Isaías 1:9 - Biblia Enxet

⁹ Axta agkok negko'o hẽleykmok egqántawók ma'a Wesse' ekha nak apyennaqte, aghágwakxohok axta m'a ektémakxa axta énxet'ák apheykha axta m'a tegma apwányam Sodoma tén han ma'a Gomorra.

Isaías 1:9 ပူးပေါင်းရင်းမြစ်များ

Génesis 18:26

Keñe axta Wesse' egegkok aptáha apchátegmowágko s'e: —Ekwet'ak sa' agkok ko'o cincuenta énxet meyke apkeltémakxa m'a tegma apwányam nak Sodoma, alásekhekxohok sa' ko'o apyókxoho apheykha m'a, eñama xa.

Génesis 18:32

Axta aptáhak makham Abraham se'e: —Wesse' ahagkok, náhetaqnow aqsa, wánxa sa' eyke atnehek sekpaqhetchesso s'e peya nak makham apaqhetchásekxa': ¿háxko sa' eyke etnehek apwet'a enxoho wánxa diez? Apchátegmowágkek axta makham Wesse' egegkok: —Mamasséssemek sa' ko'o tegma apwányam, sekwet'a enxoho diez.

Génesis 19:24

keñe axta Wesse' egegkok appalchesánto táxa, tén han aqsok ánek ekyátekto eyáléwomo nak, néten Sodoma tén han Gomorra;

1 Reyes 19:18

Siete mil énxet'ák sa' aqsa ko'o aleymok ma'a Israel, ektáha axta meltekxeyéyak aptapnák amonye' m'a Baal tén han mepetsesma nak chá'a.”

2 Reyes 19:4

Eñoho annal'a Dios Wesse' apagkok appeywa m'a sẽlpextétamo apwesse' apcháphasso nak wesse' apagkok, cham'a wesse' apwányam nak Asiria, yaqwayam enxoho ewanyaha m'a Dios megyetsapma nak, eñássesagkoho annal'a aplege apagko' enxoho aqsok apxeyenma m'a Dios Wesse' apagkok nak. Elmaxnésses sa' ma'a apkeleymomap nak meletsapma.”

Isaías 1:8

Sión aqsa kéméxche', máxa kélpakxanmal'a entemék ekyetnama axakkók ma'a neyseksa nak anmen yámet kélcheneykekxa, máxa tegma kélpakxanmal'a aqsa néten meyke kóneg entemék ekyetnama axakkók ma'a nepyeseksa nak yánsamáne kélcheneykekxa, máxa tegma apwányam apwakhél'a apkelenmexma entemék ekyetnama axakko'.

Isaías 11:11

Exekmósek sa' makham apmopwána Wesse' egegkok apmako sa' enaqlanták makham énxet'ák apagkok apkeleymomap xa ekhem nak, apnaqlósawákxo sa' makham ma'a Asiria, Egipto, Patros, Etiopía, Elam, Sinar, Hamat tén han ma'a apkelókxa ekhéyak nak neyáwa wátsam ekwányam.

Isaías 11:16

Apkelchexyekmek sa' agkok makham apkelenyékta' Asiria xa apkeleymomap nak Wesse' egegkok énxet'ák apagkok, elwetak sa' ekyawe agko' ámay, ektéma axta m'a énxet'ák Israel apkelánteyapma axta m'a Egipto.

Isaías 17:6

apkeleymomap la'a aqsa wánxa m'a kéláyam nak; essenhan ma'a ektémól'a kólyeykesek aktegák ma'a olivo yámet éleymomáxchel'a aqsa wánxa ánet essenhan ántánxo ekyexna m'a naw'ék nak, essenhan cuatro tén han cinco ekyexna chá'a m'a ekyókxoho awhók nak. Wesse' egegkok apxeyenma xa, Israel Dios apagkok nak.

Isaías 24:13

Sa' katnehek ekyókxoho apheykegkaxa nak chá'a pók aptémakxa énxet'ák keso náxop, ektémól'a kóltekpog kólpalchesek ekyexna m'a olivo yámet, enxeykel'a nahan ma'a ektémól'a kólchetámekxohok ekyexna anmen yámet natámen la'a ekpenchásamáxche eknakxamáxche m'a ekyexna.

Isaías 24:6

Cháxa keñamak ekmasséssekmo nak xapop ma'a sẽlyemneykha ekmaso nak, tén han apkellegágkoho kéllegassáseykegkoho m'a énxet'ák apheykha nak kañe'. Cháxa keñamak apweywento nak énxet apheykha keso náxop, apqántawók apagko' apkeleymékpok.

Isaías 37:4

Eñoho annal'a Dios Wesse' apagkok appeywa m'a sẽlpextétamo apwesse' apcháphasso nak wesse' apagkok, cham'a wesse' apwányam nak Asiria, yaqwayam enxoho ewanyaha m'a Dios megyetsapma nak, eñássesagkoho annal'a aplege apagko' enxoho aqsok apxeyenma m'a Dios Wesse' apagkok nak. Elmaxnésses sa' ma'a apkeleymomap nak meletsapma.”

Isaías 46:3

“Jacob aptawán'ák neptámen, kóleyxho sekpeywa, kélyókxoho kéleymomáxche nak Israel énxet'ák apagkok: Élpatmeykha axta ko'o kéxegke kélheykegkaxa axta kélchána awáxok; élqeyneykha axta,

Isaías 6:13

Apkeleymekpek sa' agkok nahan chá'a ektáhakxa diez xama m'a énxet'ák, kólmasséssók sa' nahan ma'a, ektémól'a kólyaqtennek ma'a xama yámet roble essenhan ma'a yámet encina, wánxa aqsa keymaxchek ma'a awhak nak.” (Katyapok sa' eyke xama éltektépeykekxa ekpagkanamaxche xa awhak nak)

Isaías 65:8

Aptáhak Wesse' egegkok se'e: “Awanhek agkok égmenek ma'a anmen yámet ekyexna, metwasha énxet, hakte awanhek katnehek apkelane m'a vino. Sa' atnehek ko'o xa ektáha nak eñama sélásekhayo m'a séláneykha, mamasséssemek sa' apyókxoho énxet'ák.

Jeremías 23:14

Ekweteyak axta ko'o apkeláneykegko aqsok ekmaso agko' ma'a apkellegasso axta sekpeywa apheykha axta m'a Jerusalén: apnaqtawáseykegkók axta apnaqteyegka'a apkeláneykegko chá'a mók, apkelyexancháseykha axta nahan chá'a apnámakkok, elyáteyagkohok axta chá'a megyánhek elwátesagkok apkeltémakxa ekmaso m'a élmasagcha'a nak apkeltémakxa. Ekhéssamok ko'o Sodoma tén han Gomorra xa énxet'ák nak, tén han ma'a apheykha nak tegma apwányam.

Jeremías 42:2

ma'a Dios appeywa aplegasso Jeremías, axta aptáhak apcháneya s'e: —Peyk negko'o exchep ólmaxnak xama aqsok; hẽlyahakxoho sa': Hẽlmaxnésses negko'o Dios Wesse' apagkok, néleymomáxche nak egqántawo'. Nenxámók axta eykhe negko'o, egqántawók eyke kaxwók néleymomáxche', ekhawo ektémakxa nak xép apwet'a.

Jeremías 50:20

Ektáhak ko'o sekpeywa s'e, sektáha nak Wesse': Megkóteyaxcheyk sa' apkelsexnánémap tén han melya'assáxma énxet'ák Israel, tén han Judá xa ekhem nak, hakte mayaqmagkásekxeyk sa' ko'o apkeltémakxa axta m'a énxet'ák seyhayo nak elweynchamha makham.

Lamentaciones 3:22

Méko néxa segásekhayo m'a Wesse' egegkok, megkamassegwomek nahan ektémakxa ektaqmeleykha apwáxok henlano'.

Lamentaciones 4:6

Awanhók agko' apkeltémakxa ekmaso m'a énxet'ák apheykha nak tegma apwányam ahagkok, megkaxnawok ma'a ektémakxa axta melya'assáxma m'a apheykha nak Sodoma, kélmassésseykmo axta ekmanyehe agko', meyke xama enxoho kélchetámeyak.

Ezequiel 14:22

Apqántawók sa' aqsa eleymakpok meletsapma, yaqwayam sa' elántépok yetlo apketchek apkelennay'a m'a tén han ma'a kelwán'ák nak. Apkelya'awékteyk sa' agkok kéxegke m'a, kólwetak sa' apkeltémakxa tén han ma'a aqsok ekmaso apkelánéyak, keñe sa' kaltaqmelchessásekxak kélwáxok kéxegke m'a nenlegeykegkoho seyáphasso nak ko'o m'a Jerusalén.

Ezequiel 6:8

Wának sa' eyke ko'o kólwomok teyp kélnápakha kéxegke tén han megkóltekyewe, kólexpaqnek sa' kólmahagkok ma'a nepyeseksa nak pók aptémakxa énxet.

Joel 2:32

Apyókxoho énxet ektáha nak sewóneykha, ko'o sektáha nak Wesse', ewagkasakpok sa' teyp ma'a nétsapmakxa nak, hakte keytek sa' nélwagkásamáxche teyp ma'a egkexe Sión, Jerusalén nak, apkeltennassamakxa axta katnehek ma'a Wesse' egegkok. Meletsepek sa' ma'a ektáha nak apkelyéseykha.

Amós 4:11

“Ekmaso agko' axta ko'o ekmassésseykmok kéxegke, ekhawo sekteméssessamakxa axta sekmassésseykmo m'a Sodoma tén han Gomorra; máxa átex axta kéltemék kélhaxyawassól'a neyseksa táxa, ¡axta eyke hélye'eykekták ko'o kéxegke!” Wesse' egegkok apxeyenma xa.

Habacuc 3:2

Wesse', awanhók agko' chá'a ko'o seyáyo exchep, eñama seklege m'a aqsok eñama nak xép, tén han ma'a ekyókxoho aqsok apkelane nak chá'a. Henlanés negko'óxa aqsok ekyawe keso negwánxa nak, ektéma axta m'a nanók axta, yaqwayam sa' agya'asagkohok negko'óxa. Henxekmós negko'o exchep apmopyósa henlano', neyseksa eykhe aplo.

Deuteronomio 29:23

elwetak sa' ekyókxoho apchókxa ekteme m'a aqsok ánek ekyátekto eyáléwomól'a, tén han yásek tén han xapop ekmeyesma. Megkólwanchek nahan kólchenekxak aqsok aktek xa xapop nak, megkatyephek nahan xama aqsok enxoho; megkawanamyek nahan xama pa'at enxoho m'a, hawók ma'a ektémakxa axta kélmassesseykmo m'a tegma apkelyawe Sodoma, Gomorra, Admá tén han ma'a Seboím, apmassesseykmo axta Wesse' egegkok yetlo aplómo apagko'.