Hageo 2:23 - Biblia Enxet

²³ Ataqmelchesek sa' ko'o exchep xa ekhem nak Zorobabel, apteme nak séláneykha, sa' atnéssesek ma'a ektémól'a sétchesso ephék sélqahassól'a, hakte élyéseykha ko'o exchep. Ko'o sekxeyenma xa, sektáha nak Wesse' ekha sekyennaqte.”

Hageo 2:23 ပူးပေါင်းရင်းမြစ်များ

Salmos 65:5

Dios, Sẽlwagkasso nak teyp negko'o, egátegmowágkek negko'o exchep, yetlo ekyawe apkelane aqsok sentaqmelchessáseykekxo nak negheykha; megkólya'ásseykmok xép ekyókxoho keso náxop, ekweykmoho m'a énxet'ák apheykha nak makhawók agko', teyp wátsam ekwányam;

Cantares 8:6

Epekken apwáxok sekwesey, ¡elqahes nahan apaktog! Kayhek ektémakxa m'a nélásekhamaxkoho nak, ektémól'a m'a nétsapma. Mogwanchek nahan agyetnaqhássók ma'a ekmámenyého nak egwáxok, máxa m'a ektémól'a takhaxpop. ¡Nélásekhamaxkoho ekteme m'a táxa eyáléwe ekmexanma agko' la'a!

Isaías 42:1

“Keso seyásenneykha ko'o s'e, sekpasmoma nak chá'a, sélyéseykha axta, ekleklamo nak ewáxok aptémakxa'. Ekméssegkek ko'o espíritu ahagkok xa yaqwayam enxoho etaqmelchessásekxak apheykha m'a apyókxoho pók aptémakxa nak chá'a énxet'ák.

Isaías 43:10

Aptáhak Wesse' egegkok se'e: “Kéxegke kélteme kélweteykegkoho chá'a aqsok sélane, kéltáha nak séláneykha, sélyéseykha axta yaqwayam hélyekpelkohok chá'a tén han héláwho', tén han hélya'asagkohok chá'a yaqsa ko'o. Méko axta xama aqsok kéláyókxa maweykxa axta ko'o, méko sa' nahan katnehek xama enxoho m'a netámen sa'.

Isaías 49:16

Élqahassegkek ko'o exche' awáxok emék, yókxoho ekhem sekwete m'a kélhaxta nak neyáwa'.

Jeremías 22:24

Aptáhak apcháneya Wesse' egegkok Jeconías, wesse' apwányam nak Judá, Joaquim apketche nak: “Naqsók ko'o sektáha sekxéna exchep se'e, sektáha nak Dios mamassegwayam: Naqsók eykhe exchep apteme sétchesso ephék sélqahasso nak chá'a, sétchessama nak sélya'assamakxa', magweyxek sa' eyke alkok,