Habacuc 1:12 - Biblia Enxet

¹² Wesse' egegkok, aphegkek xép meyke néxa', Dios ahagkok appagkanamap, apteme nak megyetsapma. Wesse', apteme nak semasma, apméssegkek xép apkelyennaqte caldeos, yaqwayam enxoho ellegássesagkohok énxet'ák eñama apkeltémo exchep.

Habacuc 1:12 ပူးပေါင်းရင်းမြစ်များ

Deuteronomio 32:4

Cha'a apteme segmasma m'a; kelpéwók ma'a aptamheykha nak, kelpéwók nahan chá'a m'a aqsok apkelane nak. Cha'a apteme Dios apmámnaqsoho m'a, méko xama aqsok enxoho megkapéwomo apkelane; ¡appéwomo m'a tén han apmámnaqsoho!

Salmos 90:2

Xép apteme Dios eyeynamo m'a nanók agko' axta, meláneykxa axta makham ma'a egkexe, tén han xapop, tén han keso nélwanmeygkaxa, etnehek sa' eyke chá'a Dios meyke néxa.

Deuteronomio 33:27

Cha'a aptaqmelchesso exchep ma'a Dios memassegwayam nak, cha'a ekpasmo m'a apmopwána megkamassegwayam nak; emenxenchesek chá'a apmonye' exchep ma'a apkelenmexma nak keñe exchep yának chá'a emasséssók.

Jeremías 46:28

Ektáhak ko'o sekpeywa s'e, sektáha nak Wesse': Jacob énxet'ák apagkok, apteme nak séláneykha, nágkóle, hakte ekheyk ko'o xamók kéxegke. Amasséssók sa' ko'o ekyókxoho apkelókxa, cham'a sélya'assamakxa axta chá'a ko'o kéxegke séxpánchessama. Keñe sa' kéxegke mamassésseme'; allegássesagkohok sa' aqsa ekpayhawo nak atnéssesek séllegassáseykegkoho: megkatnehek sa' mallegassáseykegkoho kéxegke.”

Jeremías 30:11

Ekxénchek ko'o, sektáha sélxegexma'a kéxegke yaqwayam alwagkasek teyp, ko'o sektáha nak Wesse'. Amasséssók sa' ko'o ekyókxoho apkelókxa, cham'a sélya'assamakxa axta chá'a ko'o kéxegke séxpánchessama. Keñe sa' kéxegke mamassésseme'; allegássesagkohok sa' aqsa ekpayhawo nak atnéssesek séllegassáseykegkoho: megkatnehek sa' mallegassáseykegkoho kéxegke.”

Salmos 93:2

Wesse', nanók agko' xép apteme wesse' apwányam, eyeynamo m'a sekxók axta, ¡Memassegwomek xép!

Malaquías 3:6

“Ko'o sekteme Wesse' kélagkok. Mayaqmagkasseykmok mók sektémakxa. Cháxa keñamak megkólmassesseykmo nak kéxegke, kélteme nak Jacob aptawán'ák neptámen.

Habacuc 3:2

Wesse', awanhók agko' chá'a ko'o seyáyo exchep, eñama seklege m'a aqsok eñama nak xép, tén han ma'a ekyókxoho aqsok apkelane nak chá'a. Henlanés negko'óxa aqsok ekyawe keso negwánxa nak, ektéma axta m'a nanók axta, yaqwayam sa' agya'asagkohok negko'óxa. Henxekmós negko'o exchep apmopyósa henlano', neyseksa eykhe aplo.

Miqueas 5:2

Keñe exchep, Belén Efrata, apteme nak ketchetsek nepyeseksa m'a Judá apnámakkok, xép sa' yenyék etyapok xama wesse' apwányam apagkok Israel, aptáwen neptámen nak ma'a nanók énxet.”

Ezequiel 30:25

Alyennaqtéssesek sa' ko'o apaktegák ma'a wesse' apwányam Babilonia, keñe sa' ma'a faraón alyélaqtéssesek. Ekméssek sa' agkok ko'o sókwenaqte ahagkok ma'a wesse' apwányam Babilonia, keñe sa' apya'asa enxoho néten yenmexchesek ma'a Egipto, elya'ásegwók sa' sektáha ko'o Wesse'.

Lamentaciones 5:19

Wesse', megkatnégwomek eyke exchep néxa apteme wesse' apwányam; ¡exek sa' chá'a m'a aptaháno eyeymáxkoho nak!

Isaías 43:15

Ko'o sekteme Wesse', ektáha nak sélane m'a Israel, Dios Sektaqmalma, wesse' apwányam kélagkok nak kéxegke.”

Isaías 40:28

¿Yagkólya'ásegkok? ¿Yagkóllegeyk nahan? Wesse' egegkok apteme Dios memassegwayam, apkelane ekyókxoho keso nélwanmeygkaxa, meyelqamap tén han meyampé, méko néxa m'a ektémakxa nak apmopwána aqsok.

Isaías 49:7

Aptáhak Wesse' egegkok apcháneya énxet kélwanyémo kélagko' axta chá'a s'e, cham'a Dios Aptaqmalma nak Israel, segwagkassamo nak teyp, aptaqnagkamo apagko' axta chá'a m'a pók énxet'ák nak, aptéma axta chá'a apchásenneykha naqsa m'a kelwesse'e apkello nak: “Apwet'ak sa' agkok chá'a exchep ma'a kelwesse'e apkelwányam nak tén han ma'a pók kelwesse'e nak, elchempekxak sa' chá'a néten eltekxeyagkok aptapnák xóp apmonye' exchep hakte ko'o axta sélyéseykha exchep sektáha nak Wesse' Dios Sektaqmalma m'a Israel, alánhok chá'a ko'o m'a sekxeyenma nak alána'.”

Isaías 37:26

¿Ya ey'ásegkok xép, ektáha ko'o séltémo katnehek ekyókxoho xa aqsok nak, ko'o sektáha nak Wesse'? Nanók agko' axta ko'o ekxeyenma ewáxok alának xa, élanak kaxwo'; Ékeso éñamakxa apmasséssekmo nak xép ma'a tegma apkelyennaqte nak tén han aptemessásekxo nak apxámokma m'a tegma aphopák.

Salmos 118:17

¡Aweynchamha sa' chá'a ko'o, magwatsepe', yaqwayam axének chá'a ko'o aqsok apkelane m'a Wesse' egegkok!

Salmos 18:1

Wesse' egegkok, xép apteme sénnaqtésso, ¡eyásekhayók ko'o exchep!

Salmos 17:13

Wesse', etnamha, ¡elenmex xép ma'a! ¡Epalchásenta náxop! Hewagkas ko'o teyp nepyeseksa élmasagcha'a nak apkeltémakxa, yetlo sókwenaqte apagkok;

2 Reyes 19:25

¿Ya ey'ásegkok xép ektáha ko'o séltémo katnehek ekyókxoho xa aqsok nak, ko'o sektáha nak Wesse'? Nanók agko' axta ko'o ekxeyenma ewáxok alának xa, élanak kaxwo'; ékeso éñamakxa apmasséssekmo nak xép ma'a tegma apkelyennaqte nak tén han aptemessásekxo nak apxámokma m'a tegma aphopák.

1 Samuel 2:2

¡Wesse' ahagkok, méko ekhawo exchep ma'a aptémakxa nak appagkanamap! ¡Dios egagkok, méko exchep ekhawo ektémakxa nak segmasma! ¡Méko ekhawo exchep!

Jeremías 5:18

Aptáhak Wesse' egegkok se'e: “Masawhók sa' ko'o amasséssók kéxegke xa ekhem nak.

Jeremías 4:27

Aptáhak Wesse' egegkok se'e: “Ekmaso sa' kóltemessásekxak ekyókxoho xapop, mamasséssemek sa' eyke ekyókxoho.

Isaías 57:15

Hakte aptáhak appeywa Meyke nak Ekhémo s'e, memassegwayam nak apwesey nak aptaqmalma: “Ekhegkek ko'o m'a netno' nak, ekpagkanamaxchexa nak, ekhegkek eyke nahan nepyeseksa m'a énxet'ák apkelyelqamákpoho nak tén han ma'a apkellegeykegkoho nak ekyentaxno apkelwáxok, yaqwayam enxoho alwasqakkásekxohok chá'a tén han agkeyásekxak chá'a apkelyennaqte.

Génesis 21:33

Apkeneykekxeyk axta han Abraham xama yámet tamarisco m'a yókxexma Beerseba, cha'a apkelpeykessamókxa axta han Wesse' egegkok, Dios memassegwayam nak.

Salmos 102:24

Axta ektáhak ko'o s'e: “Dios ahagkok, nágyoho watsapok sektáhakxoho étkok.” ¡Méko néxa exchep apha!

Isaías 31:1

¡Énxet'ák laye, apkelmeyeykekxa nak chá'a Egipto aptegyeykha ekpasmo, apkeláyo nak chá'a m'a ekha nak yátnáxeg apkelchánte, apkeláyo nak chá'a m'a ekxámokma nak yátnáxeg apkelyenyawasso apagkok, tén han apteme nak apkeláyo m'a énxet apxámokma apkelchánte nak yátnáxeg, keñe melenmexeykekxoho m'a aphakxa nak Dios Aptaqmalma nak Israel, melchetamsók ma'a Wesse' egegkok!

Isaías 37:23

¿Yaqsa axta énxet apkenmexeyncha'a cha'a tén han apwanyeyncha'a chá'a? ¿Yaqsa axta énxet apkelpáxegkáseyncha'a chá'a tén han megyésa chá'a apkelano yetlo eyeymáxkoho apwáxok? ¡Apkenmexáha axta exchep ma'a Dios Appagkanamap nak Israel!

Habacuc 3:6

Epexyennegkesek chá'a xapop ma'a apkenegwánxa enxoho; elpexyennók chá'a pók aptémakxa énxet'ák apkelano enxoho; kalyaqnenagkok chá'a m'a nanók egkexe nak, kalpayhekxak chá'a m'a nanók meteymog élwenaqte nak, megkamassegwomek eyke m'a Dios ámay apagkok.

Malaquías 3:5

Aptáhak Wesse' egegkok ekha apyennaqte s'e: “Awaták sa' ko'o yaqwayam alyekpelchágwatámhok kéxegke. Keytlawhok sa' ko'o sélxéncháseykekxoho apkeltémakxa m'a aptamhéyak nak chá'a apkelyohóxma, tén han ma'a apnaqtawáseykegkoho nak chá'a apnaqteyegka'a apkelane chá'a mók, tén han ma'a eyaqhémo nak chá'a etnéssesek ekmámnaqsoho apkelpeywa, tén han ma'a apnaqtawáseykegkoho nak chá'a énxet'ák ekha nak apkeltamheykha, tén han ma'a xentampe'e nak, tén han ma'a élyéheykha nak, tén han meltaqmelchesso nak ma'a apkeleñama nak mók apkelókxa, tén han ma'a meheyáyo nak chá'a.

Salmos 74:12

Nanók agko' xép apteme wesse' apwányam egagkok. Xámokmeyk agko' axta exchep sẽlwagkasso teyp keso náxop:

Salmos 90:1

Wesse', xép apteme chá'a negyexánegweykekxexa.

Salmos 149:2

Israelitas, kalpayhekxa kélwáxok, kélteme nak énxet'ák Sión, hakte Dios apteme apkelane kéxegke, tén han Wesse' apwányam kélagkok.