Isaías 1:10 - Biblia Enxet

¹⁰ Kélámha kélmonye'e nak Sodoma, kóleyxho Wesse' egegkok appeywa; énxet'ák Gomorra, kóltaqmelchesho kóleyxhok apmako nak elxekmósek ma'a Dios egagkok.

Isaías 1:10 ပူးပေါင်းရင်းမြစ်များ

Génesis 13:13

apheykegkaxa axta apyókxoho énxet'ák élmasagcha'a apkeltémakxa, apkeláneykegkaxa axta ekmaso agko' apkeltémakxa melya'assáxma, énmexma nak Wesse' egegkok.

Isaías 28:14

Kóleyxho Wesse' egegkok appeywa kéxegke énxet'ák ekmátsa nak chá'a hegasmaksek, kélteme nak wesse' nepyeseksa s'e énxet'ák apheykha nak Jerusalén.

Isaías 3:9

Melmegqaqto kelsexnenagkók ma'a; melpóssók ma'a apkeltémakxa melya'assáxma, aphawók ma'a apkeltémakxa axta énxet'ák Sodoma, apkelxekmóssamók ma'a apyókxoho énxet'ák. ¡Énxet'ák laye, aptegyéyak apagko' yaqwayam kóllegássesagkoho'!

Isaías 30:9

Énxet'ák apkenmexeykekxa chá'a Dios xa énxet'ák nak, apyenseyam chá'a apkelyetleykha, megkalmopmenyého nak yeyxhok ma'a Wesse' egegkok nélxekmowásamáxche apagkok.

Isaías 33:22

Kelyelqamáxcheyk táma' kélnaqtete xa yántakpayhe ekyawe nak massegkek élyennaqtésso m'a yámet ekwenaqte agkok nak; megkólwanchek kólpeykásekxak ma'a apáwa agkok nak. Ólyementamok sa' ekxámokma agko' aqsok apagkok ma'a sẽlenmexma nak, kawomhok sa' apkelxawéyak aqsok apagkok ma'a meyke nak apaqta'ák, elmagkok sa' aqsok ma'a élmasagcha'a nak chá'a apyókxa apkelyelqamap nak chá'a. Hakte Wesse' egegkok apteme énxet segyekpelchémo egagkok, apteme senlánésso chá'a segánamakxa tén han wesse' apwányam egagkok, sa' hẽlwagkasek nahan teyp ma'a.

Isaías 8:20

yaqwayam enxoho elxawagkok chá'a apkeláneyákpexa etnahagkok, essenhan xama amya'a!” Megkatnehek sa' metne apkelpeywa xa, amya'a ekyeyháxma eyke xa aptamheykegkaxa nak apkelpeywa.

Jeremías 23:14

Ekweteyak axta ko'o apkeláneykegko aqsok ekmaso agko' ma'a apkellegasso axta sekpeywa apheykha axta m'a Jerusalén: apnaqtawáseykegkók axta apnaqteyegka'a apkeláneykegko chá'a mók, apkelyexancháseykha axta nahan chá'a apnámakkok, elyáteyagkohok axta chá'a megyánhek elwátesagkok apkeltémakxa ekmaso m'a élmasagcha'a nak apkeltémakxa. Ekhéssamok ko'o Sodoma tén han Gomorra xa énxet'ák nak, tén han ma'a apheykha nak tegma apwányam.

Jeremías 9:26

cham'a Egipto, Judá, Edom, Amón, tén han ma'a Moab, tén han ma'a apyókxoho apheykha nak yókxexma meykexa énxet, tén han ma'a apkelmópéssamo nak chá'a apkelyésesso élpayhakxa nápaqta'a. Hakte cháxa apyókxoho énxet'ák nak, tén han ma'a apyókxoho énxet'ák Israel, megkalya'ásegkok apkelwáxok ma'a Dios.”

Ezequiel 13:2

“Eltennés sa' ko'o sektáhakxa sélxeyenma m'a apkelxeyenma nak chá'a apkellegasso sekpeywa, apheykha nak ma'a Israel, cham'a apkelxeyenma nak chá'a apkellegasso sekpeywa, apkelxeyenma nak chá'a m'a ektémakxa élchetamso agko' apkelwáxok. Etne sa' elának se'e: ‘Kóleyxho Wesse' egegkok appeywa:

Ezequiel 16:35

“Ekeso éñamakxa séltamho nak keyxhok sekpeywa, xeye' kelán'a ekma nak chá'a ekyánmaga ekpathetéyak énxet:

Ezequiel 16:46

Nexcheyha eyke eghak ma'a Samaria, yáxa' katnaha étkok nak yetlo m'a étchek; keñe nepyeyam ma'a yáxeg sexyo nak, cham'a Sodoma yetlo nahan ma'a étchek.

Ezequiel 16:49

Keso ektémakxa nak megkay'assáxma yáxeg Sodoma s'e: eyeymáxkoho yetlo étchek, xámok ektéyak, tásek nahan ekheykha, makke kapasmok xama enxoho m'a énxet'ák apkelmopyóseka nak tén han ma'a ekha nak chá'a eyeyméxchexa aqsok ma'a apxagkok.

Amós 3:1

Israelitas, kóleyxho aptáhakxa nak appeywa Wesse' egegkok apkelxéna kéxegke, ektáha axta apkelántekkesso m'a Egipto:

Amós 3:8

¿Yaqsa megkalpexyennemek eyeye, ekyexweweyncha'a enxoho méwa? ¿Yaqsa megkaxénhek Wesse' egegkok appeywa apkeltamho enxoho kaxének ma'a?

Amós 9:7

Aptáhak Wesse' egegkok se'e: “Israelitas, kélhawók kéxegke sélányo m'a etiopes, méko kélyeykhamaxche kélmók. Eknaqleykenteyk axta ko'o kéxegke kéleñama m'a Egipto, eknaqleykenteyk axta ko'o filisteos apkeleñama m'a Creta, keñe arameos apkeleñama m'a Quir.”

Miqueas 3:1

Kóleyxho sa' kaxwo', kelwesse'e, tén han apkelámha apmonye'e nak Israel, ¿yagkapayhawok kéxegke kólya'asagkohok ma'a aqsok ekpéwomo nak?

Deuteronomio 32:32

Aphawók anmen yámet kélcheneykekxa ekmasól'a xa énxet'ák nak. Sodoma énxet'ák aptawán'ák neptámen xa tén han Gomorra, apkeneykekxohol'a chá'a m'a anmen yámet ekmáske nak ekyexna tén han segwayól'a;