Habacuc 1:2 - Biblia Enxet

² Wesse', ¿háxko sa' ekwánxa kammok sekwóneykha séltémo hepasmok meyke seháxenmo? ¿Háxko sa' ekwánxa kammok sekwóneykha eñama apkelyennaqteyáseykha apyempe'ék énxet'ák meyke segye'eykekta' yaqwayam hélmallahanchesek?

Habacuc 1:2 ပူးပေါင်းရင်းမြစ်များ

Job 19:7

Ektáhak agkok ko'o sélpáxaméncha'a s'e: “¡Peyk amátog!” méko heyátegmowagkok; éltamhók agkok nahan hélpasmok, méko han hélánekxések amya'a.

Salmos 22:3

Appagkanamap akke exchep; Wesse' apwányam xép, apkelpeykessamo nak Israel.

Salmos 94:3

Wesse', ¿háxko sa' ekwánxa katnégwók néxa élpayheykekxa apkelwáxok ma'a élmasagcha'a nak apkeltémakxa?

Jeremías 14:9

¿Yaqsa ektéma aptéma m'a aptémól'a énxet mey'áseyak la'a aqsok, aptémól'a m'a kempakhakma yáp megkamopwána nak hempasmok? Wesse', apheyk eyke exchep negyeseksa, apyókxoho énxet apya'ásegkók nentáha negko'o xép énxet'ák apagkok; ¡ná hegkexa aqsa negko'o!

Lamentaciones 3:8

élpáxameykha axta eykhe séltémo hepasmok, axta eyke yaháxenmok sélmaxnagko;

Zacarías 1:12

Aptáhak axta Dios apchásenneykha s'e: “Wesse' ekha apyennaqte, wokmek kaxwók setenta apyeyam aptaqnagko m'a Jerusalén tén han ma'a tegma apkelyawe nak Judá. ¿Háxko sa' ekwánxa elásekhekxoho?”