Hageo 2:14 - Biblia Enxet

¹⁴ Keñe axta aptáha Hageo s'e: “Aptáhak Wesse' egegkok se'e: Hawók ektémakxa nak se'e énxet'ák nak: ekyókxoho aqsok apkeláneyak nak ekteme élmanyása, tén han ma'a aqsok sélmésso nak chá'a.

Hageo 2:14 ပူးပေါင်းရင်းမြစ်များ

Proverbios 15:8

Etaqnawhok Wesse' egegkok aqsok apchaqhássesso m'a énxet élmasagcha'a nak apkeltémakxa', yetlo ektaqmeleykha apwáxok eyke chá'a emok takha' nempeywa nélmaxnagko apagkok ma'a énxet apkelpéwomo nak.

Proverbios 21:27

Eltaqnawásseshok Wesse' egegkok aqsok apkelmésso naqsa m'a énxet'ák élmasagcha'a nak apkeltémakxa', hakte yetlo ekmaso élchetámeykha apkelwáxok chá'a elmések.

Proverbios 21:4

Negwanyémo egmók, eyeymáxkoho egwáxok; cháxa melya'assáxma élmoma nak apkelwáxok ma'a énxet'ák élmasagcha'a nak apkeltémakxa'.

Proverbios 28:9

Agkok emakók kélxama elyahakxohok ma'a Dios segánamakxa apagkok, memek sa' nahan takha' nempeywa nélmaxnagko apagkok ma'a Dios.

Isaías 66:3

Yetneyk eyke nahan ma'a apkelnapma nak chá'a weyke kelennay'a, tén han ma'a apkelnapma nak chá'a énxet; apyaqténchesso nak chá'a apyespok ma'a nepkések tén han apwápakhe nak chá'a m'a semheg; tén han apkelmésso nak chá'a aqsok aktek kélcheneykekxa tén han yátapomap éma apagkok; tén han apkelwatno nak chá'a aqsok ekmátsa nak ekpaqneyam éten agkok, apkelpeykessamo nak chá'a m'a kéleykmássesso. Apmenyeyk elanagkok ekyókxoho apkelyéseykha nak chá'a xa ektéma nak élánamáxche aqsok ekmaso agko'.

Oseas 9:4

melyegkenchesek sa' kaxwók anmen yámet égmenek ma'a Wesse' egegkok, melmések sa' han kaxwók ma'a aqsok apkelnapma. Keñe sa' ma'a pán aptéyak nak, etnehek sa' pán nento senlapwayam, keñe sa' ma'a ektáha enxoho chá'a aptéyak, etnahagkok chá'a élmanyása apyempe'ék. Etawagkok sa' chá'a xa pán nak, mopwancha'ak sa' eyke elsakxak ma'a Wesse' egegkok nak tegma appagkanamap apagkok.