Génesis 7:21 - Biblia Enxet

²¹ Tén axta apkeletsapa apyókxoho énxet'ák apheykha axta keso náxop, ekhawo han ma'a náta, tén han ma'a aqsok nawha'ák megkalmeymentakcha'a nak, tén han ma'a élmeymentakcha'a nak, tén han ma'a élpexyaweykegkoho nak náxop.

Génesis 7:21 ပူးပေါင်းရင်းမြစ်များ

Génesis 1:25

Apkelanak axta Dios xa aqsok nawha'ák nak, apwet'ak axta éltaqmela ekyókxoho.

Génesis 6:13

aptáhak axta apcháneya Noé s'e: “Peyk ko'o amasséssók apyókxoho énxet, cha'a keñamak ekxámokma nak negyennaqteyáseykha egyempehek keso náxop, amasséssók sa' ko'o xa, tén han ma'a ekyókxoho yókxexma nak keso náxop.”

Génesis 6:17

Wáphaksek sa' ko'o ekmámeye ekyawe agko' keso náxop, yaqwayam sa' kápok yegmen xapop, kamasséssók sa' ekyókxoho aqsok ekha nak élennama ekyókxoho yókxexma keso náxop, kaletsapok sa' ekyókxoho aqsok ekhéyak nak néten xapop.

Génesis 7:4

Hakte wokmek sa' agkok siete ekhem, wáphaksek sa' ko'o ekmámeye ekweykmoho cuarenta ekhem, tén han cuarenta axta'a. ¡Amasséssók sa' ko'o náxop ma'a ekyókxoho aqsok ekha nak élennama sélane axta ko'o!”

Isaías 24:19

Kalpexyennók sa' ekmaso agko' xapop, kayawheykha sa', nekha étkók sa' katnekxa'.

Isaías 24:6

Cháxa keñamak ekmasséssekmo nak xapop ma'a sẽlyemneykha ekmaso nak, tén han apkellegágkoho kéllegassáseykegkoho m'a énxet'ák apheykha nak kañe'. Cháxa keñamak apweywento nak énxet apheykha keso náxop, apqántawók apagko' apkeleymékpok.

Oseas 4:3

Cháxa keñamak ekyaqhapmo nak exma xa apchókxa nak; massegkek ekha apkelyennaqte m'a apheykha nak ma'a; keletsepmeyk han ma'a aqsok nawha'ák éllo, náta, tén han kelasma, ekhéyák nak wátsam ekwányam.

Joel 2:3

Máxa m'a táxa eksawhomól'a kalwatnek ekyókxoho aqsok élwatnamól'a amonye' ekyeykhe; keñe ekwatneykekxohol'a ekyeyk'a enxoho. Yókxexma ektaqmalma axta sekxók megkawánxa táxa, keñe ekyeyk'a ektamhákxo m'a ektémól'a yókxexma meykexa énxet. ¡Méko xama aqsok enxoho apcháyam!

Sofonías 1:3

Amasséssók sa' énxet'ák, tén han aqsok kélnaqtósso, tén han náta tén han kelasma, alpelápagkasek sa' ma'a élmasagcha'a nak apkeltémakxa, amasséssók sa' énxet keso náxop.” Keso aptáhakxa axta appeywa Wesse' egegkok se'e: