Génesis 7:11 - Biblia Enxet

¹¹ Chaqhawók axta m'a diecisiete ekhem ektáhakxa nak apqánet pelten, seiscientos apyeyam apagkok axta temék ma'a Noé. Cháxa ekhem élmayhékxexa axta m'a éleñamakxa nak chá'a yegmen kóneg ma'a wátsam ekwányam, kelmayhekxeyk axta han atña'ák ma'a néten élmeykegkaxa nak chá'a yegmen.

Génesis 7:11 ပူးပေါင်းရင်းမြစ်များ

Génesis 1:7

Apkelanak axta Dios xama ekméyak yegmen, yenyókassek axta han mók ekyetnamakxa m'a yegmen; nekha yegmen axta yetnákxak kóneg ekmeykegkaxa nak yegmen, keñe axta mók ekyetnákxo néten.

Génesis 6:17

Wáphaksek sa' ko'o ekmámeye ekyawe agko' keso náxop, yaqwayam sa' kápok yegmen xapop, kamasséssók sa' ekyókxoho aqsok ekha nak élennama ekyókxoho yókxexma keso náxop, kaletsapok sa' ekyókxoho aqsok ekhéyak nak néten xapop.

Génesis 7:6

Seiscientos apyeyam apagkok axta temék Noé, cham'a eyapma axta yegmen ekyawe keso náxop.

Génesis 8:14

Yamakawók agko' axta xapop, ekwokmo axta ekhem veintisiete, aptáhakxa axta apqánet pelten.

Génesis 8:2

Kelápegkokxeyk axta han éleñamakxa nak chá'a yegmen kóneg wátsam ekwányam ekmattawóneg, tén han ma'a atña'ák nak néten. Massék axta ekmámeka,

2 Reyes 7:19

Axta aptemék sẽlpextétamo apkemha apmonye' apchátegmoweykegko m'a Dios appeywa aplegasso, elmeykesagkok sa' eykhe Wesse' egegkok átog étkók ma'a néten, megkatnehek eyke xa aptáhakxa nak. Keñe axta aptéma apchátegmoweykegko Eliseo s'e, apaqta'ák apagko' sa' xeyep éta', metwehek sa' eyke.

2 Reyes 7:2

Apchátegmowágkek axta apyetleykencha'awól'a chá'a wesse' apwányam ma'a Dios appeywa aplegasso: —Elmeykesagkok sa' eykhe Wesse' egegkok átog étkók ma'a néten, megkatnehek sa' eyke xa aptáhakxa nak. Apchátegmowágkek axta Eliseo: —Apaqta'ák apagko' sa' eykhe étak xép xa, metwehek sa' eyke.

Job 12:15

Apmágkek agkok ekmámeye, keymeyk ekyókxoho; apyenyeykxeyk agkok ma'a, kápok yegmen ma'a xapop.

Job 28:4

Epexyewenták chá'a emagkok táma', emetmok chá'a m'a meykexa nak énxet, melmeheykegkaxa nak chá'a énxet, makhawo' nak ma'a tegma apkelyawe.

Job 38:16

¿Apmeheykegkeya m'a kañók agko' nak wátsam ekwányam éñamakxa nak ekteyapmakxa yegmen?

Job 38:37

¿Yaqsa ekyetna ekmowána agko' aqsok yaqwayam kay'asagkohok ekwánxa m'a yaphope? ¿Yaqsa awanchek kalyegkenek yaqwayam enxoho kamme',

Salmos 33:7

Xama ekyetnamakxa axta aptemessáseykekxak apchánchásseykekxo yegmen ma'a wátsam ekwányam ekmattawóneg agko' nak.

Salmos 74:15

Aptekkessegkek axta exchep ma'a élánteyapmakxa nak yegmen, tén han wátsam, apyamassegkek axta m'a yegmen wátsam megkeymáyeykxa nak.

Proverbios 3:20

apya'áseykegkoho aqsok axta han keñamak apkexpánchessama yegmen ma'a wátsam ekwányam nak, keñe han aptekkessama chá'a yálye m'a neyseksa yaphope.

Isaías 24:18

Máxek sa' etyamok chá'a m'a apyexánegkesso nak chá'a apkelnempaqwáméyak, keñe sa' ma'a apteyapma nak chá'a kañe' máxek kamok kelhanma. Mámeye ekwányam sa' kaweywenták néten keñe sa' kayawheykha m'a xapop awhak nak.

Isaías 24:19

Kalpexyennók sa' ekmaso agko' xapop, kayawheykha sa', nekha étkók sa' katnekxa'.

Jeremías 5:22

Ektáhak ko'o s'e, sektáha nak Wesse': ¿Yahélayék ko'o kéxegke? ¿Yagkólpexyennamák emonye' ko'o? Ekpekkenmeyk axta ko'o yagkamex néxa m'a wátsam ekwányam, néxa, megkamowána kayeykhak ma'a wátsam ekwányam. Kalnextog eykhe kayéhek ma'a élyaqyahayam agkok megkamallánek eyke kapáwak eykhe han awáxok, megkayeykhék eyke.

Jeremías 51:16

Appeywa ekyennaqte chá'a epáwaksek awáxok yegmen ekyetnama nak néten, etekkesek chá'a yaphope éleñama m'a néxa xapop nak; etekkesek chá'a apkelyenma neyseksa ekmámeye; etekkesek chá'a éxchahayam eñama m'a appekkenmakxa nak.

Ezequiel 26:19

“Hakte ektáhak ko'o sekpeywa s'e sektáha nak Wesse': Apmopso sa' ko'o atnessásekxak xép, ektémól'a m'a tegma apkelyawe meykel'a énxet apheykha m'a kañe'. Wának sa' ko'o kápekxak xép yegmen ekmattawóneg nak ma'a wátsam ekwányam,

Malaquías 3:10

Kólxátawata sa' aqsok kélmésso naqsa ekwayam nak chá'a diez xama m'a kélxátamakxa nak chá'a aqsok élmomnáwa m'a tegma appagkanamap, keñe sa' kaxek chá'a nento m'a exagkok nak. Hélyepkeyn hana xa aqsok nak, kólwetak sa' almeykesek atña'ák ma'a néten, yaqwayam sa' asawhaksohok ko'o almések kéxegke m'a aqsok éltaqmalma agko' nak.