Isaías 1:1 - Biblia Enxet

¹ Aqsok apwete axta m'a Isaías, eñama kélxekmósso, ektémakxa axta m'a tegma apwányam Judá tén han ma'a Jerusalén, cham'a Amós apketche nak, neyseksa aptamhéyak axta kelwesse'e apkelwányam Judá m'a Ozías, Jotam, Ahaz, tén han ma'a Ezequías.

Isaías 1:1 ပူးပေါင်းရင်းမြစ်များ

2 Reyes 15:1

Apcheynawók axta apteme wesse' apwányam Azarías, Amasías axta apketche, wesse' apwányam nak Judá, ekweykmo axta veintisiete apyeyam apteme wesse' apwányam Jeroboam.

2 Reyes 15:13

Apkeynawók axta apteme wesse' apwányam Salum, Jabés axta apketche, ekweykmo axta treinta y nueve apyeyam apteme wesse' apwányam ma'a Ozías, wesse' apwányam nak Judá. Xama pelten apagko' axta eyke apteme wesse' apwányam ma'a Samaria,

2 Reyes 15:32

Apcheynawók axta apteme wesse' apwányam Jotam ma'a Judá, Ozías axta apketche, ekweykmo axta apqánet apyeyam apteme wesse' apwányam ma'a Pécah, Remalías axta apketche.

2 Reyes 15:7

Xama axta apketsapma Azarías, kélátawanyegwákxeyk axta xamo' ma'a apyapmeyk nano', cham'a David Tegma Apwányam apagkok. Tén axta apyaqmagkasa apteme wesse' apwányam ma'a apketche Jotam.

2 Reyes 18:1

Apcheynamók axta apteme wesse' apwányam Ezequías, Ahaz axta apketche, wesse' apwányam axta Judá, ekweykmo axta apqántánxo apyeyam apteme wesse' apwányam Oseas, Elá axta apketche, wesse' apwányam axta Israel.

2 Reyes 19:2

Tén axta apkeláphasa, cham'a Eliaquim apkemha apmonye' axta m'a tegma apyawe aptaqmalma yetlo Sebná apnaqtáxéséyak axta chá'a weykcha'áhak, tén han ma'a apkelmaxnéssesso Dios énxet'ák apagkok apkelwányamo nak, yetlo apkelántaxneykekxa m'a apáwa sẽlwáxaqxamo nak magkenatchesso éllapwámeygko, elyo'ókxak ma'a Dios appeywa aplegasso Isaías, Amós axta apketche,

2 Crónicas 26:1

Tén axta apyókxoho énxet'ák Judá apmákxo apteméssesa wesse' apwányam ma'a Ozías, apyaqmagkasso m'a apyáp Amasías. Dieciséis apyeyam apagkok axta aptemék ma'a Ozías,

2 Crónicas 26:22

Ektémakxa axta apweynchámeykha Ozías, eyeynamo m'a sekxók axta, ekwokmoho apketsapa, apnaqtáxéssegkek axta m'a Dios appeywa aplegasso Isaías, Amós axta apketche.

2 Crónicas 27:1

Veinticinco apyeyam apagkok axta weykmok apcheynamo apteme wesse' apwányam Jotam, dieciséis apyeyam axta apteme wesse' apwányam ma'a Jerusalén. Jerusá axta ekwesey egken, Sadoc axta apketche.

2 Crónicas 28:1

Veinte apyeyam apagkok axta apkeynamo apteme wesse' apwányam Ahaz, dieciséis apyeyam axta apteme wesse' apwányam ma'a Jerusalén; asagkek axta eyke ektémakxa aqsok apkelane nápaqtók Wesse' egegkok, axta kaxnawok aptémakxa axta m'a David, apyáp nano' axta,

2 Crónicas 29:33

Seiscientos axta ekyókxoho weyke kélmésso, keñe tres mil ma'a nepkések.

Salmos 89:19

Apkelpaqhetchessegkek axta exchep apkeláneykha apteme axta melyenyaweykha, cham'a nanók agko' axta, apkelwanmagko axta eyke. Axta aptemék apkelanagkama s'e: “Élyesáha ko'o xama apyennaqte énxet'ák ahagkok, néten agko' kéláyo nahan ektemessásak, ekpasmeyk nahan.

Isaías 13:1

Keso amya'a ekxénamaxche axta yaqwánxa katnehek kéllegassáseykegkoho m'a Babilonia, apxawe axta eñama kélxekmósso m'a Isaías, Amós apketche nak:

Isaías 2:1

Keso amya'a apxawe axta eñama kélxekmósso m'a Isaías, cham'a Amós apketche nak, ekxénamaxche nak ma'a Judá tén han ma'a Jerusalén:

Isaías 20:2

Appaqmetchek axta Wesse' egegkok xa ekhem nak, Isaías axta eyke apchásenneyk, Amós apketche nak. Aptáhak axta apcháneya s'e: “Elhaxyawes sa' xa apáwa sẽlwáxaqxo apkelántaxneykekxa nak tén han xa apkelatchesso apmagkok nak.” Aptemék axta nahan Isaías xa ektáha nak, tén axta apweynchámeykencha'a aqsa meyke apkelatchesso apmagkok tén han meyke aptaxno.

Isaías 21:2

Asagkók agko' ma'a aqsok sexekmósso nak ma'a Dios: Appelakkassessek chá'a apsexnáneya pók ma'a énxet apsexnenagkamo nak chá'a pók, apmasséssekmek aqsok ma'a apmassesseykmoho nak chá'a aqsok. ¡Kólchempekxa néten, énxet'ák Elam! ¡Énxet'ák Media, kólchetamák! ¡Maltamhók ko'o kaxwo' kólpaqmésmakha eñama kéllegeykegkoho!

Isaías 37:2

Tén axta apkeláphasa, cham'a Eliaquim apkemha apmonye' axta m'a tegma apyawe aptaqmalma yetlo Sebná apnaqtáxéseyak axta chá'a weykcha'áhak tén han ma'a apkelmaxnéssesso Dios énxet'ák apagkok apkelwányamo nak, yetlo apkelántaxneykekxa m'a apáwa sẽlwáxaqxamo magkenatchesso éllapwámeygko elyo'ókxak ma'a Dios appeywa aplegasso Isaías, Amós axta apketche,

Isaías 38:1

Cháxa eyaqhémókxa axta han apháxamákpo ekyentaxno agko' Ezequías xa ekhem nak, tén axta apye'eykekxo m'a Dios appeywa aplegasso Isaías, Amós apketche. Aptáhak axta apcháneya s'e: —Aptáhak Wesse' egegkok se'e: ‘Elpaqhetchásekxoho sa' ma'a ekheykha nak apxagkok, hakte yetsapok sa'; metaqmelwome'.’

Isaías 40:9

Yenát sa' egkexe néten nak Sión, énnaqtés sa' appeywa exének amya'a ektaqmela. Nágye aqsa énnaqtések appeywa m'a Jerusalén, etne sa' ellegaksek tegma apkelyawe nak Judá s'e: “¡Keso Dios kélagkok se'e!”

Isaías 6:1

Ekwet'ak axta ko'o Wesse' egegkok apha néten taháno ekyawe ektaqmalma netnók agko' ma'a apyeyam apketsapa axta m'a wesse' apwányam Ozías; apsawhékxók axta nahan napwe'ék apchaqlamap ma'a kañe' tegma appagkanamap.

Isaías 7:1

Apketámegkek axta Jerusalén ma'a wesse' apwányam Siria apwesey axta Resín, tén han ma'a wesse' apwányam Israel apwesey axta Pécah, apketche axta m'a Remalías, apmakók axta eykhe emok, mopwanchek axta eyke. Cháxa ektémakxa axta xa, aptémakxa axta wesse' apwányam Judá m'a Ahaz, cham'a Jotam axta apketche, aptáwen axta m'a Ozías.

Jeremías 23:16

Aptáhak Wesse' ekha apyennaqte s'e: “Israelitas, nágkóleyxho aqsa chá'a aptáhakxa enxoho apkeláneya m'a apkelxeyenma nak chá'a apkellegasso sekpeywa. Wanchek amya'a m'a apkeltémakxa nak chá'a apkelanagkama, élchetámeykha agko' apkelwáxok chá'a apkelxeyenmak, megkatnaha nak chá'a ko'o séltennasso.

Ezequiel 1:1

Ekheyk axta ko'o xama ekhem neyáwa wátsam Quebar, cham'a Babilonia, ko'o sektáha nak sélmaxnéssesso Dios énxet'ák apagkok Ezequiel, Buzí apketche, nepyeseksa m'a énxet'ák ektáha axta kélántekkesso kélnaqleykenta m'a. Mayhékxeyk axta néten, ekwet'ak axta Dios eñama aqsok sélxekmósso. Ekhem cinco axta m'a, ektáhakxa axta cuatro pelten, ekwokmo axta treinta apyeyam, ekweykmo axta cinco apyeyam kélyentameykekxa megkatnahakxa apchókxa m'a wesse' apwányam Joaquín. Appekkenchek axta apmek tekhéxet ma'a Wesse' egegkok.

Oseas 1:1

Keso amya'a apkeltennasa axta Wesse' egegkok ma'a Oseas, Beerí axta apketche, apyennaqtamakxa axta m'a Ozías, Jotam, Ahaz tén han Ezequías, kelwesse'e apkelwányam axta m'a Judá, tén han Jeroboam, Joás axta apketche, wesse' apwányam axta m'a Israel.

Amós 1:1

Keso amya'a apxawe axta Amós, apteme axta keláneykha nepkések ma'a Tecoa, apcháphássesso axta m'a Dios apkelxeyenma m'a énxet'ák Israel, aptáhakxa axta apqánet apyeyam amonye' ekwe m'a xóp ekyawheykha, apyennaqtamakxa axta m'a Ozías, wesse' apwányam axta m'a yókxexma Judá, tén han ma'a Jeroboam, Joás axta apketche, wesse' apwányam axta m'a Israel.

Amós 4:5

Kólwet sa' kelpasmaga meyke nak kempáseyak kélmésso naqsa nak chá'a eñama kélmésso ekxeyenma kélwáxok, kóltennasák nahan ekyókxoho yókxexma m'a aqsok kélmésso naqsa ekxeyenma agko' nak kélwáxok yaqwayam kólmések, hakte cháxa ekleklamo nak chá'a kélwáxok kéxegke kóltéhek xa ektáha nak.” Wesse' egegkok apxeyenma xa.

Miqueas 1:1

Keso amya'a apkeltennasso axta Wesse' egegkok ma'a Miqueas, apkeñama axta Moréset, tén han aqsok apxekmóssamo apkeltennassama axta apxeyenma m'a Samaria, tén han Jerusalén, cham'a aptamheykegkaxa axta apkelwesse'e apkelwányam Judá m'a Jotam, Ahaz, tén han Ezequías.

Nahúm 1:1

Keso weykcha'áhak apxawe axta eñama kélxekmósso m'a Nahúm apkeñama axta Elcós. Cháxa amya'a ekxeyenma nak ma'a tegma apwányam Nínive.

Habacuc 2:2

Aptáhak axta seyátegmowágko Wesse' egegkok se'e: “Etaxés sa' yelpa' ekpayhe m'a peya nak axekmósek xép, yaqwayam sa' kataqmelek chá'a élyetsátamáxche'.

Números 12:6

aptáhak axta apkeláneya Wesse' egegkok se'e: “Kóleyxho sa' se'e sekmako nak ko'o altennaksek: Apyetneyk agkok kélnepyeseksa kéxegke xama aplegasso sekpeywa, axekmósaxkohok chá'a ko'o, apwanmagko nahan chá'a ko'o alpaqhetchesaxkoho';

Números 24:16

yetnáha agkok ahaqtek kayágwomhok sekwete yáxña'akxoho aqsok, sekya'áseykegkoho nak ma'a apya'áseykegkoho nak Meyke nak Ekhémo, añak chá'a amya'a, hélxekmóshok nahan chá'a aqsok eñama nak Dios ekha apyennaqte.

Números 24:4

yetnáha agkok ahaqtek kayágwomhok sekwete yáxña'akxoho aqsok, añak chá'a amya'a, hélxekmóshok nahan chá'a aqsok eñama nak Dios ekha apyennaqte.