Hageo 1:6 - Biblia Enxet

⁶ Xámok kéxegke kélcheneykekxa aqsok, ántawók eyke kélnakxo ekyexna; kélteykegkek eykhe kéltéyak, makke kólyaqkáneykmok; kélyeneykegkek eykhe vino, makke kamassék élnapma ekhem; kélántaxneykekxeyk eykhe kélántaxno apkelyentaxno, makke kalmexanmak kélyempe'ék; keñe m'a énxet kélyánmagkasso nak chá'a apkeltamheykha xama ekhem, megkawakxók chá'a ekyánmaga aptamheykha m'a aqsok élmomnáwa.

Hageo 1:6 ပူးပေါင်းရင်းမြစ်များ

2 Samuel 21:1

Teyepmeyk axta meyk segaqhe neyseksa apteme wesse' apwányam David ekweykmoho apqántánxo apyeyam. Tén axta David appaqhetchessama Wesse' egegkok, axta aptemék apchátegmoweykegko Wesse' egegkok: “Saúl aptémakxa ekmaso keñamak ektepa meyk segaqhe, tén han apkeltémakxa m'a apnámakkok, hakte apkelnapmeyk ma'a gabaonitas.”

1 Reyes 17:12

Chátegmowágkek axta m'a kelán'a: —Naqsók ko'o sektáha seyáneya exchep yetlo sekxeyenma apwesey Dios Wesse' apagkok, méko ko'o m'a pán sekmakhetchesso nak. Wánxa aqsa apyetna apqántawók hótáhap ma'a sekxata nak sokpayhe, tén han ketsék pexmok égmenek ma'a sekyeta nak, yántapák eyke ekyeykhámeyha ko'o kaxwo', yaqwayam wahanchessekxak ma'a hatte, tén han ko'óxa. Antawagkok sa' negko'o, keñe sa' natámen óletsapok meyk sẽlnapma.

Nehemías 5:2

hakte nápakha axta chá'a apkelxéneykha apxámokma apketchek apkelennay'a tén han kelwán'ák, apkelxeyenma apmopmenyého hótáhap apaktek, yaqwayam enxoho memassehek meyk élnapma;

Job 20:22

Xámok agko' sa' eykhe katnehek aqsok apagkok, megkapayhekxeyk sa' eyke chá'a apwáxok; kápekxak sa' ma'a ektémakxa nak ekmaso apkeltémakxa m'a élmasagcha'a nak apkeltémakxa.

Job 20:28

Cháhapwa'ak sa' agkok ma'a Dios aplo, kamassegwók sa' ekyókxoho aqsok apagkok.

Salmos 107:34

yásek xapop chá'a etnessásekxak ma'a xapop ektaqmalma nak, eñama ekmaso apkeltémakxa m'a apheykha nak awáxok;

Proverbios 11:24

Yetneyk chá'a énxet memyágweykekxa nak chá'a aqsok apagkok apkelxaweykekxoho aqsok, yetneyk han énxet apmasma nak chá'a aqsok apagkok, meyke aqsok apagkok etnekxa'.

Isaías 5:10

Xama mahamo étkok sa' kaxwók katyapok anmen yámet égmenek ma'a trescientos metros nak ekwenaqte kélcheneykekxa m'a anmen yámet. Keñe sa' xama yágkentamáhak ekláneyo hótáhap ma'a diez yágkentamáhak élláneykegkoho nak kélyemlasso m'a hótáhap apaktek.”

Jeremías 12:13

Apkeneykegkek hótáhap, keñe apnakxeykegko menóke; eyaqhémo temégweykmok ma'a ekyókxoho apkeltamheykha nak. Ántawók ekyexna aqsok kélcheneykekxa, eñama seklómo ahagko' ko'o.”

Jeremías 14:4

Melya'ásegkok aptamhágkaxa m'a apkeltamheykha nak chá'a namyep, apkelaqlásegkek apqatkok, hakte megkammayék, yamáyók agko' ma'a xapop.

Jeremías 44:18

keñe ekmassama negmésso aqsok ánek ekmátsa nak ekpaqneyam éten agkok, tén han negmésso naqsa vino m'a ‘Wesse' Ekwányam Eñama Néten,’ ekmassama ekha ekyókxoho aqsok, apkeletsepmeyk énxet'ák egagkok meyk élnapma tén han kempakhakma.

Oseas 4:10

Etawagkok sa' eykhe aptéyak, melyaqkanmek sa' eyke, eñama apkelyenseyam apkelyetleykha Wesse' egegkok; elanagkok sa' eykhe apkeltémakxa ekmaso megkalmopsexta, melwetyehek sa' eyke apketchek.

Oseas 8:7

Apkeneykekxeyk éxchahayam ma'a, éxchahayam ekyennaqte agko' sa' han enakxagkok; méko sa' aqsok elyaqtennagkok ma'a namyep apagkok nak, méko sa' nahan yaqwayam elanagkok hótáhap ma'a apyexna nak; apkelánegkek sa' agkok ma'a hótáhap nak, pók énxet'ák sa' etawagkok.

Levítico 26:20

Kaqhok sa' chá'a kólwasqápekxohok kóltemeykha, megkatekkesek sa' xama aqsok enxoho m'a xapop, megkeyxek sa' han yenta'a élaqnéyak nak yókxexma.

Levítico 26:26

“Ekmasséssekmek sa' agkok ko'o m'a kéltéyak nak, diez kelán'ák sa' chá'a kamakhetchesek kéltéyak kéxegke xama táxa axagkok, ketsék sa' chá'a kalmésagkok, kóltawagkok sa' eykhe, megkólyaqkanmehek sa' eyke chá'a.

Hageo 1:10

Cháxa keñamak megkammáya nak kélheykegkaxa nak kéxegke, tén han megkeyxnéssama aqsok kélcheneykekxa m'a xapop.

Hageo 1:5

Ektáhak ko'o séláneya kéxegke, ko'o sektáha nak Wesse' ekha sekyennaqte, kóltaqmelchesho kóllanok kéltémakxa nak.

Hageo 1:7

Ektáhak ko'o séláneya kéxegke, ko'o sektáha nak Wesse' ekha sekyennaqte, kóltaqmelchesho kóllanok kéltémakxa nak.

Hageo 1:9

Kólleyxek chá'a kéxegke kólwetak ekxámokma agko' aqsok, ántawók eyke chá'a kólweta'; keñe m'a aqsok kéltaqmelchesso nak kélxanák, alchempaksek chá'a ko'o awátekhápok. ¿Yaqsa ektéma sektéma ko'o xa? Exagkok apmopso keñamak, keñe kéxegke wánxa aqsa ekyetnakhassamo kélwáxok ma'a kélxanák nak. Ko'o sekxeyenma xa, sektáha nak Wesse'.

Hageo 2:16

kaxén kélwáxok ma'a kéltémakxa axta, apxegkek axta agkok chá'a kélxama emáwhok elwakxak ma'a veinte hótáhap apaktek kéláncháseykekxa, diez axta aqsa chá'a elwetágwakxa'; apmeyákxeyk axta agkok han chá'a kélxama m'a élánamáxchexa nak vino, yaqwayam ellánésagkok cincuenta yátegwáxwa, veinte axta aqsa chá'a éta'.

Hageo 2:17

Eyhayak axta ko'o aqsok élnapmo nak yenta'a, tén han yegmen élyennaqte, ekyókxoho aqsok kélcheneykekxa', makke hélye'eykekták ko'o kéxegke. Ko'o sekxeyenma xa, sektáha nak Wesse'.

Zacarías 5:4

Aptáhak Wesse' egegkok ekha nak apyennaqte s'e: ‘Eyáphássek ko'o s'e aqsok ekmaso, yaqwayam sa' katxek chá'a apxagkok ma'a apmenyexma nak chá'a tén han ma'a apteme nak chá'a apmopwána amya'a apxeyenma sekwesey. Keytek sa' chá'a aqsok ekmaso m'a kañe' apxagkok, ekweykmoho eksawhéxkoho agko' ma'a yámet éltegyésso nak tén han ma'a meteymog.’”

Zacarías 8:10

Hakte cháxa ekhem nak, méko axta kélyánmagkasso ekyánmaga apkeltamheykha m'a énxet'ák tén han ma'a aqsok kélnaqtósso kélméssamo nak chá'a éltamheykha. Méko axta nahan ektaqmalma apheykha énxet'ák ektáha axta apheykha m'a, eñama m'a katnaha nak apnámakkok; ekméssegkek axta nahan ko'o yaqwayam elenmexakpekxak chá'a m'a énxet'ák.

Malaquías 2:2

Hélyahákxoho sa' chá'a ko'o kéxegke, kólteme sa' chá'a naqsók séláyo. Sa' agkok chá'a kóltáhak xa ektáha nak, allegássesagkohok sa'. Xama aqsok ektaqnómaxche sa' ko'o atnessásekxak aqsok éltaqmalma kélwete nak chá'a kélteme kélmaxnéssesso énxet'ák ahagkok, eñama megkólteméssesso chá'a naqsók séláyo.” Ko'o sekxeyenma sektáha nak Wesse' ekha sekyennaqte.

Deuteronomio 28:17

Méko sa' chá'a katnehek kélxata aqsok ekyexna kélcheneykekxa m'a hówenaq apxagkok kélagkok tén han ma'a kañe' kélyélaqtéssamakxa nak chá'a hótáhap eñama apkeltaqnawéyak ma'a Dios.