Génesis 49:25 - Biblia Enxet

²⁵ ¡Apyáp Dios apagkok keñamak, cham'a peya nak epasmok; Dios ekha apyennaqte keñamak, cham'a peya nak kataqmalmakha apwáxok elano'! ¡Elmések sa' aqsok éleñama nak néten! ¡Éleñama nak ma'a wátsam ekmattawóneg! ¡Epasmok sa' exámassásekxak apnaqtósso, tén han apketchek!

Génesis 49:25 ပူးပေါင်းရင်းမြစ်များ

Génesis 17:1

Apxekmowáseykpók axta Wesse' egegkok Abram, ektéma axta noventa y nueve apyeyam apagkok. Aptáhak axta apcháneya s'e: —Ko'o sekteme Dios ekha sekyennaqte, etne ekpéwomo aptémakxa nahaqtók ko'o.

Génesis 27:28

Dios sa' egkések ekmámeye, tén han ektaqmalma apnakxo ekyexna aqsok apkeneykekxa, apxámokma apagko' hótáhap apaktek tén han anmen yámet égmenek.

Génesis 28:13

Apwet'ak axta han apkenmáncha'a xamo' Wesse' egegkok ma'a apkenmágkaxa axta apwanmagko, keñe han aptáha apcháneya s'e: “Ko'o sekteme Wesse', Dios apagkok nak ma'a apyáta' Abraham, tén han ma'a apyáp Isaac, agkések sa' ko'o exchep se'e xapop apyetnakxa nak, ekweykekxoho m'a aptawán'ák neptámen.

Génesis 28:21

sekwákxo enxoho meyke setnegweykmohoxma m'a táta apxagkok, tén sa' atnehek Dios ahagkok ma'a Wesse' egegkok.

Génesis 28:3

Dios meyke ekhémo sa' epasmok xép, egkések sa' apxámokma apagko' aptawán'ák neptámen, yaqwayam sa' yenyék apkelánteyapma exchep apxámokma m'a pók aptémakxa nak chá'a énxet'ák.

Génesis 32:9

Keñe axta aptáha apkelmaxneya s'e: “Wesse' ahagkok, Dios apagkok nak ma'a áta' Abraham tén han ma'a táta Isaac, apkeltémo axta amyekxak makham ma'a seyókxa, apheykegkaxa nak énámakkok, apkeltémo axta kataqmelek sekweynchámeykha.

Génesis 35:11

aptáha apcháneya s'e: “Ko'o sekteme Dios ekha apyennaqte; exámásekxa sa' apketchek, tén han aptawán'ák neptámen. Xeyep sa' kañék apteyapma énxet'ák, tén han apxámokma pók aptémakxa énxet'ák, elántépok sa' apkelwesse'e apkelwányam nepyeseksa m'a aptawán'ák neptámen.

Génesis 35:3

Ólmeyekxak sa' ma'a Betel, hakte sa' alánessekxak ko'o ekwatnamáxchexa aqsok Dios ma'a, sepasmoma axta neyseksa ekyentaxno ewáxok, sétleykencha'a axta chá'a sekmakókxa enxoho chá'a amhagkok.

Génesis 43:23

Aptáhak axta apkemha apmonye' apchátegmowágkokxo s'e: —Nágkatneykha kélwáxok, nágkole'. Axta kexa apchaqxegkessesso yágkentamáhak kélagkok kéxegke selyaqye m'a Dios kélagkok nak kéxegke tén han ma'a kélyáp Dios apagkok, hakte ekmomchek axta ko'o selyaqye kélyánmagkasso axta kéxegke. —Aptekkessákxeyk axta han apkemha apmonye' m'a Simeón, apyentamákxeyk axta m'a aphágkaxa axta;

Génesis 48:3

Aptáhak axta apcháneya José s'e: —Exekmowásamákpók axta ko'o Dios ekha nak apyennaqte m'a tegma apwányam Luz, yókxexma nak Canaán, aptáhak axta seyáneya apkeltamho kataqmelhok sekha s'e

Salmos 84:11

Hakte Dios Wesse' egegkok sẽlsássesso chá'a exma, tén han sẽlmasma; elásekhohok chá'a Wesse' egegkok ma'a apkeláneykegkoho nak chá'a aqsok ektaqmela, kataqmalmakha chá'a apwáxok epasmok, elmések chá'a aqsok éltaqmela.

Salmos 85:12

Wesse' egegkok apagko' sa' nahan hegmések aqsok éltaqmalma, keyxnések sa' aqsok negkeneykekxa m'a xapop.

Éxodo 18:4

tén axta m'a pók apwesey Eliézer, hakte aptemegkek axta nahan chá'a appeywa s'e: “Ey'eykekteyk axta ko'o sepásegweykto m'a táta axta Dios apagkok, ewagkassegkek axta teyp neyseksók apmáheyo heyaqhek ma'a faraón.”

Deuteronomio 33:1

Apkelmaxnéssessek axta yaqwayam kataqmelek apheykha israelitas ma'a Moisés, apteme axta Dios énxet apagkok amonye' yaqwayam yetsapok.

Deuteronomio 8:17

“Nágkatne aqsa élchetamso kélwáxok se'e: ‘Nélwasqápeykekxoho keñamak negko'o negweteya s'e aqsok egagkok ekxámokma nak.’