Génesis 49:8 - Biblia Enxet

⁸ “Judá, kaltaqmalma sa' apkelpeywa elának xép ma'a apkelyáxeg'a tén han apkelpepma. Elyaqhakkasek sa' apyespa'ák ma'a apkelenmexma nak, elháxahagkok sa' apmonye' m'a apkelyáxeg nak, tén han apkelpepma.

Génesis 49:8 ပူးပေါင်းရင်းမြစ်များ

Génesis 27:29

Apxámok sa' nahan etnehek énxet apkeláneykha, eltekxeyagkok sa' chá'a aptapnák nápaqtók xép pók aptémakxa énxet'ák. Etne sa' apkemha apmonye' nepyeseksa m'a apkelyáxeg'a, ¡eltekxeyagkok sa' han aptapnák apmonye' exchep! Eltaqnaweykpok sa' chá'a m'a apyemneykha nak chá'a exchep. Apkeleñémo sa' chá'a kólteméssesek ma'a ektaqmeleykha nak chá'a appeywa exének xép.”

Génesis 29:35

Wetákxeyk axta makham pók étche Lía, teméssessek axta apwesey Judá, hakte axta entáhak se'e: “Sa' eyke selpeykásawo kaxwók Wesse' egegkok.” Keñe axta natámen, ekmassama ekwete étchek.

Génesis 42:6

Apkeláneykha apchókxa axta han ma'a José, axta apkelmeyáseyak han chá'a hótáhap apaktek énxet'ák apkelwayam axta chá'a apkeleñama ekyókxoho yókxexma. Xama axta apkelwokmo apkelpepma m'a aphakxa nak, apkelháxahanteyk axta ekwokmoho apkeltekxeyágko élpayhakxa nápaqta'a xóp.

Génesis 46:12

Keso Judá axta apketchek se'e: Er, Onán, Selá, Fares, tén han ma'a Zérah. (Axta eyke apkeletsapmak Er tén han Onán ma'a Canaán.) Keso Fares axta apketchek se'e: Hesrón, tén han ma'a Hamul.

2 Samuel 22:41

tén han apkeltémo yenyahagkok emonye' m'a sélenmexma nak. Cháxa sekmassésseykmo axta ko'o m'a ektáha axta chá'a setaqnagko.

2 Samuel 24:9

Apméssek axta Joab apnaqtáxéseyak apkelwesey énxet'ák ma'a wesse' apwányam, ochocientos mil énxet axta han apwetákpok Israel apmopwancha'a nak elempakha', keñe axta quinientos mil ma'a énxet'ák Judá.

2 Samuel 5:3

Cháxa ektáhakxa axta apkelxega m'a apyókxoho apkelámha apmonye'e nak Israel, keñe apkelpaqhetchásekpoho wesse' apwányam David ma'a yókxexma Hebrón, apheyásawók axta han mók apkelpaqhetchásamákpoho m'a énxet'ák nak, Wesse' egegkok axta han aptemessásak apweteykegkoho. Tén axta xa énxet'ák nak apteméssesa wesse' apwányam David ma'a Israel.

1 Crónicas 28:4

Élyéseykha axta eyke ko'o m'a Dios Wesse' apagkok nak Israel, nepyeseksa m'a énámakkok yaqwayam hetnéssesek wesse' apwányam megkatnégwayam néxa m'a Israel. Apkelyéseykha axta m'a apkeleñama nak Judá énxet'ák apagkok, yaqwayam etnahagkok apkelámha apmonye'e nepyeseksa apnámakkok; keñe apkelyésancha'a énámakkok ahagko' nak ko'o, apteme nak Judá énxet'ák apagkok; keñe ko'o sélyésancha'a nepyeseksa m'a élyapma nak, yaqwayam atnehek wesse' apwányam ma'a ekyókxoho nak Israel.

2 Crónicas 14:8

Trescientos mil axta han apyókxoho sẽlpextétamo apagkok ma'a Asá, apkeleñama axta m'a Judá, yetlo apkeláhakkásamap tén han sawhéwa, keñe axta doscientos ochenta mil ma'a apkeleñama nak Benjamín, ekha axta han ma'a apkeláhakkásamap tén han yágke. Apkelánekpók axta m'a sẽlpextétamo megyeye nak elmahagkok eyesagkexa'.

2 Crónicas 15:9

Tén axta apchánchesákxo apyókxoho m'a énxet'ák Judá, tén han Benjamín, ekweykekxoho m'a mók nekha apkeleñama apheykha axta nepyeseksa, apkeleñama axta m'a Efraín, Manasés tén han Simeón énxet'ák apagkok, apxámok axta israelitas apyepetcheykekxa m'a Asá, ñókxa apwet'a axta aptáha apxegexma m'a Dios Wesse' apagkok.

2 Crónicas 17:2

Apkekhésseykmek axta sẽlpextétamo m'a apyókxoho tegma apkelyawe élyennaqte nak kélhaxtegkáseyak nepyáwa m'a Judá, tén han apheykegkaxa nak chá'a sẽlpextétamo ekyókxoho m'a kañe' nak Judá, keñe han ma'a tegma apkelyawe nak Efraín, apkelma axta m'a apyáp Asá.

2 Crónicas 30:11

Nápakha Aser énxet'ák apagkok, tén han Manasés, keñe han Zabulón axta aqsa apkelyélaqteyásak chá'a apkelwáxok nápaqtók Dios, apkelmeyánteyk axta m'a Jerusalén.

Salmos 76:1

Kélya'ásegkok Dios ma'a Judá; kéláyo han apwesey m'a Israel.

Isaías 9:7

Exek sa' ma'a néten nak David aptaháno ekyawe ektaqmalma; kasawhekxohok sa' apteme Wesse' apwányam ekyókxoho yókxexma, megkamassegwomek sa' ma'a meyke ektáhakxa nak negha; tásek sa' katnehek ekyetno m'a aptémakxa nak Wesse' apwányam, sa' katnehek ekyennaqtésso m'a aptaqmelchessáseykekxa nak chá'a apheykha énxet'ák tén han ma'a ekpayhawo nak chá'a elána', keso kaxwo' nak tén han megkatnégwayam néxa. Elának sa' Dios ekha nak apyennaqte xa, eñama ekyawe agko' segásekhayo.

Ezequiel 21:29

Háwe naqsók ma'a aqsok kélwete nak chá'a, wanchek nahan amya'a m'a kélxeyenma nak chá'a yaqwánxa katnehek. Kalyaqtennagkok sa' apyespa'ák sókwenaqte xa énxet'ák tekyawa yapmeyk élmasagcha'a nak apkeltémakxa. Wokmek kaxwók néxa kéllegassáseykegkoho.

Números 10:14

apmonye'e axta apkelxegak ma'a sẽlpextétamo apheykha axta ekpayhókxa apkemhakxa m'a Judá bandera apagkok, Nahasón axta eyke apkemha apmonye' apagkok, Aminadab apketche nak.

Números 26:20

keso apnámakkok apancha'awók axta Judá aptawán'ák neptámen se'e: Selá, Fares, tén han Zérah.

Números 26:22

setenta y seis mil quinientos énxet axta apwokmok kélnaqtáxéseyak apkelwesey weykcha'áhak ma'a Judá aptawán'ák neptámen.

Deuteronomio 33:7

Keñe axta aptáha apxéna Judá s'e: “Wesse', yeyxho Judá appeywa; yána epáxaqwakxak ma'a énxet'ák apagkok. Emyow sa' xép yetlo apmopwána; epásem sa' elenmexek ma'a apkelenmexma nak.”

Josué 10:24

Kélnaqlánteyk axta aphakxa Josué keñe apkeláneyáncha'a apyókxoho énxet'ák Israel, aptáhak axta han apkeláneya m'a sẽlpextétamo apkelámha apmonye'e ektáha nak apkelxegexma: “Kólyepetchegwatámho, kólteyágkas sa' chá'a apyespok xa apkelwesse'e nak.” Apkelyahákxók axta han xa énxet'ák nak,

Josué 15:20

Keso xapop apagkok apkelxawéyak axta m'a Judá énxet'ák apagkok, kélmeyáseyak axta chá'a m'a apwánxa nak apxámokma apnámakkok.

Jueces 20:18

Apkelmahágkek axta israelitas ma'a Betel, apkelpaqhetcháseykpók axta Dios ma'a yaqwayam enxoho elya'asagkoho', yaqsa énxet'ák ektamagkok apmonye' m'a Benjamín énxet'ák apagkok. Apchátegmowágkek axta Wesse' egegkok apxéna Judá énxet'ák apagkok ektamagkok apmonye'.