Habacuc 3:4 - Biblia Enxet

⁴ Apxegakmek apcháhakkásamap apkelyenma, tekkek chá'a apkelyenma m'a apmek nak, cham'a appóssamakxa nak chá'a apmopwána m'a.

Habacuc 3:4 ပူးပေါင်းရင်းမြစ်များ

Nehemías 9:12

Apxegkessessegkek axta chá'a apmonye'e yaphope yaqwayam kapékessesagkok ámay, keñe axta axta'a xama táxa eyáléwe émha, yaqwayam enxoho kaltátchessesek chá'a m'a ámay yaqwánxa enxoho chá'a elyetlók.

Job 26:14

Cháxa nekha nak aqsok apkelane xa; segyexcháseykha aqsa chá'a m'a nenlegaya nak. ¿Yaqsa awanchek kay'asagkohok ma'a éxtegyawà apagkok ekyennaqte nak?

Salmos 104:2

apchaqlamakpek élseyéxma, ektémól'a negaqlamaxche'. ¡Appeykessegkek xép néten ektémól'a apáwa kélapmal'a!

Salmos 18:12

Xama apkelyenma ekyennaqte agko' axta teyapmak ma'a apkenmágkaxa axta; palleykenteyk axta yegmen élyennaqte éleñama m'a yaphope nak, tén han átex éláléweyak.

Éxodo 13:21

Ekhem axta nahan chá'a apteméssessók apkelxegexma'a Wesse' egegkok ma'a xama yaphope, yaqwayam enxoho kaxekmósek chá'a m'a ámay; tén axta chá'a axta'a apkelyetlókassama m'a xama táxa eyáléwe, yaqwayam enxoho kalsássesek chá'a exma. Axta keñamak apkelmopwagko chá'a apkelxegama ekhem tén han axta'a.

Éxodo 14:20

Kenegwákxeyk axta apmonye'e sẽlpextétamo Egipto xa yaphope émha nak, cháhakkassek axta ekpayhókxa apchaqnágkaxa m'a israelitas; yáqtéssessek axta exma m'a egipcios, keñe axta m'a israelitas kelsássessek axta aqsa exma. Axta keñamak meltahanyékxo yókxoho axta'a egipcios ma'a israelitas.

Proverbios 18:10

Wesse' egegkok apwesey ekteme segmasma ekyennaqte, apkelmeyeykekxexa nak chá'a elyexánegwakxak ma'a énxet'ák apkelpéwomo nak.

Ezequiel 1:27

Ekwet'ak axta élyenma ekho sawo kélyenmasso ekwakheykekxa táxa nepxet ekweykekxoho néten ma'a apho nak énxet, keñe m'a kóneg nak sekwet'a ekhémo m'a táxa. Keñe m'a nepyáwa nak, ekyetnama élseyéxma,

Ezequiel 43:2

ekwet'ak axta ekxegakmo Israel Dios apagkok élseyéxma apagkok ma'a ekpayho nak teyapmakxa ekhem. Nenleg'awók axta nahan éxtegyawa ekyennaqte agko', máxa axta m'a wátsam ekyennaqtél'a ekpáwà awáxok yegmen ényé, keñe axta m'a xapop nak keltátchessek axta.