Habacuc 3:2 - Biblia Enxet

² Wesse', awanhók agko' chá'a ko'o seyáyo exchep, eñama seklege m'a aqsok eñama nak xép, tén han ma'a ekyókxoho aqsok apkelane nak chá'a. Henlanés negko'óxa aqsok ekyawe keso negwánxa nak, ektéma axta m'a nanók axta, yaqwayam sa' agya'asagkohok negko'óxa. Henxekmós negko'o exchep apmopyósa henlano', neyseksa eykhe aplo.

Habacuc 3:2 ပူးပေါင်းရင်းမြစ်များ

Esdras 9:8

Segásekhayo eyke keñamak xép Dios Wesse' egagkok, apkeltémo elmallánek neghekha negko'o, tén han hegwetaksek negko'o negheykegkaxa m'a xapop ekpagkanamaxche nak; egmeyásekxeyk makham xép axnagkok negweteykekxa', egméssek makham ketsék néllókasso nélyampe neyseksa nenteme sẽlásenneykha naqsa.

Job 42:5

Amya'a seklege axta aqsa chá'a ekya'áseykegkohok xép, keñe kaxwók sekwet'a ahaqta'ák ahagko'.

Salmos 119:120

Kelpexyennegkek ko'o ekyókxoho émpehek seyeye nápaqto' xép, eyáyók ma'a apchánamakxa nak antéhek.

Salmos 25:6

Wesse', kaxén apwáxok segásekhayo nak, tén han apmopyósa henlano', senxekmóssama nak chá'a eyeynamo m'a nanók agko' axta,

Salmos 38:1

Wesse', ná hepaqhetches aqsa ko'o ekyennaqte eñama setaqnagko, ná heñássesagkoho aqsa ko'o aplawa enxoho.

Salmos 44:1

Oh Dios, nenlege egagko' negko'o séltennáseykha m'a ẽlyapmeyk nano' axta, apteméssessamakxa axta chá'a apkelyennaqtamakxa axta, cham'a nentámen axta:

Salmos 71:20

Xámok eykhe exchep segkésso aqsok ekmaso, tén han ekyentaxno sekha, hélenxánegkeshok sa' eyke makham sekha; megyohók sa' amhagkok ma'a apkelmaheykegkaxa nak apkeletsapma,

Salmos 78:38

Apyósekak axta eyke apkelányo m'a Dios, meyaqmagkásekxeyk axta chá'a apkeltémakxa ekmaso, axta han emassésseykmok; megyohók axta chá'a katxek apwáxok aplo.

Salmos 85:6

¿Mehẽlmeyásekxeya sa' makham negko'o nélyennaqte, yaqwayam sa' kalpayhekxak negko'o egwáxok, nentáha nak énxet'ák apagkok eñama exchep?

Isaías 53:1

¿Yaqsa sa' megkay'ássemek ma'a amya'a nenlegaya axta negko'o? ¿Yaqsa axta énxet apxekmósa apmopwána m'a Wesse' egegkok?

Isaías 54:8

Yaqwatakxoho seklo axta ko'o ektemék sekxeganegkessama exche', megkamassegwayam seyásekhayo eyke keñamak eyósegwokmo makham sélano exche'.” Axta aptáhak ma'a Wesse' agkok, ektáha axta apwagkasso teyp.

Isaías 63:15

Wesse', yenmexentámho aphamakxa nak néten, cham'a aphamakxa ekpagkanamaxchexa eyeymáxkoho nak. ¿Háxko ekmahágkaxa m'a segásekhayo ekyawe axta tén han apyennaqte? ¿Háxko ekmahágkaxa m'a ekyetnakhassamo nak apwáxok negko'o? ¿Masseya nélmayóseka senlano negko'o?

Isaías 66:2

¡Ko'o ahagko' sélane ekyókxoho xa aqsok nak, axta keñamak élánteyapma! Ko'o sekxeyenma xa, sektáha nak Wesse'. “Énxet sekpasmomo nak chá'a ko'o, cham'a énxet apmopyósa nak ekyentaxnamo nak chá'a apwáxok apcháyo nak chá'a m'a sekpeywa.

Jeremías 10:24

Hẽllegássesagkoho sa' negko'o, yetlo ekpéwomo senteméssesakxa, háwe sa' yetlo aplo, hakte hegmasséssók katnehek.

Jeremías 10:7

¿Yaqsa megkakyek xép, Wesse' apwányam apagkok nak pók aptémakxa énxet'ák? Payhawók xép yeykpok. Méko ekhawo exchep nepyeseksa m'a apkelya'áseykegkoho nak aqsok, tén han kelwesse'e apkelwányam nak keso nélwanmeygkaxa.

Jeremías 29:10

“Aptáhak Wesse' egegkok se'e: ‘Wokmek sa' agkok setenta apyeyam ma'a Babilonia, kaxénekxak sa' ko'o makham ewáxok kéxegke, alának sa' ma'a aqsok sekxeyenma axta alána', wának sa' kólchexyók makham se'e yókxexma nak.

Jeremías 46:28

Ektáhak ko'o sekpeywa s'e, sektáha nak Wesse': Jacob énxet'ák apagkok, apteme nak séláneykha, nágkóle, hakte ekheyk ko'o xamók kéxegke. Amasséssók sa' ko'o ekyókxoho apkelókxa, cham'a sélya'assamakxa axta chá'a ko'o kéxegke séxpánchessama. Keñe sa' kéxegke mamassésseme'; allegássesagkohok sa' aqsa ekpayhawo nak atnéssesek séllegassáseykegkoho: megkatnehek sa' mallegassáseykegkoho kéxegke.”

Lamentaciones 3:32

Henlegássesagkohok eykhe nahan chá'a, yepyósegwók eyke nahan chá'a henlano', hakte awanhók agko' ma'a ektémakxa segásekhayo.

Daniel 8:17

“Keñe axta sey'awa ko'o m'a. Égwakkassek axta, ekháxahánteyk axta ekwokmoho sektekxeya ekpayhakxa nahát xapop, aptáhak axta seyáneya s'e: ‘Énxet, ey'asagkoho sa' se'e aqsok apwete nak, ekteme m'a ektemegwánxa sa' néxa ekhem.’

Daniel 9:2

Ko'o Daniel, élányók axta ko'o weykcha'áhak apagkok axta m'a Dios appeywa aplegasso Jeremías, ekxeyenma axta yaqwayam kawomhok setenta apyeyam kélmassésseyam ma'a Jerusalén, apkeltennassama axta Wesse' egegkok ma'a aplegasso appeywa Jeremías.

Habacuc 3:1

Keso apkelmaxnagko axta Habacuc, apteme axta Dios appeywa aplegasso.

Habacuc 3:16

Xama axta ko'o sekleg'a xa, eyekak axta. Kelpexyennamágkok axta sekpeywa, kelyelqáxchek axta exchakkok, massék axta ekyenna ekyókxoho émpehek. Aleyxek sa' eyke aqsa ko'o meyke sekpekhésamaxche m'a ekhem yaqwánxa sa' ellegássesagkohok Dios ma'a sẽlpextétamo sennaqtawáseykegkoho nak.

Zacarías 1:12

Aptáhak axta Dios apchásenneykha s'e: “Wesse' ekha apyennaqte, wokmek kaxwók setenta apyeyam aptaqnagko m'a Jerusalén tén han ma'a tegma apkelyawe nak Judá. ¿Háxko sa' ekwánxa elásekhekxoho?”