Hageo 2:6 - Biblia Enxet

⁶ Kaxwók sa' ko'o ayawhesha néten, tén han xapop, wátsam ekwányam, tén han ekyamáyekxa nak exma xapop.

Hageo 2:6 ပူးပေါင်းရင်းမြစ်များ

Job 9:6

Cha'a apyawheyáseykha chá'a xapop ma'a, tén han ma'a awhak nak.

Salmos 18:7

Yetlómok axta ekyawheykha xapop ekyennaqte agko': kelyawheykha axta m'a egkexe ekweykmoho m'a awhók nak; Wesse' egegkok aplo axta kelyawheyáseykha.

Salmos 37:10

Kaxwók sa' emassegwók ma'a énxet'ák élmasagcha'a nak apkeltémakxa; elchetmok sa' eykhe, melwetekxeyk sa' eyke.

Isaías 10:25

kaxwók sa' eyke ko'o allegássesagkohok ma'a, kasawhohok sa' kamasséssók ma'a seklo nak.

Isaías 13:13

Keñe sa' kalpexyennók ma'a néten, kaqxegmakha sa' nahan ekyetnamakxa m'a xapop seklawa sa' ko'o xa ekhem nak, cham'a seklawa ahagko' sa'.

Isaías 2:19

Apkempákxeyk sa' agkok néten Wesse' egegkok, apsawheyáseykxoho sa' apyawheyáseykha m'a xapop, elántexek sa' énxet'ák ma'a meteymog áxwa, cham'a kañe' xapop nak; elyexanmok sa' apmonye' m'a Wesse' egegkok negáyo nak, elyexanmok sa' amonye' m'a Wesse' apcheymákpoho.

Isaías 29:17

Kaxwók sa' katnekxak namyep ma'a naxma nak keñe sa' namyep kaxnágwakxohok ma'a naxma'.

Isaías 34:4

Kaxpaqnek sa' ma'a ekyókxoho aqsok élápogwátéyak nak néten, máxa weykcha'áhak kélyaqsáseykekxa sa' katnehek kayaqsekxak ma'a néten, elsapónak sa' apyókxoho m'a yaw'a; máxa sa' etnehek ma'a ektémól'a anmen yámet élyamaye, ektéyam la'a m'a áwa' apák tén han ma'a higo yámet.

Jeremías 33:14

Aptáhak Wesse' egegkok se'e: “Kammok sa' ekhem yaqwánxa alának sekpeywa ektaqmela séltennassama axta m'a énxet'ák Israel, tén han ma'a Judá.

Jeremías 51:33

Hakte aptáhak Wesse' ekha apyennaqte Dios apagkok nak Israel se'e: “¡Aphawók Babilonia m'a kélchexakkassamakxa nak chá'a apyempe'ék hótáhap apaktek, kaxwók sa' kammok ekhem eknakxamáxchexa apaktek!”

Ezequiel 38:19

Naqsók nahan ko'o sekxéna, seklawa sa' xa ekhem nak, katyapok xóp ekyawheykha ekyennaqte agko' ma'a Israel.

Ezequiel 38:20

Kalpexyennók sa' nahaqtók ko'o m'a kelasma, náta, tén han ma'a aqsok nawha'ák éllo nak tén han ma'a élpexyaweykegkoho nak náxop kalxog, kawakxohok sa' nahan ma'a apyókxoho énxet'ák apheykha nak keso náxop. Kalyaqnenagkok sa' ma'a meteymog élekhahéyak nak, kapallegmak sa' nahan ma'a meteymog nak, kalyaqnenagkok sa' nahan náxop ma'a ekyókxoho meteymog kélhaxta nak nepyáwa tegma.

Joel 3:16

Appaqmetchek ekyennaqte agko' Wesse' egegkok ma'a egkexe Sión, kextegyókek appeywa m'a Jerusalén, kelpexyennegkek néten tén han xapop. Wesse' egegkok akke apkelyexánegweykekxexa chá'a m'a ektáha nak énxet'ák apagkok, apkelmasma apyennaqte m'a énxet'ák Israel.