Génesis 9:6 - Biblia Enxet

⁶ “Apchaqhak sa' agkok pók énxet, énxet sa' nahan yaqhek ma'a, hakte apkelánamákpek axta énxet aphawo aptémakxa nak Dios.

Génesis 9:6 ပူးပေါင်းရင်းမြစ်များ

Génesis 4:14

Sakhem setekkesa ko'o exchep se'e xapop nak, aweynchamha sa' ekyókxoho yókxexma keso náxop, meykexa nak xép, meyke séllókasseyam sekyampe xama enxoho. Keñe sa' heyaqhek ma'a ektáha enxoho sete.

Génesis 42:22

Aptáhak axta Rubén apkeláneya s'e: —Éltamhók axta eykhe ko'o megkólteméssessamok exma ekmaso m'a wokma'ák nak; axta eyke hélhaxnawok ko'o, óllegagkohok sa' negko'o kaxwók eñama ekyaqmageykekxa apketsapma m'a.

Génesis 5:1

Keso apkelwesey axta Adán aptawán'ák neptámen se'e: Xama axta apkeláneya énxet ma'a Dios, apkeláneyak axta m'a aphawo aptémakxa nak;

2 Samuel 4:11

¡Sa' atnéssesek han kéxegke xa ektáha nak, élmasagcha'a nak kéltémakxa', kélaqha nak xama énxet meyke aptémakxa neyseksa apteyenma m'a kañe' apxagkok nak! ¡Axnésseshok sa' ko'o mók eñama kélaqhe m'a! ¡Amasséssók sa' kéxegke keso nélwanmégkaxa'!

1 Reyes 2:9

Nágkapyósho aqsa elano'. Apwanchek xép aqsok, ey'asagkoho sa' yaqwánxa etnéssesek. Yának sa' emátog ekmaso agko'.”

2 Reyes 11:1

Xama axta ekleg'a amya'a apketsapa étche m'a Atalía, egken nak Ocozías, xegkek axta keñe éltamho kólnápok apyókxoho wesse' apwányam apnámakkok.

2 Reyes 11:16

máxcheyk axta, keñe kélya'ásekxo m'a apkelántaxnamakxa nak chá'a apkelchánte yátnáxeg ma'a wesse' apwányam apxagkok apyawe, cha'a apchaqhakxa axta han ma'a.

2 Reyes 11:20

kelpayhekxeyk axta han apkelwáxok apyókxoho énxet'ák. Méko axta táhak ektáhakxa apheykha énxet'ák ma'a tegma apwányam, hakte ketsekkek axta Atalía kélyetxaya sawo m'a wesse' apwányam apxagkok apyawe nak.

2 Crónicas 33:24

Apkeláneykekxeyk axta yaqweykenxa etnéssesek ma'a sẽlpextétamo apkelámha apmonye'e apagkok, apchaqhegkek axta m'a kañe' apxagkok apyawe nak.

Salmos 51:4

Xép aqsa énmexmak séláneya may'assáxma, xép aqsa énmexmak séláneya aqsok ekmaso aptaqnagkamo nak chá'a exchep. Cháxa keñamak ekpayhawo nak ma'a yaqwánxa nak hetnéssesek; naqso' agko' ma'a ektémakxa nak xép segyekpelchémo.

Éxodo 20:13

“Nágyaqha aqsa pók.

Proverbios 28:17

Énxet apchaqhe nak chá'a pók, esexnánekpok sa' ekwokmoho apketsapa: ¡nágkólmeyaw chá'a!

Eclesiastés 3:3

Yetneyk ekhem nénnapmakxa', tén han nentaqmelchesseykenxa'. Yetneyk ekhem néletsagkassamakxa aqsok, tén han nenláneykekxexa aqsok.

Levítico 17:4

tén han mesánto enxoho m'a nentaxnamakxa nak kélpakxanma apchaqneykekxexa nak chá'a énxet'ák, yaqwayam etnéssesek aqsok apmésso naqsa Wesse' egegkok ma'a ekpayhókxa nak kélpakxanma appagkanamap apagkok, exénakpok sa' ektáha ekyetno apyógkexma, kóltekkesek sa' ma'a nepyeseksa nak énxet'ák apagkok.

Levítico 24:17

“Énxet apchaqhe nak chá'a pók, kólaqhekxak sa' chá'a.

Números 35:16

“Aptekpogkek agkok pók sawo ekyentaxno énxet, keñe apketsapa enxoho m'a ektáha kéltekpoga, exénakpok sa' ektáha apmatñà, yáneykpok sa' nahan ematñekxak ma'a ektáha apchaqhe.

Números 35:25

Etaqmelchesek sa' eyke énxet'ák ma'a apchaqhe nak pók yeksek ma'a apnámakkok apagko' nak apmáheyo exnésseshok mók, yáphaksek sa' emyekxak makham ma'a tegma apwányam, apkeñamakxa axta aptegyeykencha'a apmeyámap. Énxet apchaqhe nak pók kéméxcheyk exek aqsa m'a ekwokmoho apketsapa m'a apkemha apmonye' apkelmaxnéssesso Dios énxet'ák apagkok, kélyegkenchesso nak apqátek pexmok égmenek ekpagkanamaxche'.

Números 35:33

“Nágkóletsagkas apchókxa kélheykegkaxa nak, hakte katsagkashok apchókxa m'a ekyetno nak negyógkexma, wánxa aqsa nahan awanchek kataqmelekxak apchókxa m'a apmatñà enxoho m'a ektáha nak ekyetno apyógkexma.

Deuteronomio 19:11

“Eyke m'a xama énxet apkelmexeykha nak chá'a pók apyetleykha nak chá'a m'a apmahágkaxa enxoho chá'a, ekwokmo katnehek aptahana keñe yaqhek, keñe natámen éxánegwakxak xama xa tegma apkelyawe apkelyexánegweykekxexa nak chá'a énxet'ák,

Deuteronomio 5:17

‘Nágkólaqha chá'a kélmók.

Jueces 9:56

Cháxa apyaqmagkásekxo axta mók Dios apteméssessamakxa ekmaso apyáp ma'a Abimélec, apkelnapma axta m'a setenta apkelyáxeg.

1 Samuel 15:33

Axta aptáhak apcháneya Samuel se'e: —Sókwenaqte apagkok keñamak ekteméssesso meyke étchek ekxámokma agko' kelán'ák. Sa' han kólteméssesek ma'a egken nak xép, meyke étchek. Yetlókok axta han apkelyaqtennéyak Samuel apteméssesa nápakha'a apketkók ma'a ekpayho nak Guilgal, nápaqtók Wesse' egegkok.