Habacuc 2:12 - Biblia Enxet

¹² ¡Kéxegke la'aye, kélláneyak nak tegma apkelyawe kélagkok eñama m'a nentémakxa ekmaso nak, tén han megkapéwomo nak!

Habacuc 2:12 ပူးပေါင်းရင်းမြစ်များ

1 Reyes 16:34

Apxátekhássekxeyk axta makham tegma apwányam Jericó m'a Hiel, apkeñama nak Betel, aphamakxa axta makham Ahab. Apketsepmeyk axta apketche átnaha apketkok apwesey axta Abiram apnegkenchásegko axta apowhók ma'a tegma, apketsepmeyk axta han apketche apsexyo, apwesey axta Segub, apnegkencháseykegko axta atña'ák, ekhawo m'a ektémakxa axta apxeyenma Wesse' egegkok, apchásenneykekxo axta m'a Josué, Nun axta apketche.

Ezequiel 24:9

“Hakte aptáhak Wesse' egegkok se'e: ¡Tegma apwányam ekyetnamakxa nentekyawal'aye! Ko'o ahagko' sa' wáleywaksek táxa ekyawe agko'.

Miqueas 3:10

kélmeykha nak kéllane Jerusalén ma'a nentekyawa, kélmeykha nak kéllane tegma apwányam Sión ma'a megkapéwomo nentémakxa.

Nahúm 3:1

¡Xép la'aye tegma apwányam, ekyetnamakxa nak nentekyawa, tén han negmowána amya'a, tén han negyennaqteyásamaxkoho; megkamassegweykenxa nak negmenyexma!

Habacuc 2:6

Elesmaksek sa' eyke apyókxoho pók aptémakxa énxet'ák apkelmomap nak ma'a ektáha nak apkelma, sa' etnehek elmeneykmaksek se'e: “¡Kéxegke la'aye, ekhésso nak aqsok kélagkok ma'a megkatnaha nak aqsok kélagkok! ¿Háxko sa' ekwánxa katnehek apcháncheseykekxa aqsok ekxámokma, apkelma nak kélmassáseykha?”

Josué 6:26

Tén axta Josué aptáha appeywa apchésa énxet'ák se'e: “Eñássesagkohok sa' Wesse' egegkok ma'a énxet ektáha enxoho apmáheyo exátekhásekxak makham se'e tegma apwányam nak Jericó. Kólpátegkesek sa' tegma apowhók ma'a apketche apwányam, keñe sa' apketche apsexyo kóláhakkasek ma'a átog.”