Daniel 4:30

aptáhak axta s'e: “¡Awanhók agko' nak la'a s'e Babilonia! Ko'o axta sélane yetlo sekmowána, sekhamakxa chá'a sektémakxa wesse' apwányam, yaqwayam enxoho kataxchek seyeymáxkoho.”

Amós 5:27

Aláphaksek sa' ko'o kéxegke mók apkelókxa, teyp nak ma'a Damasco.” Cháxa aptáhakxa nak appeywa Wesse' Dios ekha apyennaqte xa. Cháxa apwesey xa.

Amós 6:13

Kaqhok chá'a kéxegke kalpayhekxak kélwáxok, kóltéhek chá'a kélpeywa s'e: “Nélyennaqte egagko' negko'o keñamak negweteya nélyennaqte.”

Habacuc 1:11

Máxa éxchahayam ekyennaqte etnahagkok elxog, máxa aqsok apcháyókxa apteméssessók apkeláyo m'a ektémakxa nak apkelyennaqte.”

Habacuc 1:16

Cháxa keñamak aptegyéyak nak chá'a kelasma apteméssessama máxa aqsok apcháyókxa m'a yám'én apagkok tén han sókhaxe apagkok, elnáhakkasek chá'a aqsok apnaqtósso, elwatnések nahan chá'a m'a aqsok ekmátsa nak ekpaqneyam, hakte cha'a keñamak ekmésso aptéyak ektaqmalma m'a, tén han ekxámokma.

Habacuc 2:6

Elesmaksek sa' eyke apyókxoho pók aptémakxa énxet'ák apkelmomap nak ma'a ektáha nak apkelma, sa' etnehek elmeneykmaksek se'e: “¡Kéxegke la'aye, ekhésso nak aqsok kélagkok ma'a megkatnaha nak aqsok kélagkok! ¿Háxko sa' ekwánxa katnehek apcháncheseykekxa aqsok ekxámokma, apkelma nak kélmassáseykha?”

Deuteronomio 8:17

“Nágkatne aqsa élchetamso kélwáxok se'e: ‘Nélwasqápeykekxoho keñamak negko'o negweteya s'e aqsok egagkok ekxámokma nak.’

Jueces 7:2

Aptáhak axta Wesse' egegkok apcháneya Gedeón: “Apxámok apagko' apnaqláyam énxet, éltamhók sa' ko'o emenxenek ma'a madianitas, elxénmakha sa' nahaqtók ko'o apkenagko apkelwagkásamap apagko' teyp.