Génesis 49:29 - Biblia Enxet

²⁹ Apméssek axta apketchek Jacob se'e apkeltamhókxa axta chá'a etnahagkok: “Kaxwók sa' ko'o watsapok, hélátawanyegwakxa sa' xamo' ma'a élyapmeyk nano', cham'a meteymog áxwa ekyetnama nak ma'a yókxexma Efrón, apagkok axta m'a énxet hitita,

Génesis 49:29 ပူးပေါင်းရင်းမြစ်များ

Génesis 15:15

Yetsapok sa' eyke exchep meyke ektemegweykmoho exma, aptáha enxoho apwányamo', epáxaqwakxak sa' ma'a apyapmeyk nano' axta.

Génesis 23:16

Leyawók axta apwáxok Abraham eyánmagkasek ma'a ekwánxa axta ekyánmaga apkeltennasa m'a Efrón, nápaqta'awók ma'a hititas, apyánmagkassek axta han, ekhawo aptamheykegkaxa axta chá'a.

Génesis 23:17

Tén axta m'a xapop apagkok nak Efrón, ekyetnama nak ma'a Macpelá, ekpayho nak ekteyapmakxa ekhem teyp Mamré, cham'a xapop nak, tén han ma'a meteymog áxwa nak, ekyókxoho yenta'a élaqnéyak axta m'a xapop nak,

Génesis 23:20

Apagkok axta aptáhak kaxwók Abraham ma'a xapop nak, tén han ma'a meteymog áxwa ekyetnama nak ma'a, apmésso axta ekha ekyánmaga hititas yaqwayam etnehek takhaxpop apagkok.

Génesis 23:9

hegkések ekha ekyánmaga m'a meteymog áxwa nak Macpelá, ekyetnama nak ma'a neyáwa xapop apagkok. Ayánmagkasek sa' eyke ko'o ekyókxoho ekwánxa enxoho ekyánmaga m'a meteymog áxwa nak, keñe sa' ko'o atnehek takhaxpop ahagkok ahagko' se'e yókxexma nak.

Génesis 35:27

Apteyánegweykekxók axta Jacob ma'a apyáp Isaac, cham'a yókxexma Mamré, tegma apwányam apwesey axta han Arbá, tén han Hebrón, apheykegkaxa axta m'a Abraham tén han Isaac.

Génesis 35:29

Appáxaqweykekxeyk axta apyapmeyk nano', aptéma apwányamók apagko', apchátawanyeyk axta m'a apketchek, Esaú, tén han Jacob.

Génesis 47:30

Peyk sa' agkok ko'o allókassekxak sekyampe xamo' ma'a élyapmeyk nano', hetekkes sa' Egipto, heyátawanyegwakxa sa' ma'a takhaxpop apagkok nak. —Atnehek sa' ma'a aptáhakxa nak appeywa —axta aptáhak apchátegmowágko José.

Génesis 49:28

Cháxa apteme axta doce pók aptémakxa énxet'ák Israel xa, cháxa aptáhakxa axta han apkeláneya apyáp ma'a apketchek, apkelmaxnessásegko chá'a xama m'a aqsok éltaqmela.

Génesis 49:33

Xama axta appenchesa apkeltennáseyak Jacob apkeltamhókxa etnahagkok ma'a apketchek, apsekhákxeyk axta makham apyetnamakxa néten, keñe apketsapa.

Génesis 50:12

Apteméssessek axta apketchek Jacob ma'a ekyókxoho apkeltémókxa axta etnéssesek,

Génesis 50:13

apsákxeyk axta m'a Canaán, apchátawanyegwákxeyk axta m'a meteymog áxwa ekyetnama nak ma'a Macpelá, apmeykekxa axta m'a Abraham, apagkok ma'a Efrón, apteme axta énxet hitita, yaqwayam enxoho katnehek takhaxpop apagkok ma'a apnámakkok. Cháxa xapop nak, tén han xa meteymog áxwa nak, yetnegkek ma'a ekpayho nak ekteyapmakxa ekhem teyp Mamré.

2 Samuel 19:37

Wánxa aqsa séltamho almaxnak xép, wesse', heyhok amyekxak ma'a seyókxa', yaqwayam watsapwakxak ma'a, keñe han hélátawanyek ma'a takhaxpop apagkok axta m'a élyapmeyk nano'. Yetneyk eyke han pók yaqwayam etnehek apkeláneykha, wesse': cham'a hatte Quimham. Sa' étlakxak xa, wesse', etnésses sa' xép apmakókxa enxoho etnéssesek epasmok, wesse'.