Génesis 49:4 - Biblia Enxet

⁴ Kamaskok sa' eyke apteme apmonye', hakte aphawók xép ma'a yegmen ényé megkólmowána nak kólmagkok: hakte aptawáseykha axta exchep sekyetnamakxa néten, appatheteykegko m'a kelán'a sekmeykha naqsa axta.

Génesis 49:4 ပူးပေါင်းရင်းမြစ်များ

Génesis 35:22

Apheykmek axta Israel ma'a yókxexma nak, apya'áyekmek axta Rubén appatheteykegko m'a Bilhá, kelán'a apmeykha naqsa axta m'a apyáp. Aplókók apagko' axta han apleg'a m'a apyáp. Doce axta apyókxoho apketchek ma'a Jacob.

Génesis 46:8

Keso apkelwesey axta israelitas apkelmahéyak Egipto; Jacob, tén han aptawán'ák: —Rubén, apketche átnaha apketkok axta m'a Jacob.

1 Crónicas 5:1

Keso Rubén apketchek axta s'e, átnaha apketkok apketche axta m'a Israel: Hanoc, Falú, Hesrón tén han Carmí. Rubén axta apteme átnaha apketkok apagko', massegkek axta eyke ekpayhémo apteme kélketche átnaha apketkok, eñama appathetcháséyak axta m'a apyáp aptáwa', José axta apxaweykekxak xa ekpayhémo axta m'a Rubén, pók apketche axta m'a Israel. Keñe axta aptéma ekha kéláyo m'a Judá nepyeseksa apkelyáxeg'a, cháxa aptepakxa axta han xama apkemha apmonye'; José axta eyke apxaweykekxak ma'a ekpayhémo nak apteme átnaha apketkok kélketche.

Deuteronomio 27:20

‘Exkak sa' Dios aplo énxet appathetéyak nak chá'a m'a apyáp aptáwa', hakte emegqaksek sa' apyáp aptáha enxoho xa ektáha nak’. Apyókxoho énxet sa' etnehek apkelpeywa s'e: ‘Katnahagkok sa'.’

Deuteronomio 33:6

Keñe axta aptáha apxéna Rubén se'e: “¡Memassegwomek sa' Rubén! ¡Megyetsephek sa', apqántawók eykhe m'a énxet'ák apagkok!”

Deuteronomio 5:21

‘Nágkatsep chá'a kélnények kóllanok ma'a kélmók aptáwa'. Nágkatsep chá'a kélnények kóllanok ma'a kélmók apxagkok, tén han ma'a yókxexma apagkok nak, tén han ma'a apchásenneykha kelwána nak, tén han ma'a weyke aptósso nak, tén han ma'a yámelyeheykok apchánte nak, tén han ma'a ekyókxoho aqsok ektáhakxa enxoho chá'a apagkok ma'a kélmók.’