Habacuc 2:3 - Biblia Enxet

³ Makke kawokmok makham yaqwánxa katnehek xa aqsok kélxekmóssamo nak, katnehek sa' eyke. Eleyxek sa' eyke aqsa exchep, kánéxchek sa' eykhe yehémek katnehek, kammok sa' eyke yaqwánxa katnehek.

Habacuc 2:3 ပူးပေါင်းရင်းမြစ်များ

2 Reyes 6:33

Neyseksa apkelpaqhetchesso axta apwa'a kélásenneykha m'a aphakxa nak Eliseo. Aptáhak axta apcháneya: —Wesse' egegkok keñamak senteméssesso negko'o s'e aqsok ekmaso nak, ¡kaqhok ko'o aleyxek elának mók aqsok ma'a!

Salmos 102:13

Yempekxa néten, kayósho elanok Sión, hakte wokmek kaxwók ekhem yaqwayam yásekhekxoho'!

Salmos 27:14

¡Nágkólya'ássem Wesse' egegkok! ¡Kólwasqápekxoho, nágkólyelqaxche'! Naqso', ¡nágkólya'ássem Wesse' egegkok!

Éxodo 12:41

Cháxa ekhem nak, apwokmo axta cuatrocientos treinta apyeyam, apkelántekkek axta apyókxoho Wesse' egegkok sẽlpextétamo apagkok ma'a apkelókxa nak.

Isaías 30:18

Apkelhaxneyk kéxegke m'a Wesse' egegkok, yaqwayam sa' elásekhekxohok makham; apmakawók apagkók exekmósek kéxegke m'a ektémakxa nak apkelásekhayo, hakte Wesse' egegkok apteme Dios ekpéwomo aptémakxa. ¡Apkeleñémo apyókxoho ektáha nak apkelhaxanma m'a!

Isaías 7:4

etne sa' yának se'e: “Elanagkoho sa', eyke ná égwe' aqsa; nágye aqsa, nágyoho nahan kayélaqtéssesek apwáxok se'e ánet átex élpánma nak, cham'a Resín yetlo m'a énxet'ák apagkok sirios, tén han ma'a Remalías apketche, cham'a apkellawa apagko' nak.

Isaías 8:17

Massegkek eykhe apkelányo Dios ma'a Jacob énxet'ák apagkok, aleyxek sa' eyke aqsa ko'o. Hakte seyásenneykekxa ko'o ektemék ma'a.

Jeremías 27:7

Apkelásenneykha sa' etnehek ma'a apyókxoho pók aptémakxa énxet'ák nak, ekweykekxoho m'a apketche, tén han aptáwen, ekwokmoho sa' nahan ekmáxko m'a Babilonia. Apkelásenneykha sa' etnehek ma'a pók énxet'ák apkelókxa élyawe nak, tén han ma'a kelwesse'e apkelwányam apkelyennaqte nak.

Ezequiel 12:25

hakte apaqmétek sa' ko'o, sektáha nak Wesse', ekmanyehe agko' sa' nahan katnehek ma'a aqsok sekxeyenma. Kéxegke kélagko' sa' nahan kólweta', kélteme nak énxet'ák élyennaqte kélwáxok; apaqmétek sa' ko'o, tén sa' wának katnehek ma'a aqsok sekxeyenma. Éltennássek ko'o xa, sektáha nak Wesse'.”

Ezequiel 30:9

“Wokmek sa' agkok ekhem yaqwánxa kóllegássesagkohok ma'a Egipto, aláphaksek sa' apseykha amya'a apkelchánte yántakpayhe m'a neyseksa wátsam ekwányam nak, yaqwayam sa' elteméssesha apkelwáxok ma'a énxet'ák meyke nak éltamheykha apkelwáxok ma'a Etiopía, elyegwáwhok apagko' sa'. Ketók yaqwánxa kawak xa ekhem nak.

Daniel 10:14

Ekwa'ak ko'o yaqwayam altennássak yaqwánxa katnehek egmonye' m'a énxet'ák apagkok, hakte cham'a aqsok apwete nak, ekxeyenma m'a ekhem peya nak katnehek.’

Daniel 11:27

Tén sa' ma'a apqánet kelwesse'e apkelwányam nak, élxeyenma nak apkelwáxok etnéssessamhok exma ekmaso pók, exmakha sa' etawagkok aptéyak nekha mésa, keñe sa' epaqhetchesek chá'a pók yetlo apteme apmopwána amya'a, megkatyepek sa' eyke xama enxoho m'a ekxénakxa apkelwáxok etnahagkok, hakte megkawokmok makham ma'a ekxénamaxchexa katnehek.

Daniel 11:35

Etekyók sa' han nápakha m'a apkelxekmowáseyak axta apnámakkok, yaqwayam enxoho kóllanok aptamhéyak éláxñeyo apkeltémakxa, tén han kólteméssesek éláxñeyo agko' apkeltémakxa, ekwokmoho ektemegwánxa néxa ekxénamaxchexa nak katnehek.

Daniel 8:17

“Keñe axta sey'awa ko'o m'a. Égwakkassek axta, ekháxahánteyk axta ekwokmoho sektekxeya ekpayhakxa nahát xapop, aptáhak axta seyáneya s'e: ‘Énxet, ey'asagkoho sa' se'e aqsok apwete nak, ekteme m'a ektemegwánxa sa' néxa ekhem.’

Daniel 8:19

aptáhak axta seyáneya s'e: “Altennaksek sa' ko'o exchep yaqwánxa katnehek ekwokmo sa' néxa aplo m'a Dios, hakte cham'a aqsok apwet'a nak ekteme ektemegwánxa néxa ekhem.

Daniel 9:24

“Setenta semána sa' kayeykhak kólmasséssók apkeltémakxa élmasagcha'a m'a énxet'ák apagkok tén han melya'assáxma, tén han tegma apwányam appagkanamap nak, yaqwayam sa' megkólyaqmagkásekxeyk ma'a apkeltémakxa élmasagcha'a, tén han keytek ekpéwomo nentémakxa meyke néxa, yaqwayam sa' katnehek ma'a ektémakxa axta aqsok apwete, tén han ekxénamaxche' kéltemessásekxo sa' appagkanamap apagko' ma'a Tegma Appagkanamap nak.

Miqueas 7:7

Aleyxek sa' eyke ko'o m'a Wesse' egegkok; malwataksek sa' sélhaxanma m'a Dios ahagkok sewagkasso nak teyp, hakte yeyxhok sa' ko'o sélmaxnagko m'a.

Sofonías 3:8

Hélleyx sa' aqsa m'a ekhem, sémpákxo sa' néten yaqwayam alxénchásekxohok ko'o kéltémakxa kéxegke. Ektáhak ko'o sekpeywa s'e sektáha nak Wesse': Ekxénchek ko'o wánchásekxak pók aptémakxa énxet'ák tén han kelwesse'e yaqwayam sa' ko'o ayenyenták seklo nepyeseksa. ¡Kamasséssók sa' ekyókxoho xapop ma'a seklo ekho nak táxa eyáléwe!

Números 23:19

Maghawok negko'o m'a Dios nentáha nak énxet néletsapmo nak chá'a, metnehek apmopwána amya'a, meyaqmagkassemek nahan mók ma'a aqsok apxeyenma. Apxénchek agkok xama aqsok, elának nahan. Apxénchek agkok nahan élanak xama aqsok, elának nahan.