Habacuc 2:16 - Biblia Enxet

¹⁶ Kólmegqáwhok kélagko' sa' yaqwayam eykhe kóltéhek ekha kéláyo, hakte Wesse' egegkok sa' yagkok xama egheykok ma'a senlegassáseykegkoho nak, yaqwayam sa' kataxchek kélyókxa meyke apáwa, aqsok segmegqasso sa' katnekxak ma'a kéleymáxkoho.

Habacuc 2:16 ပူးပေါင်းရင်းမြစ်များ

Salmos 75:8

Apmeykha Wesse' egegkok ma'a apyeta nak aplo, vino kélencheheykekxa nak ma'a aqsok égmenek kéltahakkasso. Apyegkenchek sa' agkok ma'a vino, émaksohok sa' énagkok ma'a apyókxoho élmasagcha'a nak apkeltémakxa apheykha nak keso náxop.

Proverbios 3:35

Ekha kéláyo sa' chá'a elxawagkok ma'a énxet'ák ekha nak apkelya'áseykegkoho aqsok, keñe sa' ma'a élyeyháxma nak, elmegqasakpohok apagko' sa'.

Isaías 20:4

Sa' etnéssesek nahan wesse' apwányam Asiria enaqlakxak megkatnahakxa apkelókxa m'a egipcios tén han ma'a etiopes, meyke apkelántaxno sa' chá'a etnéssesek ma'a apkelwányamo nak tén han ma'a apketkók nak, tén han meyke apkelatchesso apmagkok, yáxña'akxoho sa' kaxnagkok ma'a ápetek aptaqla'ák nak yaqwayam sa' kalmegqaksek.

Isaías 47:3

kóllanok sa' agkok ekyókxa meyke apáwa, kólwetaksek sa' ma'a ekmasmakxa nak chá'a kólwetaksek. Ayaqmagkásekxak sa' ko'o mók ektémakxa, méko sa' kawának henókasha.”

Isaías 49:26

Wának sa' ko'o etawagkokxak aphápetek apancha'awók ma'a apsawhéssamo axta aqsok kélagkok, wának sa' kalnápekxak ma'a éma apagkok apagko' nak ektémól'a énagkok ma'a vino. Keñe sa' elya'asagkohok apyókxoho énxet ektáha ko'o sekwagkasso teyp, ko'o sektáha nak Wesse'; elya'asagkohok sa' sektáha sekmallahanchesso aqsok ekyentaxno, ko'o sektáha nak Jacob Wesse' apagkok ekha sekyennaqte.”

Jeremías 25:15

Aptáhak axta ko'o seyáneya Wesse' egegkok, Dios apagkok nak Israel: “Elano' s'e egheykok ekláneyo nak vino seklo. Ema, elák sa' chá'a énxet'ák ekyókxoho apchókxa, seyáphasakxa enxoho chá'a exchep.

Jeremías 25:17

Ekmeyk axta ko'o m'a egheykok apmeykha axta m'a Wesse' egegkok, élágkek axta chá'a énxet'ák apheykha nak ma'a ekyókxoho apkelókxa, seyáphasakxa axta chá'a ko'o m'a Wesse' egegkok.

Jeremías 51:57

Aptáhak Wesse' Apwányam, Wesse' ekha nak apyennaqte s'e: “Annáhakkasek sa' ko'o anmen ma'a apkelámha apmonye'e nak Babilonia, tén han ma'a apkelmopwancha'a nak aqsok, tén han ma'a apkeltaqmelchesso nak apkelókxa yetlo apkeláneykha, tén han sẽlpextétamo apagkok, keñe sa' enaqtének meyke néxa, menaqxétekhagkek sa'.

Jeremías 51:7

Aphémók axta Babilonia sekmeykencha'a m'a egheykok sawo ekyátekto ekmomnáwa nak, élnáhakkassama axta chá'a anmen apyókxoho énxet'ák apheykha nak keso náxop. Apyenágkek axta agkok chá'a apyókxoho énxet'ák xa vino nak, kalyeykesek axta chá'a exma.

Lamentaciones 4:21

¡Apchókxa Edom, kaktegmaha, kapayhekxa awáxok; ekhama axta ektéma máxa wesse' ekwányam ma'a yókxexma Us! ¡Kaxkak sa' xeyáxa' m'a ekya ekmáske nak, kaqhek sa' ektémól'a anmen, meyke apáwa sa' kaweynchamha!

Ezequiel 23:33

tén han ma'a negmayósa tén han ma'a sẽlmassésseyam nak. Yáxa egheykok agkok xa, cham'a Samaria, cháxa yaqwayam sa' kaqhássesek xeye' xa tén han kañássesagkohok ekmáske.

Oseas 4:7

“Yágweykmók axta aqsa megkólya'assáxma nahaqtók kélxámokma kélagko' axta kélteme kélmaxnéssesso énxet'ák ahagkok; ektaqnómaxche sa' atnessásekxak ma'a ektémakxa nak ekha kéláyo.

Oseas 7:5

Apchaqhássessek axta vino apkelámha apmonye'e kélteméssesa axta wesse' apwányam ma'a wesse' apwányam egagkok. ¡Tén axta apya'ássesa apmek ma'a ektáha axta apkesmésso!

Habacuc 2:10

Kéllánessegkek kélxanák ma'a aqsok segmegqassamo nak, kélnaqtawásamáxche kélagko' kéltemék kélmassésseykmo apxámokma apagko' ma'a pók aptémakxa énxet'ák.

Habacuc 2:15

¡Kéxegke la'aye, kélnáhakkasso nak chá'a anmen apheykha nak ketók kélxanák, kéleykegko nak chá'a vino kélenchehe m'a pánaqte segyeykessamo nak exma, yaqwayam enxoho kólesmaksek chá'a kóllanok meyke apáwa!