Habacuc 1:8 - Biblia Enxet

⁸ Apmelyeyha'awók apagko' han apkenyahéyak apkelchánte yátnáxeg, apyeykhásseykmok ma'a ekwánxa nak ekyennaqte apkenyahéyak yánneptána, apkellómók apancha'awók nahan, apyeykhásseykmok ma'a aqsok nawha'ák éllo élleykha nak yókxexma meykexa énxet. Apxámok apagko' han chá'a etnehek enaqtégkesagkok apkelchánte yátnáxeg, makhawo chá'a elleñék ektamagkok ma'a apkelenmexma, ektémól'a náta ekyawe kathánek aqsok ekmáheyo kamok.

Habacuc 1:8 ပူးပေါင်းရင်းမြစ်များ

Job 9:26

Máxa yántakpayhe ekyennaqte ekxega temék, máxa m'a náta ekyawel'a kathánek ekyógkexma'.

Isaías 11:14

Épetchekxak sa' pók ektamagkok ma'a énxet'ák filisteos, ekpayho nak taxnegwánxa ekhem, neptámen sa' yeñék yáhapwók; épetchekxak sa' pók elyementamagkok aqsok apagkok ekxámokma m'a énxet'ák apheykha nak teyapmakxa ekhem. Kawomhok sa' nahan apteme apagkok ma'a yókxexma Edom tén han ma'a Moab, apkeláneykha sa' etnahagkok ma'a amonitas.

Jeremías 4:13

Kóllano, máxa yaphope élxegayam aptamhágkok apkelxegakmo m'a kélenmexma, máxa éxchahayam ekyennaqte agko' la'a m'a yátnáxeg apkelyenyawasso apagkok apkenchesso nak kempakhakma, apmelyeyha'awók apagko' han apkenyehéyak ma'a yátnáxeg apkelchánte, apyeykhásseykmok ma'a ekweykenxal'a ekyennaqte émpé m'a náta élyawe. ¡Negko'o laye, peyk agmassegwók!

Jeremías 48:40

Aptáhak Wesse' egegkok se'e: “Apketámegkek apkenmexma Moab, ektémól'a náta ekyawe élpeykessól'a axempenák kaktamagkok ekyógkexma.

Jeremías 5:6

Cháxa keñamak peya sa' kalántépok yámakméwa m'a naxma, keñe sa' kalnápok, nápakha'a apketkók sa' katnéssesek ma'a aqsok nawha'ák éllo élleykha nak yókxexma meykexa énxet, elyexanmaha sa' eleyxek yánneptána m'a nepyáwa nak tegma apkelyawe apagkok, nápakha'a apketkók sa' chá'a etnéssesagkok ma'a apkelántepa enxoho; hakte xámok agko' apkeláneyak melya'assáxma, hágkaxwe yenmexekxak ma'a Dios.

Jeremías 50:42

Yágke apkelmeykha tén han sawhéwa; Apkellamchek apagkók nahan ma'a, megkayóshek elanok aqsok, máxa wátsam ekwányam éxtegyawà m'a apkelwónchesso nak, yátnáxeg apkap'ák apkelxegakmok. Appenchásegkek aptamhágkaxa yaqwayam yempakhak ma'a Babilonia.

Lamentaciones 4:19

Apmelyeyhawók apagko' apkenyehéyak ma'a segmenxenma nak, apkelyeykhásseykmók ma'a náta élyawél'a; egmenxeneykha m'a neyseksa egkexe nak, ¡egnegkencháseykegkek kelhanma m'a meykexa nak énxet!

Ezequiel 17:12

“Elmaxneyha hana sa' énxet'ák élyennaqte nak apkelwáxok apkelya'ásegkók kexaha ekyetchesamaxkoho s'e aqsok kélyetcháseykekxoho nak. Etne sa' elának se'e: ‘Apmeyáyekmek axta Jerusalén ma'a wesse' apwányam Babilonia tén axta apmoma m'a wesse' apwányam nak Judá, yetlo m'a apkeláneykha, apnaqleykekxeyk axta m'a Babilonia.

Ezequiel 17:3

Etne sa' elának se'e: “Keso aptáhakxa exchek appeywa Wesse' egegkok se'e: Wa'ak xama náta ekyawe agko' ma'a Líbano; élwányam ma'a axempenák, ahóxekche'ék agko' nahan, sawheykekxók nahan ektáxama éltaqmalma m'a axempenák nak. Kelmeyk naw'ék ma'a yámet cedro,

Ezequiel 26:11

elteyammok sa' yátnáxeg apagkok ma'a ekyókxoho ámay kélagkok nak. Sókwenaqte sa' elmaha elnápok ma'a énxet'ák apheykha nak ma'a kañe', elyaqnegkessesagkok sa' náxop ma'a meteymog élámha élyennaqte kélagkok nak.

Oseas 8:1

“Epáwes apchaqkahasso, aptémól'a m'a énxet apkelhaxneykhal'a nepyeseksa Wesse' egegkok énxet'ák apagkok. Hakte meláneykegkok ekhémo mók nélpaqhetchásamáxkoho ahagkok, apkenmexeykekxeyk ma'a nélxekmowásamáxche ahagkok.

Nahúm 2:5

Apméssek appeywa sẽlpextétamo apkelwesse'e apagkok ma'a wesse' apwányam, apkeltegwákpek apkenyahágko apketámegko m'a tegma kélhaxtegkesso nak, ekyetnakxa nak ekpenchásamaxche m'a yámet ekyawe kélyehegkesso nak átog.

Sofonías 3:3

Máxa yámakméwa m'a apkelámha apmonye'e apagkok élpáweykhal'a awáxok; máxa aqsok nawha'ák éllo élleykhal'a meykexa énxet ma'a segyekpelchémo apagkok nak, megkáyam la'a ketsék axchapok yaqwayam katwok ma'a saka.

Deuteronomio 28:49

Ektágkásegmak sa' kéxegke Wesse' egegkok ma'a énxet'ák apkeleñama nak apchókxa makhawók agko' keso náxop, cham'a énxet'ák megkólmowána nak kéxegke m'a apkelpeywa. Máxa sa' etnahagkok ma'a ektémól'a náta meyke ahekhek ekyennaqtél'a kampa';