Génesis 49:24 - Biblia Enxet

²⁴ apmeyhek eyke m'a José, meyawhesha chá'a yágke apagkok; ¡Jacob Dios apagkok apyennaqte keñamak apteméssesso!, ¡apkeláneykha nepkések apwesey keñamak, cham'a apmasma nak ma'a Israel!

Génesis 49:24 ပူးပေါင်းရင်းမြစ်များ

Génesis 45:11

Sa' ko'o agkések apto exchep se'e, tén han ekheykha nak apxagkok, keñe han ma'a apyókxoho apnámakkok ektáha nak apkelxegexma, yaqwayam sa' méko katnehek eyéméxchexa kélto, hakte cinco apyeyam sa' kaxog makham meyk segaqhe.’

Génesis 45:5

nágkatneykha aqsa kélwáxok, nágqakha aqsa kélwáxok sélyamasma axta, hakte Dios axta ko'o seyáphasso emonye', kélmonye'e kéxegke, yaqwayam alwagkasek teyp énxet'ák meyk élnapma.

Génesis 45:7

Eyáphassegkek axta eyke ko'o emonye' m'a Dios, amonye' kélwé kéxegke, yaqwayam exek kéxegke kéltawán'ák kélnentámen keso náxop, tén han yaqwayam alwagkasek teyp megkatnamakxoho ekxeyenma kélwáxok katnehek.

Génesis 47:12

Apkelmeyáseykegkek axta han chá'a José aptéyak ma'a apyókxoho apnámakkok nak, eyeyméxchexa enxoho chá'a aqsok apnámakkok.

Génesis 48:15

Tén axta aptáha apkelmaxnéssesa aqsok éltaqmela José s'e: “Dios apkelyeheykekxoho axta chá'a m'a Abraham tén han Isaac, cham'a élyapmeyk nano' axta, Dios setaqmelchessama, axta sekxók sekteyeykmo,

Génesis 49:23

Etaqnók chá'a m'a apkelmeykha nak yágke, elyátak chá'a m'a yágke, elya'aksek chá'a exma;

Génesis 50:21

Nágkatneykha kélwáxok, almésagkok sa' ko'o kéltéyak kéxegke, tén han ma'a kélketchek nak. Cháxa ektáhakxa axta José apmasséssesa éltamheykha apkelwáxok ma'a apkelpepma nak, hakte apkelpaqhetchessek axta ekyetlómo ektaqmeleykha apwáxok.

2 Samuel 5:2

naqsók axta eykhe apteme wesse' apwányam egagkok ma'a Saúl, xép axta eyke apnaqlo chá'a énxet'ák Israel ma'a kempakhakma. Apkeltennassegkek axta han Wesse' egegkok yaqwayam etnehek xép apnaqleykha tén han apkeltaqmelchesso m'a énxet'ák Israel.”

2 Reyes 13:16

Tén axta aptáha apcháneya Eliseo: —Elánekxa aptáhakxa yaqwayam yahaxtaqpog. Neyseksa apméyak axta wesse' apwányam, keñe axta Eliseo apkelmassásegko apmék ma'a wesse' apwányam.

Nehemías 6:9

Apkeltamhók axta hẽlyegwakkasek, ekxéna apwáxok hẽlháxexchássók mampenaksek ma'a néltamheykha, ekyánchessekmók axta eyke aqsa ko'o sekwasqapma sektamheykha.

Job 29:20

Axnagko' sa' katnekxak makham ma'a ektémakxa nak ekha séláyo, megkameykehek sa' sekyennaqte.”

Salmos 118:22

Tamhákxeyk kaxwók meteymog kélmámenyého kólmaha m'a apyetnakhasso axta apkeláneyak nak tegma.

Salmos 132:1

Wesse', kaxénwakxoho apwáxok David, tén han ma'a ekyókxoho ektémakxa axta ekyentaxno apha;

Salmos 132:2

kaxénwakxoho apwáxok apkeltennassama axta elanaksek ma'a David, xép apteme nak Jacob Dios apagkok ekha Apyennaqte, aptéma axta apkenagkama s'e:

Salmos 132:5

móteyasakxa enxoho makham apxagkok ma'a Wesse' egegkok, Jacob nak Dios apagkok ekha Apyennaqte.”

Salmos 18:1

Wesse' egegkok, xép apteme sénnaqtésso, ¡eyásekhayók ko'o exchep!

Salmos 18:30

Péwók ma'a Dios ámay apagkok; payhawók megkólya'ássemek ma'a apxeyenma nak elának Wesse' egegkok. ¡Eltaqmelcheshok chá'a Dios ma'a énxet'ák ektáha nak chá'a apcháyo!

Salmos 23:1

Wesse' egegkok ko'o apteme séláneykha, méko aqsok eyeyméxchexa.

Salmos 27:14

¡Nágkólya'ássem Wesse' egegkok! ¡Kólwasqápekxoho, nágkólyelqaxche'! Naqso', ¡nágkólya'ássem Wesse' egegkok!

Salmos 28:8

Wesse' egegkok apkelyennaqtésso m'a énxet'ák apagkok; tén han appasmo, apyexánegweykekxexa m'a wesse' apwányam apkelyéseykha nak.

Salmos 44:7

xép keñamak negmassésseykmo m'a nélenmexma nak, xép aptemessáseykekxa' mékoho m'a sẽltaqnagko axta chá'a.

Salmos 73:23

Ekhegkek axta eyke aqsa chá'a ko'o xamo' xép, apmeykegkek axta émek apkelya'assamakxa,

Salmos 80:1

Apkeláneykha nak chá'a Israel, apyentameykha nak chá'a José aptémól'a nepkések, apteme nak wesse' apha néten apyetseksa'ák ma'a apkeláneykha ekha nak apxempenák. ¡Hegeyxho negko'o! ¡Kataqmalmakha apwáxok elanok Efraín,

Salmos 89:1

Wesse', sa' atnehek chá'a ko'o sekmeneykmasso axének apteme segásekhayo; mayétekkessemek sa' chá'a sekxeyenma apteme mehenyenyaweykha.

Éxodo 3:6

Tén axta aptáha nahan apcháneya s'e: —Ko'o sekteme Dios apagkok ma'a apyapmeyk nano' nak xeyep. Ko'o sekteme Abraham, Isaac, tén han Jacob Dios apagkok. Appóssek axta nápat ma'a Moisés, hakte apchekak axta elanok ma'a Dios.

Isaías 1:24

Cháxa keñamak Wesse' ekha nak apyennaqte, Apyennaqte apagko' nak ma'a Israel, aptáha appeywa s'e: “¡Wánxa kólteme! Allegássesagkohok sa' ko'o m'a sélenmexma nak. Ayaqmagkásekxak sa' mók ma'a apkeltémakxa nak.

Isaías 28:16

Ékeso éñamakxa, aptáha nak appeywa Wesse' egegkok se'e: “Apekkenek sa' ko'o xama meteymog ma'a Sión, meteymog kélyéseykha tén han ektaqmalma agko', yaqwayam sa' katnehek meteymog kélmámenyého kélagko' kólmaha, katnehek sa' ekyennaqtésso tegma apowhak. Énxet apcháyo enxoho xa, méko sa' katnehek apha.

Isaías 29:24

Kaltámeyagkok sa' aptamhéyak ekha apkelmopwancha'a m'a énxet'ák melya'áseyak nak aptamhágkaxa, emok sa' nahan takha' kélxekmósso m'a énxet'ák apkelpaqméteykha nak chá'a ekmaso exének pók.”

Isaías 41:10

Nágyé aqsa, ekheyk ko'o xamók xép; nágkatneykha aqsa apwáxok, ko'o sekteme Dios apagkok. Agkések sa' ko'o exchep apyennaqte, apasmok sa' nahan, amagkok sa' ko'o exchep apmek ma'a émek ekmallahanmo nak chá'a kempakhakma.

Isaías 49:26

Wának sa' ko'o etawagkokxak aphápetek apancha'awók ma'a apsawhéssamo axta aqsok kélagkok, wának sa' kalnápekxak ma'a éma apagkok apagko' nak ektémól'a énagkok ma'a vino. Keñe sa' elya'asagkohok apyókxoho énxet ektáha ko'o sekwagkasso teyp, ko'o sektáha nak Wesse'; elya'asagkohok sa' sektáha sekmallahanchesso aqsok ekyentaxno, ko'o sektáha nak Jacob Wesse' apagkok ekha sekyennaqte.”

Isaías 60:16

Elmések sa' nento élmátsa agko' ma'a pók aptémakxa nak chá'a énxet'ák, elsókásegmak sa' aqsok apagkok ekxámokma élmomnáwa m'a kelwesse'e apkelwányam nak; elya'ásegwók sa' sektáha ko'o sélwagkasso teyp, ko'o sektáha nak Wesse', tén han sektáha sélmallahanchesso aqsok ekmaso, ko'o ekha nak Sekyennaqte Jacob Wesse' apagkok.

Zacarías 10:12

Agkések sa' ko'o apkelyennaqte m'a, yetlo apkelxeyenma sekwesey sa' nahan elxog. Ekxénchek ko'o xa, sektáha nak Wesse'.”

Zacarías 3:9

Ekpekkenchessek ko'o apmonye' Josué xama meteymog siete nekhaw'ék, ko'o ahagko' sa' nahan alqahaksek ektémakxa eknaqtáxésamaxche. Keñe sa' xama ekhem agko' amasseksek apkeltémakxa melya'assáxma énxet'ák se'e apchókxa nak.

Deuteronomio 32:4

Cha'a apteme segmasma m'a; kelpéwók ma'a aptamheykha nak, kelpéwók nahan chá'a m'a aqsok apkelane nak. Cha'a apteme Dios apmámnaqsoho m'a, méko xama aqsok enxoho megkapéwomo apkelane; ¡appéwomo m'a tén han apmámnaqsoho!

Deuteronomio 33:27

Cha'a aptaqmelchesso exchep ma'a Dios memassegwayam nak, cha'a ekpasmo m'a apmopwána megkamassegwayam nak; emenxenchesek chá'a apmonye' exchep ma'a apkelenmexma nak keñe exchep yának chá'a emasséssók.

Deuteronomio 34:9

Tén axta m'a Josué, Nun axta apketche, apmákxo m'a ektémakxa axta apya'áseyak ma'a Moisés, hakte apnegkenmeyk axta apmék néten apqátek ma'a; apkelyaheykekxók axta nahan chá'a m'a israelitas, apkeláneykegkek axta nahan chá'a m'a apkeltémókxa axta chá'a Wesse' egegkok etnehek ma'a Moisés.

Josué 17:18

kélagkok sa' kóltéhek ma'a egkexe eksawheykekxoho nak naxma', kólaqhek sa' ma'a naxma nak kólmaha m'a yámet. Tén sa' kólántekkesek ma'a cananeos, megkeyxek sa' apkelyennaqte, tén han ekha m'a yátnáxeg apkelyenyawasso apagkok sawo émpe'ék nak.

Jueces 1:22

Peyk axta ektamagkok José énxet'ák apagkok ma'a Betel, tegma apwányam apwesey axta nanók Luz, apkeláphássek axta apkelányo yókxexma. Appasmomchek axta Wesse' egegkok.