Hageo 2:19 - Biblia Enxet

¹⁹ Kóllano, sakhem sa' keynhok exek hótáhap apaktek ma'a kélxátamakxa nak chá'a. Megkeyxnak eykhe makham ma'a anmen yámet, tén han higo yámet, tén han yántakyexna, tén han olivo; sakhem sa' eyke ko'o weynhok agkések ektaqmalma kélheykha.”

Hageo 2:19 ပူးပေါင်းရင်းမြစ်များ

Génesis 26:12

Apkeneykekxeyk axta aqsok Isaac xa apyeyam nak, cháxa yókxexma nak, xámok agko' axta han apnakxo ekyexna aqsok apkeneykekxa, hakte appasmomchek axta m'a Wesse' egegkok,

Job 39:12

¿Apkeneykeya yepwának yásennaha yaqwayam kaneyxchesek aqsok apkeneykekxa, yaqwayam enxoho kánchessásekxak aqsok aktek kalsantagkasek ma'a kélchexakkassamakxa nak chá'a émpe'ék?

Salmos 133:3

Kaxhok ma'a yálye ektéyeykmohol'a egkexe Hermón, tén han ektéyeykmohol'a néten nak egkexe Sión. Cha'a apcháphassamakxa Wesse' egegkok ekwenaqte negweynchámeykha m'a.

Salmos 84:12

Wesse', ekha nak apyennaqte, ¡apkeleñémo apcháyo nak chá'a exchep!

Jeremías 31:12

“Elchexyók sa', elmeneykmásseták sa' kalpaykhekxak apkelwáxok ma'a egkexe nak Sión, kalpeykessásekxak sa' apkelwáxok ma'a aqsok éltaqmalma apkelmésso nak Wesse' egegkok: cham'a hótáhap apaktek, vino tén han pexmok égmenek, nepkések tén han weyke. Elxohok sa' ma'a aqsok kélcheneykekxa' ektaqmalmal'a kélexpaqhéyak yegmen, kamaskok sa' elyelqakpok.

Jeremías 31:14

Alagkok sa' ko'o nento éltaqmalma agko' ma'a apkelmaxnéssesso nak énxet'ák ahagkok, keñe sa' énxet'ák ahagkok kayeykhágwomhok ma'a aqsok ahagkok ekxámokma nak. Ko'o sekxeyenma xa, sektáha nak Wesse'.”

Joel 1:12

Kelyameygkek ma'a anmen yámet kélcheneykekxa, tén han higo yámet. Kelyameygkek nahan ma'a yántakyexna, tén han áxa, tén han manzano awhók, keñe han ma'a ekyókxoho yenta'a nak yókxexma. ¡Massegwokmek élpayheykekxa apkelwáxok ma'a apyókxoho énxet'ák!

Joel 2:14

Lapmaxcheyk mellegássesagkók kéxegke, yáphássesek ektaqmalma kélheykha, elmések ma'a aqsok ekyexna kélcheneykekxa, tén han vino, yaqwayam kóltéhek kélmésso naqsa Dios Wesse' kélagkok.

Hageo 1:11

Ko'o séltémo katnehek meyke yegmen yókxexma, tén han ma'a néten egkexe nak, tén han nepyeseksa nak hótáhap, tén han ma'a kélcheneykekxexa nak anmen yámet, tén han ma'a élaqneykegkaxa nak olivo yámet, tén han ma'a eknakxamáxchexa nak aqsok namyep, tén han nepyeseksa énxet'ák, tén han aqsok nawha'ák, tén han ma'a ekyókxoho kéltamheykha nak.”

Malaquías 3:10

Kólxátawata sa' aqsok kélmésso naqsa ekwayam nak chá'a diez xama m'a kélxátamakxa nak chá'a aqsok élmomnáwa m'a tegma appagkanamap, keñe sa' kaxek chá'a nento m'a exagkok nak. Hélyepkeyn hana xa aqsok nak, kólwetak sa' almeykesek atña'ák ma'a néten, yaqwayam sa' asawhaksohok ko'o almések kéxegke m'a aqsok éltaqmalma agko' nak.

Deuteronomio 15:10

Kéméxcheyk epasmok chá'a, meyke apyetlókasso eklo apwáxok, hakte aptemék sa' agkok xép xa ektáha nak, etaqmelchessesek sa' chá'a ekteyapma Dios Wesse' apagkok ma'a ekyókxoho aqsok apkelanakxa enxoho chá'a, tén han ma'a apcheynókxa enxoho chá'a apkelane.

Deuteronomio 28:22

Yáphássesek sa' nahan ma'a negmasse ekmanyehe nak chá'a kapayhekxa', ekmexanma egyempehek ekmaso, élyephe egyempehek, tén han ekmexanma agko' exma, ekyamáyóxma meyke yegmen, tén han askok yaqwayam katwássesha m'a hótáhap kélcheneykekxa, negmasse ekmaso yaqwayam sa' katnahagkok chá'a kéxegke ekwokmoho ekmasséssekmo.