Isaías 1:18 - Biblia Enxet

¹⁸ Aptáhak Wesse' egegkok se'e: “Kólchexyem, ólpaqmétek sa' anxének se'e aqsok nak. Ekyexwase agko' eykhe tamhákxak ma'a kéltémakxa nak megkólya'assáxma, ekmope sa' eyke ko'o atnessásekxa' ektémól'a m'a yeyam appok la'a; máxa apáwa kéltamheykekxal'a hómáyok sa' eykhe katnehek, ekmope sa' eyke ko'o atnessásekxa', ektémól'a m'a nepkések apwa'.

Isaías 1:18 ပူးပေါင်းရင်းမြစ်များ

Job 9:33

¡Tásek axta eykhel'a exek negyeseksa negko'o xama segyekpelchémo, yaqwayam enxoho hẽlyekpelkohok negko'o s'e egqánet nak,

Salmos 51:7

Heyenyókas ko'o may'assáxma tén sa' wáxñekxoho'; heyáxñassásekxa émpehek, tén sa' amópekxohok ahagko', ayeykhágwomhok sa' ma'a aptémakxa nak apmópeyo yeyam appok.

Salmos 51:9

Ná elano may'assáxma, hemassésses ekyókxoho sektémakxa ekmaso.

Isaías 1:23

Élyennaqte apkelwáxok ma'a kelwesse'e apkelwányam kélagkok nak, énxet'ák élmasagcha'a apkeltémakxa nahan ma'a apkelxegexma'a. Meltaqheksók nahan elxawagkok selyaqye m'a apyókxoho nak, etegyagkok nahan yaqwayam nak kólmésagkok aqsa chá'a m'a aqsok kelméyáséyak naqsa nak. Meltaqmelchessásekxeyk ekheykha m'a élyeheykha nak, megkalyetnakhaksók nahan apkelwáxok ektémakxa nak ekheykha m'a kelán'a xentampe'e nak.

Isaías 3:13

Apkelánekxeyk aptáhakxa Wesse' egegkok yaqwayam elyekpelkoho', appenchessek aptáhakxa yaqwayam elyekpelchásseshok ma'a énxet'ák apagkok.

Isaías 41:1

“Kólwanmeyák nahaqtók ko'o, kéxegke kélheykha nak apkelókxa neyáwa wátsam ekwányam. Énxet'ák, kólyennákxoho sa'. Kólxegma sa' yaqwayam anxének se'e aqsok nak; agaqnekxak sa' yaqwayam ólpaqmétek.

Isaías 41:21

Aptáhak Wesse' egegkok se'e, Jacob wesse' apwányam apagkok nak: “Kéleykmássesso, kólchempoho, kólyentementa apkelmasma nak chá'a, kólmeyágwata m'a ektémakxa nak chá'a kélsexnánémaxche'.

Isaías 44:22

Máxa yaphope ekmassegwayam la'a aqsa ekteméssessók ko'o sekmassesseykmo m'a aqsok megyaqhémo nak tén han ma'a mey'assáxma. Hey'óta ko'o makham, hakte ko'o axta sekwagkasso teyp xép.”

Isaías 50:8

Apheyk ko'o sekhakxa m'a semasma nak chá'a: ¿Apyetnéya kélxama apmáheyo hexének ko'o? ¡Ólmeyekxak sa' ólpaqméswók ma'a aphakxa nak énxet segyekpelchémo! ¿Apyetnéya xama énxet apkenè kapéwók hesexnenak ko'o? ¡Tásek sa' exegmak héltennaksek!

Isaías 55:7

Tásek eyenyekxak apkeltémakxa nak chá'a m'a énxet'ák élmasagcha'a nak apkeltémakxa, tásek elwátésagkok ektémakxa nak chá'a élchetámeykha apkelwáxok ma'a énxet'ák ekyentaxno nak chá'a apkeltémakxa; kólyo'ókxa Wesse' egegkok, kélyósekak sa' elanok kéxegke m'a; kólyo'ókxa m'a Dios egagkok, apmopmenyého nak chá'a hempasmok yaqwayam hegásekhekxoho'.

Jeremías 2:5

Aptáhak apkeláneya kéxegke Wesse' egegkok se'e: “¿Yaqsa axta aqsok ekmaso apkelweteya séláneya ko'o kélyapmeyk nano' seyamasma? Apkelyetleykekxeyk axta m'a aqsok kéláyókxa ekteme nak mékoho, mékoho apagko' axta han apkelteméssásamákpekxak ma'a.

Ezequiel 18:27

Apyenyeykxeyk agkok aptémakxa ekmaso m'a énxet ekmaso nak aptémakxa, apkeláneykxo enxoho m'a aqsok ekpéwomo tén han ma'a ekpayhawo nak chá'a elána', ewagkasakpok sa' teyp.

Ezequiel 33:16

Megyetsepek sa' chá'a eñama apkelane aqsok ektaqmela yetlo ekpéwomo, megkaxénwakxók sa' chá'a ko'o ewáxok xama enxoho m'a mey'assáxma axta apkelane.’

Miqueas 6:2

Kéxegke egkexe, kóleyxho sa' se'e tén han xapop awhak: peyk elyekpelkohok kaxwók Wesse' egegkok énxet'ák apagkok, peyk eltennaksek aqsok élsexnenagko m'a énxet'ák Israel.

1 Samuel 12:7

Kóllánekxa sa' kaxwo' kéltáhakxa', altennásekxohok sa' ko'o kéxegke nápaqtók Wesse' egegkok ekyókxoho ektaqmela apteméssessamakxa nak chá'a kéxegke, tén han ma'a kélyapmeyk nanók axta.