Isaías 1:20 - Biblia Enxet

²⁰ kéllenxanmégkók sa' agkok kélmámenyého kóltéhek élyennaqte kélwáxok, kóletsapok sa' neyseksa kempakhakma.” Wesse' egegkok apagko' apxeyenma xa.

Isaías 1:20 ပူးပေါင်းရင်းမြစ်များ

Job 36:12

Agkok elyahákxa', eletsapok exnagwók kañe' takhaxpop, melya'ásegwánxa nak makham.

Éxodo 9:2

Sa' agkok ya'awok elxog, apkelenxanakmoho enxoho makham apmássesséyak yaqwayam elxog,

Isaías 3:11

Énxet'ák élmasagcha'a apkeltémakxa sa' laye, asagkek sa' chá'a katnehek ma'a aqsok apkelánéyák, Dios sa' ellegássesagkohok ekhawo m'a ektémakxa nak aqsok apkelánéyák.

Isaías 3:25

Etekyók sa' énxet'ák apagkok kempakhakma, eletsapok sa' kempakhakma yapmeyk apagkok neyseksa émpakhamáxche'.

Isaías 34:16

Kóllano ekxeyenma Wesse' egegkok weykcha'áhak apagkok, kólyetset nahan: Megkeymaxcheyk sa' nahan xama enxoho kólwetak xa aqsok nawha'ák nak, megkeymaxchek sa' xama m'a kelwána nak, hakte Wesse' egegkok apagko' apnegkenma xa, apkennama sa' nahan etnehek yánchásekxa'.

Isaías 40:5

Keñe sa' exekmósek apcheymákpoho m'a Wesse' egegkok, elwetak sa' apyókxoho énxet meyke apkeymomap. Wesse' egegkok apagko' apxeyenma xa.”

Isaías 58:14

Kéltemék sa' agkok xa ektáha nak, kólwetak sa' ekpayheykekxa kélwáxok eñama nak ko'o, keñe sa' ko'o anaqlók kéxegke m'a apkelókxa néten egkexe nak, wának sa' kalpayhekxak kélwáxok neyseksa kélheykha m'a xapop sekmeyáseykekxa axta m'a kélyáp Jacob.” Wesse' egegkok apagko' apxeyenma xa.

Isaías 65:12

ekmaso ektáhakxa kelhaxnak kéxegke: sókwenaqte sa' wának kalnápok. Hakte élwóneyha axta ko'o kéxegke keñe mehélátegmowágko; élpaqhetchessek axta eykhe', keñe mehélhaxnawo; kélláneykegkek aqsa m'a mamámenyého nak ko'o, kélyéseykha m'a aqsok megkaleklamakxa nak ko'o ewáxok.”

Isaías 8:6

“Apkelwanyeyha énxet'ák se'e yegmen Siloé, ektaqmelchessamo nak aqsa ényé, eñama apkelaye m'a wesse' apwányam Resín tén han ma'a Remalías apketche nak,

Jeremías 17:27

Sa' agkok kéxegke kólyahákxohok ma'a séltémókxa nak kóltéhek, mehelpagkanchessesa enxoho m'a ekhem sábado, kélántaxnéssákxo enxoho chá'a kélseykha atña'ák nak Jerusalén xa ekhem nak, alwatnek sa' ko'o m'a atña'ák nak tegma apwányam, táxa sa' kamasséssók ma'a tegma apkelyawe nak ma'a Jerusalén, méko sa' nahan kawának kaspanchesek.’”

Jeremías 21:8

‘Eltennés sa' nahan énxet'ák sektáha ko'o sekpeywa, sektáha nak Wesse': Ekméssek ko'o kéxegke yaqwayam kólyésha ámay segya'aseykekxoho nak chá'a ekyennaqtamakxa egnények, tén han ma'a ámay nétsapmakxa nak.

Jeremías 26:4

Eltennés sa' sektáha ko'o sekpeywa s'e, sektáha nak Wesse': ‘Sa' agkok hélyahákxak ko'o, tén han megkóllánegko enxoho m'a séltémókxa axta kóltéhek sekmésso axta ko'o kéxegke,

Jeremías 4:17

Ewakhegwak sa' ma'a Judá, aptémól'a ewakhekxak yókxexma m'a énxet'ák apkeltaqmelchesso nak yókxexma, hakte apkenmexeykekxeyk ma'a Wesse' egegkok. Ko'o sekxeyenma xa, sektáha nak Wesse'.

Jeremías 46:14

“Kóllegés Egipto s'e, tén han Migdol, tén han Menfis, tén han ma'a Tafnes: ‘¡Kólleyxmakha, kóllánekxa kéltáhakxa! ¡Yetnakmek ekyógkexma sókwenaqte kélnepyáwa!’

Levítico 26:25

Wahak sa' ko'o kéxegke kempakhakma eñama megkólláneyak ma'a ekhémo mók nélpaqhetchásamáxkoho ahagkok nak; kólenyahagkok sa' chá'a kéxegke kólmeyekxak ma'a tegma apkelyawe kélagkok nak, wáphássesek sa' eyke ko'o negmasse, keñe sa' kéxegke elmok ma'a kélenmexma.

Levítico 26:33

Waxpánchesek sa' ko'o kéxegke alya'aksek nepyeseksa m'a pók aptémakxa énxet'ák nak, sókwenaqte sa' amenxenchesek; yókxexma meykexa énxet sa' katnekxak ma'a kélókxa nak, keñe sa' ma'a tegma apkelyawe kélagkok nak, etnekxak segyegwakkassamo agweta'.

Miqueas 4:4

Apyókxoho énxet'ák sa' exmakha meyke apkelaye, exmakha sa' ellókasek apkelyampe kóneg anmen yámet pessesse agkok, tén han kóneg higo yámet. ¡Wesse' egegkok ekha apyennaqte appeywa xa!

Números 23:19

Maghawok negko'o m'a Dios nentáha nak énxet néletsapmo nak chá'a, metnehek apmopwána amya'a, meyaqmagkassemek nahan mók ma'a aqsok apxeyenma. Apxénchek agkok xama aqsok, elának nahan. Apxénchek agkok nahan élanak xama aqsok, elának nahan.

1 Samuel 12:15

Sa' agkok kólyahákxoho, kélyenyawa enxoho m'a apkeltémókxa nak kóltéhek, ellegássesagkohok sa' kéxegke yetlo wesse' apwányam kélagkok.

1 Samuel 12:25

Kéllenxanmégkók sa' agkok kéllane aqsok ekmaso, kólmasséssók sa' kéxegke yetlo wesse' apwányam kélagkok.

1 Samuel 15:29

Hakte metnehek apmopwána amya'a m'a Dios apcheymákpoho nak Israel, meyaqmagkassemek han appeywa, hakte háwe énxet eyaqmagkassók mók appeywa.