Génesis 6:11 - Biblia Enxet

¹¹ Apwet'ak axta Dios ekyágwokmoho agko' ekmaso nentémakxa keso náxop, tén han magésso agyennaqtésha egyempehek.

Génesis 6:11 ပူးပေါင်းရင်းမြစ်များ

Génesis 10:9

Nimrod axta apteme apmopwána enempaqwók, hakte Wesse' egegkok axta apmopmenyého etnehek xa ektáha nak. Cháxa ekteyapmakxa axta s'e ektéma nak amya'a: “Exho Nimrod, apteme axta apmopwána enempaqwók eñama apmopmenyého etnehek ma'a Wesse' egegkok.”

Génesis 13:13

apheykegkaxa axta apyókxoho énxet'ák élmasagcha'a apkeltémakxa, apkeláneykegkaxa axta ekmaso agko' apkeltémakxa melya'assáxma, énmexma nak Wesse' egegkok.

Génesis 6:10

Apqántánxo axta apketchek ma'a Noé, cham'a Sem, Cam, tén han Jafet.

Génesis 7:1

Aptáhak axta Wesse' egegkok apcháneya Noé s'e: “Xép apwánxa apagkok apxakko' apkeláneya chá'a m'a sekmámenyého nak ko'o, nepyeseksa s'e apyókxoho énxet'ák, apheykencha'a nak se'e negwánxa nak. Etex sa' kañe' yántakpayhe yetlo apketchek.

2 Crónicas 34:27

apyelaqtéssek axta han apwáxok, apkelyahákxók axta apleg'a sekpeywa peya ko'o wanmexek se'e yókxexma nak, tén han ma'a apheykha nak ma'a, chaqhak axta han apwáxok aptémakxa nahaqtók ko'o, apkelyepteyk axta apkelnaqta, apkelekxagweyha axta han nahaqtók ko'o, cháxa keñamak sekhaxnawo nak aptáhakxa. Éltennássek ko'o exchep xa, ko'o sektáha nak Wesse'.

Salmos 11:5

Elanok chá'a Wesse' egegkok ma'a apkelpéwomo nak, tén han ma'a élmasagcha'a nak apkeltémakxa, etaqnawhok apagko' chá'a m'a apkelmopmenyého nak elyennaqtésha apyempe'ék.

Salmos 140:11

Megkawegqók sa' apheykha náxop ma'a megkalyexnegwayam nak chá'a apkelpeywa; ekmaso apheykha sa' aqsa chá'a katnehek ma'a apkelyennaqteyáseykha nak chá'a apyempe'ék, ekwokmoho ekmasséssekmo.

Salmos 55:9

Wesse', emasséssem xép ma'a énxet'ák nak, yána kalxeganmok ektémakxa apkelpaqmeyesma, wánxa aqsa sekweteya chá'a ko'o m'a apkelyennaqteyáseykha apyempe'ék, tén han apkelenmexamap,

Éxodo 32:7

Keñe axta Wesse' egegkok aptáha apcháneya Moisés se'e: —Etyep, etaqhoho, apnaqtawáseykpók apagko' kaxwók ma'a énxet'ák apagkok, apkelántekkesso axta m'a Egipto.

Isaías 60:18

Kamaskok sa' kañexchek kaxwók ekyennameykhaxma apkelyennaqteyáseykha apyempe'ék énxet ma'a kañe' xapop kélagkok nak, kamaskok sa' nahan kélmassésseyam aqsok tén han kéltawáseykha, kaltamhaxchek sa' aqsa kélhaxta nak nepyáwa tegma apwányam kélagkok ‘Segwagkasso teyp’ keñe sa' ma'a atña'ák kélagkok nak kaltamhaxchek ‘Nélpeykessamo Dios’.

Jeremías 6:7

Jerusalén keñamak ekteyapma m'a nentémakxa ekmaso, máxa m'a ektémól'a máxek katyapok yegmen. Negyenaqteyáseykha egyempehek aqsa chá'a legamaxchek ma'a, tén han negketámeyak egmók, nélyensásamáxche aqsa chá'a wetamaxcheyk ma'a, tén han nenlegeykegkoho ekmáske.

Ezequiel 28:16

Ekxámokma aqsok apkexeykekxa axta keñamak ekyánchessesseykmoho m'a apyennaqteyáseykha apyempehek tén han mey'assáxma. Tén axta sektekkesa m'a sekhakxa nak; ektekkessek axta m'a néten egkexe ahagkok ko'o sektáha nak Dios, aptekkessek axta nahan apho nak énxet ekha apxempenák ektáha axta chá'a aptaqmelchesso m'a nepyeseksa nak yaw'a.

Ezequiel 8:17

Tén axta aptáha seyáneya Wesse' egegkok se'e: “¿Apwet'aya? ¡Megkalleklámeykegkok apkelánegweykta chá'a énxet'ák Judá aqsok ekmaso agko' se'e kañe' nak, apsawheyáseykekxók apchókxa m'a negyennaqteyáseykha nak egyempehek! Megkamassegweykmok selókáséyak, etekhanchessegkek chá'a m'a apkeltémakxa ekmanyása.

Habacuc 1:2

Wesse', ¿háxko sa' ekwánxa kammok sekwóneykha séltémo hepasmok meyke seháxenmo? ¿Háxko sa' ekwánxa kammok sekwóneykha eñama apkelyennaqteyáseykha apyempe'ék énxet'ák meyke segye'eykekta' yaqwayam hélmallahanchesek?

Habacuc 2:17

Kaphewakxak sa' kéxegke kélteméssessamakxa axta kélyennaqteyáseykencha'a kélyempe'ék kélláneya m'a egkexe Líbano, kalyegwakkasek sa' eñama kélnapma m'a aqsok nawha'ák élleykha nak ma'a. Cháxa yaqwayam sa' káhapwak kéxegke xa, eñama aqsok ekmaso kéllánéyak tén han ekyókxoho kéltémakxa ekmaso axta, kélyennaqteyáseykencha'a axta kélyempe'ék ma'a apchókxa, kélenmexma m'a tegma apkelyawe nak, yetlo énxet'ák apheykha m'a kañe'.

Habacuc 2:8

Épetchekxak sa' pók, pók aptémakxa énxet'ák yenmexek xép, elyementók sa' aqsok apagkok, ekhawo aptémakxa axta chá'a exchep, apkelyementamoma aqsok apagkok ma'a. Exnéshok sa' mók ma'a ekyókxoho aptémakxa ekmaso axta, apyennaqteyáseykencha'a axta apyempehek ma'a apchókxa, apkenmexma axta m'a tegma apkelyawe nak, yetlo énxet'ák apheykha m'a kañe'.

Deuteronomio 31:29

Hakte ekya'ásegkók ko'o m'a sétsapa sa', enaqtawasakpok sa', elyensók sa' ma'a ámay séltémókxa axta ko'o elyetlók; ekya'ásegkók nahan peya káhapwak aqsok ekmaso m'a egmonye' sa', eñama apkelánéyak aqsok ekmaso nápaqtók ma'a Wesse' egegkok tén han aplókasso.”

Jueces 2:19

keñe axta apketsapa enxoho chá'a xa apkemha apmonye' apyennaqte nak, enaqtawasakpekxak axta chá'a, kayeykhágwomhok axta chá'a élmaso apkeltémakxa, megkaxók axta m'a apkeltémakxa axta apyapmeyk nano', elpeykeshok axta chá'a m'a mók aqsok kéláyókxa nak, axta elyamasmak apkelánéyak apkeltémakxa ekmaso, tén han ma'a ektémakxa axta ekyennaqte apkeltémakxa.