Isaías 1:15 - Biblia Enxet

¹⁵ Kélya'ássek agkok chá'a kéxegke kélmék néten kóltéhek nempeywa nélmaxnagko, malanók chá'a ko'o kéxegke; kólxámaksohok eykhe nahan kélteme nempeywa nélmaxnagko, mañék eyke ko'o. Keltexnémáxcheyk éma kélmék ekyetno kélyógkexma.

Isaías 1:15 ပူးပေါင်းရင်းမြစ်များ

1 Reyes 8:22

Tén axta apkenegwokmo Salomón ma'a amonye' nak ekwatnamáxchexa aqsok, Wesse' egegkok nak apagkok, nápaqta'awók ma'a apyókxoho énxet'ák Israel, apkelya'ássek axta néten apmék,

1 Reyes 8:54

Xama axta appenchesa apkelmaxnagko Salomón ma'a Wesse' egegkok, cham'a apkeltekxeya axta aptapnák ma'a amonye' nak ekwatnamáxchexa aqsok, tén han apkelya'asa axta néten apmék,

Esdras 9:5

Cháxa ekmassakxa axta han ko'o ekyaqhapmo ewáxok, apkelyeptamap axta eyke makham ma'a sektaxno, élmaxnakkek axta m'a Dios Wesse' egegkok,

Job 27:20

Apyegwakto sa' kay'áwak ma'a ekhem, éxchahayam ekyennaqte sa' kaswok axta'a.

Job 35:13

Megyeyxók Dios ekha nak Apyennaqte m'a negmowána amya'a nak.

Salmos 134:2

¡Kólye'és néten kélmék neyseksa kélchaqneykha m'a tegma appagkanamap, kólpeykesho Wesse' egegkok!

Salmos 55:1

Dios ahagkok, yeyxho ko'o sélmaxnagko; ná etne megyaháxenmo sekwóneykha.

Salmos 66:18

Asagkek axta agkok ko'o élchetamso ewáxok, meheyéxók axta m'a Wesse' egegkok;

Éxodo 9:29

Aptáhak axta Moisés apchátegmowágkokxo s'e: —Ektekkek sa' agkok ko'o s'e tegma apwányam nak, alya'aksek sa' néten emék almaxnak ma'a Wesse' egegkok. Tén sa' kamaskok yegmen élyennaqte, kamaskok sa' nahan apha m'a takha', yaqwayam sa' ey'asagkohok xeyep Wesse' egegkok ektáha apagkok xapop.

Proverbios 1:28

“Hélwónmakha sa' eykhe xa ekhem nak, magwátegmowagkehek sa' eyke ko'o; hélchetmok sa' eykhe, mehelwetekxeyk sa' eyke;

Proverbios 6:17

énxet apkeleymákpoho, énxet apkelmopwancha'a amya'a, énxet apkelnapma nak chá'a m'a énxet'ák meyke nak apkeltémakxa',

Isaías 4:4

Apxénchek sa' agkok yaqwánxa etnéssesek Wesse' egegkok ma'a, peya enxoho ellegássesagkoho', ényeyásekxak sa' éma éltexnémáxche nak ekyegkenamaxche m'a kañe' Jerusalén, elyenyessásekxak sa' nahan élpeysameykha nak élmanyása apyempe'ék ma'a énxet'ák apheykha nak Sión.

Isaías 45:15

Xép apteme Dios magwete, Dios apwagkasso nak teyp ma'a Israel.

Isaías 58:4

kélátegmómaxchexa chá'a kéltemessáseykekxak ma'a ekhem mantamakxa nak nento tén han kélnápomáxchexa, kóltekpagaxchek chá'a ekyennaqte agko'. Magweyxók ko'o kélmaxnagko kéltáha enxoho chá'a kélláneyak ekhem megkólteykegkaxa kéltéyak xa ektáha nak.

Isaías 58:7

kólmések nekha kélto m'a meyk áto', kólmok nahan chá'a takha' kólhések kélxagkok ma'a énxet apmopyósa meyke nak apxagkok; kólmések nahan apkelántaxno m'a énxet'ák meyke nak apkelántaxno, kólpásem chá'a m'a kélnámakkok.

Isaías 64:7

Méko eyke ekwóneykencha'a exchep, méko nahan ekwasqápeykekxoho enxoho yaqwayam keypetchegwakxak; cháxa keñamak senxegánegkessama nak negko'o exchep tén han segkexakhama eñama m'a nentémakxa élmasagcha'a.

Isaías 8:17

Massegkek eykhe apkelányo Dios ma'a Jacob énxet'ák apagkok, aleyxek sa' eyke aqsa ko'o. Hakte seyásenneykekxa ko'o ektemék ma'a.

Jeremías 11:11

Wáphaksek sa' ko'o aqsok ekmaso agko' nepyeseksa, megkamopwána nak elegketakpok. Elpáxamha sa' eykhe eltamhok apasmok, magweyxók sa' eyke ko'o. Ko'o sekxeyenma xa, sektáha nak Wesse'.

Jeremías 14:12

Metawagkehek sa' eykhe aptéyak, magweyxók sa' eyke ko'o m'a apkelmaxneyéyak; xámók sa' eykhe katnehek sélseykentegkesso m'a aqsok apkelwatno, tén han ma'a sélmésso naqsa nak chá'a aqsok ekyexna kélcheneykekxa, megkalchek sa' eyke ko'o ewáxok alano'. Amasséssók sa' wahak kempakhakma, meyk, tén han negmasse ekmaso.”

Jeremías 4:31

Ekleg'ak ko'o ekpayheykha kélátog kéllegeykegkoho ekmáske, ektémól'a xama kelán'a kaxwe ekmáheyól'a kótak étche kategkesek apkemha apmonye' étche; Sión ekpayheykha átog ma'a, élya'asa nak néten amék, ektáha ekpaqmeta s'e: ¡Ko'o laye! ¡Peyk heyaqhek ma'a tekyawa yapmeyk nak!”

Ezequiel 11:6

Xámók agko' kéxegke kélnapma kélnámakkok se'e tegma apwányam nak, kélsawheyáseykekxók kélhapák ma'a ámay awáxok nak.

Ezequiel 14:3

“Apkelméssamok apagko' apkelwáxok ektémakxa nak chá'a apkelpeykessamo aqsok kéleykmássesso apagkok xa énxet'ák nak, apnegkenmeyk ekpayhémókxa nak chá'a apkelenmexmókxa m'a aqsok éltémo nak chá'a elanagkok melya'assáxma. ¿Wohoya sa' ko'o hélpaqhetchesakpohok xa?

Ezequiel 39:23

Elya'ásegwók sa' nahan énxet'ák apkeleñama nak mók apkelókxa kélnaqleykekxo énxet'ák Israel ma'a megkatnahakxa nak apkelókxa eñama m'a apkeltémakxa melya'assáxma, hakte eyenseykmek ko'o sétleykha m'a; tén han ekmassama ko'o sélányo, seyhayo aqsa emenxenek ma'a apkelenmexma nak tén han etekyók apyókxoho m'a kempakhakma.

Oseas 5:6

Elxog sa' yetlo apnaqtósso nepkések tén han weyke ektamok ma'a Wesse' egegkok, méteyekxeyk sa' eyke, hakte apkexakhamchek ma'a.

Miqueas 3:4

Xama ekhem sa' kéxegke kólwónmakha Wesse' egegkok, megyátegmowagkehek sa' eyke. Exyánegkesek sa' kéxegke xa ekhem nak, eñama kélláneyak aqsok ekmaso.

Zacarías 7:13

Aptáhak axta s'e: “Magweyxók sa' ko'óxa sewóneyncha'a enxoho xa énxet'ák nak, ekhawo aptamhágkaxa nak megyahaxnawo sélwóneyncha'a ko'o.