Génesis 49:27 - Biblia Enxet

²⁷ “Aqsok nawhak eklo m'a Benjamín, ektómól'a ekyógkexma axto'o, ekmelásektamól'a taxnám ma'a eyeygwayam.”

Génesis 49:27 ပူးပေါင်းရင်းမြစ်များ

Génesis 35:18

Ketók étsapmakxa axta han, amonye' ektaxneykekxa énnama axta ekteméssesa apwesey Ben-oní m'a sakcha'a nak, Benjamín axta eyke aptemessásak apwesey m'a apyáp.

Génesis 46:21

Keso Benjamín axta apketchek se'e: Bela, Béquer, Asbel, Guerá, Naamán, Ehi, Ros, Mupim, Hupim, tén han Ard.

Génesis 49:26

Xámok xép apkelmaxnéssesso aqsok éltaqmela m'a apyáp, kaxnók ko'o ektémakxa axta sélmaxnéssesso aqsok éltaqmela m'a élyapmeyk axta. Kayeykhágwomhok sa' eyáhapwe aqsok éltaqmela m'a José, megkaxók sa' ma'a ekweykenxa nak egkexe nano', cham'a José kélyéseykha axta nepyeseksa apkelpepma.

Génesis 49:28

Cháxa apteme axta doce pók aptémakxa énxet'ák Israel xa, cháxa aptáhakxa axta han apkeláneya apyáp ma'a apketchek, apkelmaxnessásegko chá'a xama m'a aqsok éltaqmela.

Jeremías 5:6

Cháxa keñamak peya sa' kalántépok yámakméwa m'a naxma, keñe sa' kalnápok, nápakha'a apketkók sa' katnéssesek ma'a aqsok nawha'ák éllo élleykha nak yókxexma meykexa énxet, elyexanmaha sa' eleyxek yánneptána m'a nepyáwa nak tegma apkelyawe apagkok, nápakha'a apketkók sa' chá'a etnéssesagkok ma'a apkelántepa enxoho; hakte xámok agko' apkeláneyak melya'assáxma, hágkaxwe yenmexekxak ma'a Dios.

Ezequiel 22:25

xama apkelókxa apheykegkaxa nak ma'a kelwesse'e apkelyetchesamakpoho yámakméwa, élyexwéweykhal'a tén han élyeptamól'a m'a ekyógkexma; ektómól'a kañe' yókxexma agkok ma'a énxet, tén han élmenyexchessamól'a aqsok élmomnáwa apagkok tén han ma'a aqsok apagkok ekxámokma nak, ekteméssessamól'a xentampe'e' ekxámokma agko' ma'a kelán'ák.

Ezequiel 22:27

Máxa aqsok nawha'ák éllo élyeptamól'a ekyógkexma apkelwesse'e s'e apchókxa nak, apkelpenchesso nak chá'a yaqwayam elnápok énxet yaqwayam enxoho kaxámekxak ma'a aqsok apagkok.

Sofonías 3:3

Máxa yámakméwa m'a apkelámha apmonye'e apagkok élpáweykhal'a awáxok; máxa aqsok nawha'ák éllo élleykhal'a meykexa énxet ma'a segyekpelchémo apagkok nak, megkáyam la'a ketsék axchapok yaqwayam katwok ma'a saka.

Números 1:36

Treinta y cinco mil cuatrocientos axta apwokmok apyókxoho kélyetsete m'a Benjamín nak énxet'ák apagkok.

Números 23:24

Apkenmexchek agkok énxet, máxa etnahagkok ma'a ektémól'a yámakméwa katnamha, megkeytek ekwokmoho eksawha ekyógkexma, ekwokmoho ekyena éma agkok ma'a eyaqhe nak.”

Números 34:21

“Elidad, Quislón apketche, aptáha nak Benjamín énxet'ák apagkok.

Deuteronomio 33:12

Keñe axta aptáha apxéna Benjamín se'e: “Méko katnehek apweynchámeykha m'a apchásekhayo nak chá'a Wesse' egegkok; etaqmelchesek sa' chá'a m'a Meyke nak Ekhémo. ¡Emyók sa' chá'a!”

Jueces 20:21

Apkelántekkek axta eyke tegma apwányam apagkok ma'a Benjamín énxet'ák apagkok apkelanyexakmo, cháxa ekhem nak aptekyawakxa axta veintidós mil israelitas.

Jueces 20:25

Apkelanyexánteyk axta eyke makham apketámento Benjamín énxet'ák apagkok apkeleñama m'a Guibeá, apkelnápekxeyk axta makham dieciocho mil sẽlpextétamo israelitas.