Habacuc 1:5 - Biblia Enxet

⁵ “Kóllano m'a énxet'ák apwakhaya nak kélheykegkaxa kéxegke; kólé sa' kóllano'. Peyk ko'o alának aqsok, peya sa' kólya'ássók kéxegke kéltennáseyncha'a enxoho.

Habacuc 1:5 ပူးပေါင်းရင်းမြစ်များ

Isaías 29:14

Ékeso éñamakxa peya nak ko'o atekkessesek makham aqsok magya'áseyak sempelakkasso nak agwetak nepyeseksa xa énxet'ák nak. Kamassegwók sa' ma'a ektémakxa nak apkelya'áseyak aqsok ma'a énxet'ák apagkok ekha nak apkelya'áseyak tén han ma'a ektémakxa nak ekha apkelmopwancha'a m'a énxet'ák apagkok ekha nak apkelmopwancha'a.”

Isaías 29:9

¡Kóllenxanmagkoho aqsa kéxegke kélteme élyeyháxma! ¡Kóllenxanmagkoho aqsa kélteme meyke kélaqta'ák, meyke kélwete xama aqsok! ¡Kóllenxanmagkoho aqsa kélyawheykha aptémól'a m'a anmen áto', neyseksa megkólyenéyak eykhe m'a anmen segaqhamól'a!

Jeremías 18:18

Aptáhak axta apkelpaqmeta énxet'ák se'e: “Anlánekxak sa' nentáhakxa yaqwayam agmasséssók Jeremías. Megkatnehek eyke chá'a meyke apkelmaxnéssesso Dios énxet'ák apagkok yaqwayam hẽlxekmóssek, apxámok nahan ma'a apkelya'áseyak nak aqsok, yaqwayam hempékessesagkok, tén han Dios appeywa apkellegasso yaqwayam chá'a hẽltennaksek Dios appeywa. Ansexnenak sa', yaqwayam sa' emátog. Mageyxók sa' chá'a m'a aptáhakxa enxoho chá'a sẽláneya.”

Lamentaciones 4:12

Apkenagkamchek axta kelwesse'e apkelwányam nak keso náxop, tén han apyókxoho apheykha nak keso nélwanmégkaxa, mopwanchek elántexek katnaha apnámakkok tén han apkelenmexma m'a atña'ák nak Jerusalén.

Daniel 9:12

Apkeláneyak xeyep ma'a apxeyenmakxa axta henteméssesek, segaphássesa m'a néllegeykegkoho ekmaso agko', ekweykekxoho m'a senláneykha nak chá'a negko'o; hakte axta kótémaxchek chá'a katnehek xama enxoho ekhawo ektémakxa axta kéllegassásegkoho eyáhapwe m'a Jerusalén.

Habacuc 3:2

Wesse', awanhók agko' chá'a ko'o seyáyo exchep, eñama seklege m'a aqsok eñama nak xép, tén han ma'a ekyókxoho aqsok apkelane nak chá'a. Henlanés negko'óxa aqsok ekyawe keso negwánxa nak, ektéma axta m'a nanók axta, yaqwayam sa' agya'asagkohok negko'óxa. Henxekmós negko'o exchep apmopyósa henlano', neyseksa eykhe aplo.

Sofonías 1:2

Keso aptáhakxa axta appeywa Wesse' egegkok se'e: “Amasséssók sa' ko'o ekyókxoho aqsok ekhéyak nak keso náxop.

Deuteronomio 4:27

Yexpánchesha sa' kéxegke Wesse' egegkok elya'aksek ma'a nepyeseksa nak pók aptémakxa énxet'ák, kélqántawók kélagko' sa' kóleymaxchek kéxegke, wánxa sa' aqsa m'a kélheykha nak chá'a apkelókxa apkelya'asakxa enxoho chá'a m'a Wesse' egegkok.