Habacuc 1:9 - Biblia Enxet

⁹ Emasséssók chá'a ekyókxoho aqsok apkelwánxa enxoho chá'a, etekkesek chá'a élmeneymáxche apmonye'e, apxámok apagko' chá'a etnehek apkelma apkelenmexma, ekweykenxal'a ekxámokma yagkamex ma'a neyáwa wátsam ekwányam.

Habacuc 1:9 ပူးပေါင်းရင်းမြစ်များ

Génesis 41:49

Apxámok axta apcháncheseykekxa José m'a hótáhap apaktek, máxa axta m'a ektémól'a yagkamex neyáwa nak wátsam ekwányam, apxámok apagko' axta hótáhap apaktek, massék axta apkelyetsátegko, hakte mogwanchek axta ólyetsátekxak apwánxa'.

2 Reyes 12:17

Apketámeykegkek axta Hazael, wesse' apwányam nak Siria m'a tegma apwányam nak Gat, cháxa ekhem nak, apmomchek axta han, keñe axta apmeyeykekxo han Jerusalén yaqwayam ektamagkok.

Job 29:18

Axta katnehek chá'a ko'o ewáxok se'e: “Xámok agko' sa' katnehek ekhem sekha, ektémól'a xapop ánek ekxákma; sekwányamók sa' watsapok, tén han ma'a exagkok nak.

Salmos 139:18

Peyk agkok ko'o alyetsetek, kayeykhágwomhok ma'a ekweykenxal'a yagkamex; ekxatakha'a agkok chá'a, cháxa katnehek apha xa.

Isaías 27:8

Apkellegassáseykegkók axta énxet'ák apagkok Dios apkeltémo kólnaqlakxak ma'a megkatnahakxa nak apkelókxa, apwátekhapmeyk axta ekyennaqte agko' apkelántekkessama, ektémól'a kaxchahák ma'a éxchahayam eñama nak teyapmakxa ekhem.

Jeremías 15:8

Ekxámásekxeyk nahan nepyeseksa m'a kelán'a tampe, yeykhásseykmók ma'a ekweykenxa nak ekxámokma yagkamex ekhéyak neyáwa wátsam ekwányam. Yetseksók ekhem agko' axta ko'o élnápak ma'a chána yetlo étchek wokma'ák nak makham; ekpelakkassessek axta seyhe éltamheykha awáxok, tén han élaye.

Jeremías 25:9

aláneyha sa' ko'o apyókxoho énxet'ák apheykha nak nexcheyha yetlo séláneykha Nabucodonosor, wesse' apwányam nak ma'a Babilonia, yaqwayam sa' elxegma', ektámegmak se'e apchókxa nak, yetlo apyókxoho énxet'ák apheykha nak kañe', tén han ma'a apyókxoho énxet'ák apheykha nak neyáwa'. Amasséssók sa' ko'o ekyókxoho. Meteymog ektaháneykekxa mók meyke néxa sa' atnessásekxa', negaye agweta', tén han segyegwakkassamo.

Jeremías 34:22

Wának sa' eyke ko'o elchexyók makham yenmexek se'e tegma apwányam nak tén han ektámenta', emok sa', keñe sa' ewatnekxoho'. Wának sa' ko'o etnekxak meyke xama aqsok ma'a nápakha nak tegma apkelyawe Judá, meyke xama énxet enxoho apha. Ko'o sekxeyenma xa, sektáha nak Wesse'.”

Jeremías 4:11

Wokmek sa' agkok xa ekhem nak, sa' katnehek amya'a elxénakpok énxet'ák Jerusalén se'e: “Éxchahayam ekmexanma wátekhápak énxet'ák ahagkok eñama nak meykexa énxet. Háwe m'a éxchahayam megkeynnaqtél'a, kélmowánal'a kólchempaksek apyempe'ék apák hótáhap apaktek;

Jeremías 4:7

Tekkek yámakméwa m'a ekyáqtamakxa nak, xegakmek ma'a ekmassésseykmoho nak pók aptémakxa énxet'ák; tekkek ma'a eyókxa nak, peyk kamasséssak kélókxa, yaqwayam kamasséssessók ma'a apchókxa tén han katnéssásekxak yókxexma meykexa énxet, tén han nápakha'a apketkók ma'a tegma apkelyawe kélagkok nak.

Ezequiel 17:10

Kóllánekxohok sa' eykhe chá'a kélcheneykekxa, megkaltektépekxeyk sa' eyke chá'a; kalyameygkok sa' chá'a m'a ekwátekhapa enxoho éxchahayam eñama nak teyapmakxa ekhem; kalyameygkok sa' chá'a m'a ekpayhókxa nak chá'a élyephagweykxa m'a éltekteyapma.’”

Ezequiel 19:12

Kélpátekkessek axta eyke yetlo ektaqnómaxche, kélpekkenchek axta náxop. Yamássek axta m'a éxchahayam eñama nak teyapmakxa ekhem pallakmek axta m'a ekyexna; Kelyamakak axta m'a aktegák élyennaqte nak kélchexakkek axta nátex.

Daniel 11:17

Elánekxak sa' nahan aptamhágkaxa yaqwayam emok ma'a ekyókxoho xapop nak nepyeyam; elának sa' ekhémo mók apkelpaqhetchásamákpoho m'a wesse' apwányam nak, egkések sa' han apketche kelwána yaqwayam etnehek aptáwa', ekxeyenma eykhe apwáxok emasséssók ma'a aptémakxa nak wesse' apwányam, megkatyepek sa' eyke yaqwánxa etnehek.

Oseas 1:10

Xama ekhem sa' exnágwakxohok makham apxámokma israelitas ma'a ektémakxa nak ekxámokma yagkamex ma'a neyáwa nak wátsam ekwányam, méko sa' kawának kay'asagkohok apwánxa, tén han kalyetsetek. Megkatnehek sa' kólának kaxwók se'e: “Háwe kéxegke kaxwók énxet'ák ahagkok.” Sa' etnehek elának Dios se'e: “Kéxegke kélteme apketchek ma'a Dios memassegwayam nak.”

Oseas 13:15

Máxa sa' eykhe etnehek Israel ma'a ektémól'a kalyapwak pa'at, kawátekhápok sa' eyke m'a éxchahayam eñama nak ekteyapmakxa ekhem, cham'a éxchahayam ekyennaqte eñama nak ekwátekhapma m'a yókxexma meykexa nak énxet, keymaksek sa' ma'a ekteyapmakxa nak chá'a yegmen, kalyamasagkok sa' ma'a yámelchet. Elyementamok sa' apkelenmexma m'a aqsok élmomnáwa, tén han ma'a aqsok éltaqmalma nak.

Habacuc 1:17

¿Ellenxanmagkohoya sa' caldeos sẽlma negko'o yám'én apagkok? ¿Ellenxanmagkohoya sa' apkelnapma énxet'ák meyke apkelmopyóseka apkelányo?

Habacuc 1:6

Wampakhássesek sa' ko'o m'a caldeos, énxet'ák apkello megkalmayósa nak elanok aqsok, apkelweynchámeykha nak chá'a ekyókxoho yókxexma, yaqwayam emok chá'a xapop megkatnahakxa nak chá'a apagkok.

Jueces 7:12

Appayhekxeyk axta madianitas, amalecitas tén han apkeleñama nak teyepmakxa ekhem ma'a ekyókxoho nak ekyapwátegweykenxa. Máxa sawa' apxámokma axta aptamhágkok. Apxámók apagko' axta han ma'a yányátnáxeg, máxa m'a xapop ánek ekhéyak nak neyáwa wátsam ekwányam.