Génesis 6:20 - Biblia Enxet

²⁰ Kalántexek sa' chá'a exchep xamók yántakpayhe ánet aqsok nawha'ák, cham'a ekyókxoho ektémakxa nak chá'a, cham'a náta, tén han ma'a aqsok nawha'ák megkalmeymentakcha'a nak, tén han ma'a élpexyaweykegkoho nak xapop, yaqwayam sa' kalweynchamha chá'a makham.

Génesis 6:20 ပူးပေါင်းရင်းမြစ်များ

Génesis 1:28

Keñe axta aptáha appeywa apkeltamho kataqmelhok ekheykha s'e: “Exámekxak sa' kélketchek; elánhok sa' ekyókxoho yókxexma keso náxop, apagkok sa' nahan etnahagkok; etnéssesek sa' nahan apmakókxa enxoho etnéssesek ma'a kelasma, tén han ma'a náta, tén han ma'a ekyókxoho aqsok nawha'ák élpexyaweykegkoho nak xapop.”

Génesis 2:19

Tén axta Dios Wesse' egegkok apkelana xapop ánek ekyókxoho aqsok nawha'ák, ekyókxoho náta, keñe axta apnaqlákxésa énxet yaqwayam etegyesagkok chá'a élwesey. Aptegyásegkek axta élwesey ekyókxoho aqsok nawha'ák megkalmeymentakcha'a m'a énxet, tén han ekyókxoho náta, tén han ma'a ekyókxoho aqsok nawha'ák élmeymentakcha'a nak, tamheykegkek axta han élwesey m'a apteméssessamakxa axta élwesey. Axta eyke ét'ak makham xama ekmowána enxoho chá'a kapasmok.

Génesis 7:3

Elántaxnés sa' nahan siete kelennay'a, tén han siete kelwán'ák ma'a náta mók ektémakxa nak chá'a, yaqwayam enxoho megkamassegwomek ektémakxa nak chá'a náta keso náxop.