Isaías 1:14 - Biblia Enxet

¹⁴ Ataqnawhok ko'o m'a kélessawássessamo nak chá'a pelten apketkok tén han ma'a kélaqneykekxexa nak chá'a; ¡aqsok ekyentaxnéssamo ewáxok tamheykekxa', eyampóssegke'!

Isaías 1:14 ပူးပေါင်းရင်းမြစ်များ

1 Crónicas 23:31

kélméssek axta agkok chá'a Wesse' egegkok aqsok kélwatno ekhem sábado, tén han pelten aphaxnagkok nak, tén han élánamáxchexa nak chá'a kélessawássessamo ekyawe, elanaksek axta chá'a aqsok Wesse' egegkok, cham'a apwánxa axta chá'a eknaqtáxésamaxche apkelwesey.

Isaías 29:1

¡Tegma apwányam Ariel laye, tegma apwányam appakxenweykenxa axta m'a David! Elyeykhagkok sa' apagkok sekxók apyeyam xa yetlo m'a ekneywomáxche nak kañe',

Isaías 29:2

wának sa' eyke ko'o ewakhakpok ma'a Ariel, keñe sa' katyapok nenlekxagweykha tén han negápentega nenlegeykegkoho ekmáske m'a kañe'. Naqsók sa' ko'o atnéssesek aphawo tegma apwányam ma'a kélwatnamakxa nak chá'a aqsok ekwesey nak Ariel.

Isaías 43:24

Mehetegyessók ma'a pa'at ekmátsal'a ekpaqneyam yaqwayam enxoho hesantagkasek etnehek aqsok segkésso naqsa, mehepeykessáseykekxak ewáxok hesantagkasek ma'a apnaqtósso apkelnapma nak pexmok agkok. Keñe ko'o éleklágwokmek ma'a mey'assáxma nak xép; eyampóssekmek ma'a aptémakxa ekmaso nak.

Isaías 61:8

Hakte yásekhohok Wesse' egegkok ma'a ekpéwomo nak nentémakxa, etaqnawho eyke m'a negmenyexma nak tén han ma'a nenlane nak aqsok ekmaso agko'. Sa' elmések nahan ekyaqmageykekxa m'a ekhawo aptáhakxa axta apkeltennasso, elának sa' nahan ekhémo mók apkelpaqhetchásamákpoho meyke néxa.

Isaías 66:23

Elmeyenták sa' chá'a eltekxekwaták aptapnák emonye' ko'o apyókxoho énxet'ák yókxoho pelten, ekwákxo enxoho chá'a pelten aphaxnagkok, tén han yókxoho sábado. Ko'o sekxeyenma xa, sektáha nak Wesse'.

Isaías 7:13

Tén axta aptáha Isaías se'e: “Kóleyxho kéxegke s'e, wesse' apwányam David aptawán'ák neptámen. ¿Kélanagkamcheya kexyókók kólya'aksek exma énxet, kélmako nak han kólya'aksek exma m'a Dios ahagkok?

Oseas 2:11

Amasséssessók sa' ekpayheykekxa awáxok, tén han ma'a élsawássessamókxa nak chá'a, tén han ma'a pelten aphaxnagkok, tén han ma'a ekhem sábados, tén han ma'a ekyókxoho élsawássessamókxa nak chá'a ekhem.

Oseas 5:7

Apkelyamasmeyk apkelyetleykha m'a Wesse' egegkok, hakte pók énxet apketchek ma'a apketchek nak. Ekmanyehe agko' sa' kólmasséssessók ma'a xapop apagkok nak, eñama apkelyamasma apkelyetleykha m'a Wesse' egegkok.

Amós 2:13

Allegássesagkohok sa' kaxwók ko'óxa kéxegke ekyentaxno agko', kólesñaha sa', ektémól'a kalesñaha yátnáxeg apyenyawasso awhak eywok ekláneyo hótáhap apaktek.

Amós 5:21

“Ataqnawhok agko' ko'o m'a ekhem kélessawássessamókxa nak chá'a; megkalchek ewáxok ma'a ektémakxa nak chá'a kélaqneykekxa hélpeykesho'.

Zacarías 11:8

Élántekkessek axta nahan apqántánxo keláneykha nepkések xama pelten, séleklágwayam axta ko'o apkeltémakxa tén han setaqnagko axta ko'o.

Malaquías 2:17

Leklágweykmek apháxenmo kéxegke Wesse' egegkok; kóltéhek chá'a kólmaxneyekxohok se'e: “¿Háxko nentémakxa chá'a neganagkama negko'o ekleklágweykmo nak segháxenmo?” Kélxeyenmeyk chá'a kéxegke Wesse' egegkok ekleklamo apwáxok ma'a apkeláneykegkoho nak chá'a aqsok ekmaso, tén han ekpayheykekxoho chá'a apwáxok apkelányo, kóltéhek han chá'a s'e: “¿háxko aphakxa m'a Dios ekpéwomo aptémakxa nak?”