Isaías 1:21 - Biblia Enxet

²¹ ¡Aphágweykxók kelán'a ekyaqmagkáseyak pók énxet ekma nak chá'a ekyánmaga ekpathetéyak ma'a tegma apwányam meyenseyam nak Wesse' egegkok! Tásek axta chá'a katnehek aqsok apkelánéyák apyókxoho énxet'ák apheykha nak ma'a, cham'a nanók axta, kapéwhok axta chá'a, keñe kaxwók aptamhágko tekyawa yapmeyk.

Isaías 1:21 ပူးပေါင်းရင်းမြစ်များ

2 Samuel 8:15

Aptemegkek axta wesse' apwányam David ma'a ekyókxoho nak Israel, aptaqmelchessamók axta han chá'a apkeláneykha m'a apyókxoho énxet'ák apagkok, meyke apteméssesso m'a megkapayhawo nak chá'a etnéssesek.

2 Crónicas 19:9

Tén axta apkeltennasa yaqwánxa chá'a etnahágkok: “Kóllána sa' chá'a kéltamheykha yetlo kéláyo Wesse' egegkok, yetlo ekmámnaqsoho, tén han meyke kéltémakxa.

Nehemías 11:1

Apkelhakmek axta Jerusalén ma'a apkelámha apmonye'e nak chá'a nepyeseksa énxet'ák; keñe axta m'a nápakha apkeleymomap axta aptawásegko chá'a xama aqsok, yaqwayam enxoho elhók chá'a Jerusalén xama nepyeseksa m'a diez énxet'ák, cham'a tegma apwányam appagkanamap nak, keñe sa' ma'a pók apkeleymomap nak nueve, elhók chá'a mók apheykegkaxa nak chá'a énxet.

Salmos 46:4

Yetneyk xama wátsam ekpeykessáseykekxo nak apwáxok Dios tegma apwányam apagkok, tegma apkelyawe apkelpagkanamap apagko', apagkok nak ma'a Dios Meyke Ekhémo.

Salmos 48:1

¡Apwányam apagko' Wesse' egegkok! ¡Payhawók kólteméssesek apcheymákpoho Dios egagkok ma'a tegma apwányam apagkok nak, tén han ma'a egkexe ekpagkanamaxche apagkok nak!

Salmos 48:8

Egaqta'ák egagko' axta negko'o negwet'ak ma'a ektémakxa axta sẽltennáseykha, cham'a tegma apwányam apagkok nak Dios egagkok, Wesse' egegkok ekha nak apyennaqte, ¡apmáheyo chá'a elanha Dios meyke néxa m'a Jerusalén!

Isaías 1:22

Kélhawók axta kéxegke m'a sawo ekmope ekmomnáwa, keñe kéltemessásexchekxoho kélagko' ekho aqsok apák kélchexakha, kélhawók axta m'a vino ektaqmalma, keñe kéltemessásexchekxoho kélagko' ekho yegmen.

Isaías 26:10

Elepyóshok sa' eykhe elanok xép ma'a élmasagcha'a nak apkeltémakxa, megkaltámeyagkek sa' eyke yaqwayam elanagkok aqsok ekpéwomo m'a; élmasagcha'a agko' apkeltémakxa nepyeseksa énxet'ák ekha nak apkelyeheykekxoho m'a, melya'ásegkok nahan ektémakxa nak apteme apwányam apagko' ma'a Wesse' egegkok.

Isaías 48:2

kélxeyenma nak chá'a kéleñama tegma apwányam aptaqmalma tén han kélpasmeykekxa m'a Israel Dios apagkok, apwesey nak Wesse' ekha apyennaqte.

Isaías 5:7

Israel apchókxa m'a apkeneykekxexa nak anmen yámet apagkok ma'a Wesse' ekha nak apyennaqte tén han ma'a Judá, cham'a apkeneykekxa apmopmenyého apagko' nak. Apkelhaxanmeyk axta katnehek kélyeheykekxoho segánamakxa apagkok Wesse' egegkok ma'a, wánxa axta eyke aqsa apweteya chá'a ekyetnama m'a nentekyawa; apkelhaxanmeyk axta katnehek ma'a ekpéwomo nak nentémakxa, wánxa axta eyke aqsa aplegaya chá'a m'a ekpayheykha nak egátog nenlegeykegkoho ekmáske.

Isaías 59:14

Taqnómaxchek ma'a aqsok ekpéwomo nak, makhawók yetneyk ma'a aqsok ektaqmalma nak, kelpelapmeykha aqsok ekmámnaqsoho m'a apkelweynchámeykegkaxa nak chá'a énxet'ák apxámokma, keñe m'a meyke nak nentémakxa yawanchek ekmáheyo kawa'.

Isaías 59:15

Massegwokmek ma'a aqsok ekmámnaqsoho nak, kélmenyexchessek aqsok apagkok ma'a apyetnakhasso nak aqsok ekmaso. Axta kalchak apwáxok Wesse' egegkok apwet'a méko aqsok ekpéwomo.

Isaías 59:3

Tekyawa yapmeyk kéxegke tén han kélnaqtawáseykegkoho chá'a kélnámakkok; kélmowána amya'a chá'a kéltemék, kélxeyenmeyk chá'a m'a aqsok ekmaso nak.

Jeremías 3:1

Aptáhak Wesse' egegkok se'e: “Yenyókek agkok aptáwa' xama énxet, keñe ektepa enxoho aphakxa xa kelán'a nak, kamekxak pók énxet, yawanchek kay'ókxak makham ma'a apmonye' atáwa' axta. ¡Ekmanyása agko' sa' katnéssesek apchókxa ektáha enxoho xa ektáha nak! Keñe exche' Israel, kelánéseykegkek nentémakxa ekmaso mansexta apxámokma apagko' ma'a élásekhayókxa nak. ¡Keñe kaxwo' ekmako makham ko'o hey'óta'! Ko'o sekxeyenma xa, sektáha nak Wesse'.

Oseas 11:12

“Ewakhassegkek ko'o apkelmopwancha'a amya'a m'a énxet'ák Efraín, ewakhassegkek ko'o sélyexancháseykha m'a énxet'ák Israel. Apyamasmeyk Dios ma'a Judá, melwátesseykmok kaxwók apkelyetleykha m'a aqsok kéleykmássesso.

Oseas 2:5

Keláneyak axta ekmaso ektémakxa megkamasexta m'a egken nak, massegkek axta ekteme meyke ektémakxa', ektéma axta ekpeywa s'e: ‘Ategyaha sa' ko'o sélpathetéyak, segkésso nak chá'a sekto, tén han ma'a yegmen, tén han nepkések apwa', tén han apáwa apkeláxñeyo nak, tén han pexmok égmenek, tén han ma'a sekya.’

Habacuc 1:4

Megkalánamáxchek ma'a ektémakxa nak chá'a segánamakxa, kelyeykhamaxchek aqsa m'a ekpayhawo nak antéhek, apnaqtawáseykegkók chá'a élmasagcha'a nak apkeltémakxa m'a éltaqmalma nak apkeltémakxa, apkelyetnakhásseykmek ma'a ekpéwomo nak nentémakxa.

Zacarías 8:3

Amyenták sa' ko'o makham ma'a Jerusalén, yaqwayam axek makham ma'a. Keñe sa' Jerusalén eltamhakpok Tegma Apwányam Meheyenseyam, keñe sa' ma'a egkexe ahagkok nak ko'o sektáha nak Wesse' ekha sekyennaqte, kaltamhaxchek sa' Egkexe Ekpagkanamaxche'.