Isaías 1:19 - Biblia Enxet

¹⁹ Leyawók sa' agkok kélwáxok kóltéhek ekha kélyeheykekxoho, kóltawagkok sa' aqsok ekyexna éltaqmalma ektekkesso nak xapop;

Isaías 1:19 ပူးပေါင်းရင်းမြစ်များ

Isaías 25:6

Elanaksek sa' ektámaxche ekyawe Wesse' ekha nak apyennaqte apyókxoho pók aptémakxa énxet'ák ma'a egkexe Sión, nento éltaqmalma nak tén han ma'a vino ektaqmalma nak, yetlo m'a élmátsa agko' nak nento tén han ma'a vino ektaqmalma agko' nak.

Isaías 3:10

Apkeleñémo énxet appéwomo, hakte tásek sa' chá'a katnehek ma'a aqsok apkelane, kataksek sa' ektaqmalma apha m'a aptamheykha eñama apwasqápeykekxoho.

Isaías 58:14

Kéltemék sa' agkok xa ektáha nak, kólwetak sa' ekpayheykekxa kélwáxok eñama nak ko'o, keñe sa' ko'o anaqlók kéxegke m'a apkelókxa néten egkexe nak, wának sa' kalpayhekxak kélwáxok neyseksa kélheykha m'a xapop sekmeyáseykekxa axta m'a kélyáp Jacob.” Wesse' egegkok apagko' apxeyenma xa.

Isaías 65:13

Cháxa keñamak aptáha nak appeywa Wesse' egegkok se'e: “Yetneyk sa' chá'a katnehek aptéyak ma'a séláneykha; keñe sa' kéxegke kóllegagkohok meyk élnapma; yetneyk sa' katnehek ma'a apyenéyak, keñe sa' kéxegke kóllegagkohok hem élnapma; kalpayhekxak sa' apkelwáxok ma'a, keñe sa' kéxegke kólmegqe';

Jeremías 21:8

‘Eltennés sa' nahan énxet'ák sektáha ko'o sekpeywa, sektáha nak Wesse': Ekméssek ko'o kéxegke yaqwayam kólyésha ámay segya'aseykekxoho nak chá'a ekyennaqtamakxa egnények, tén han ma'a ámay nétsapmakxa nak.

Jeremías 7:3

apcháphássesso nak Wesse' egegkok ekha apyennaqte, cham'a Israel Dios apagkok nak: Kóltaqmelchásekxa hana kéltémakxa, tén han aqsok kéllánéyak, keñe sa' ko'o wohok kóllenxanmagkohok kélheykha s'e xapop nak.

Jeremías 7:5

“Kéltaqmelchásekxeyk sa' agkok kéltémakxa tén han aqsok kéllánéyak, tén han ekpéwo enxoho chá'a kélteméssesakxa kélnámakkok;

Jeremías 7:7

wohok sa' ko'o kóllenxanmagkohok kélheykha s'e xapop nak, sekmésso axta ko'o kélyapmeyk nano' megkatnégwayam néxa.

Joel 2:26

Kóltawagkok sa' kéltéyak kéxegke ekwokmoho kélyaqkanakmo, kólteméssesek sa' nahan apcheymákpoho Dios Wesse' kélagkok, hakte élánéssegkek ko'o kéxegke ekyawe agko' aqsok ektaqmalma nak. Kamaskok agko' sa' elmegqeyk ma'a énxet'ák ahagkok,

Levítico 25:19

keyxnések sa' aqsok xapop, keñe sa' kéxegke tásek katnehek kélheykha m'a kañe', kóltawagkok sa' ma'a aqsok ekyexnésso nak, ekwokmoho kélyaqkanakmo.

Levítico 26:3

“Kéltemék agkok ma'a ektémakxa nak segánamakxa ahagkok, kélyahákxoho enxoho m'a séltémókxa nak kóltéhek, tén han kéllana enxoho,

Levítico 26:5

exek sa' han hótáhap apaktek kélagkok, ekweykmoho kélnakxa m'a anmen yámet ekyexna, keñe sa' kaxek anmen yámet ekyexna ekweykmoho kélchenákxo makham aqsok aktek; kóltawagkok sa' kéltéyak ekwokmoho kélyaqkanakmo, tásek sa' katnehek kélheykha m'a kélókxa.

Hageo 1:12

Apkekak axta Zorobabel, tén han Josué, tén han ma'a énxet'ák apkelleg'a aptáhakxa Wesse' egegkok apkeláneya eñama axta apchásenneykekxa m'a aplegasso nak appeywa Hageo, cham'a apkeltémo axta eltennaksek ma'a Dios Wesse' egegkok.

Deuteronomio 28:1

“Naqsók agkok kélyahákxoho kéxegke m'a Dios Wesse' kélagkok, tén han kéllana ekyókxoho m'a apkeltémókxa nak chá'a antéhek séltamho exchek ko'o kóllának se'e sakhem nak, etnéssesek sa' néten agko' kéxegke Wesse' egegkok nepyeseksa m'a apyókxoho énxet'ák apheykha nak keso náxop.