Génesis 8:22 - Biblia Enxet

²² “Kaxek sa' chá'a aqsok kélcheneykekxa tén han eknakxamáxche', megkamassegwánxa nak makham keso nélwanmeygkaxa', áthek sa' chá'a katnehek, samágek sa' han chá'a katnehek, keytek sa' ekmexanmakxal'a exma, tén han apmopsamágexal'a, ekhem tén han axta'a.”

Génesis 8:22 ပူးပေါင်းရင်းမြစ်များ

Génesis 45:6

Apqánet apyeyam kaxwók entáhak ekwe meyk segaqhe s'e apchókxa nak, cinco apyeyam makham kéméxcheyk yaqwayam megkanakxaxcheyk aqsok ekyexna kélcheneykekxa, kólchenekxak sa' eykhe aqsok.

Éxodo 34:21

“Kóltemeykha chá'a ekweykmoho seis ekhem, keñe sa' ma'a ekhem siete kóllókasek chá'a kélyampe, kammok sa' eykhe m'a ekhem kélcheneykekxexal'a aqsok aktek tén han ma'a eknakxamáxchexal'a ekyexna.

Jeremías 31:35

Aptáhak Wesse' egegkok, apwesey nak Wesse' ekha apyennaqte, appekkenma nak mayáhat yaqwayam kalsaksek exma ekhem, tén han pelten, yaw'a, yaqwayam elsaksek exma axta'a, apkeltémo nak chá'a kalnextog néten yegmen ma'a wátsam ekwányam, tén han kapáwak awáxok ma'a élyaqyahayam agkok nak:

Jeremías 5:24

Megkalchetámeykha nahan kélwáxok, megkóltemék nahan se'e: Agáwhok hana Dios Wesse' egegkok, segméssamo nak chá'a ekmámeye ekwokmo enxoho chá'a ekhem agkok ma'a ekpalleykenxa nak chá'a áwa' yámet, tén han élyapweykxa nak chá'a, tén han sempekkenchessamo nak chá'a ekhem yaqwayam annakxek ekyexna aqsok negkeneykekxa'.