Génesis 49:21 - Biblia Enxet

²¹ “Máxa xenaq ma'a Neftalí, ekweynchámeykhal'a chá'a ekmakókxa enxoho kamhagkok, éltaqmalmal'a étkók.

Génesis 49:21 ပူးပေါင်းရင်းမြစ်များ

Génesis 30:8

keñe axta Raquel ektáha s'e: “Neftalí sa' etnehek apwesey s'e sakcha'a nak, hakte xámok axta ko'o sélnápomáxche m'a eyáxeg, kóneg nahan ektemessáseykekxa'.”

Génesis 46:24

Keso Neftalí axta apketchek se'e: Jahseel, Guní, Jezer, tén han Silem.

2 Crónicas 10:7

Aptáhak axta apkelátegmowágko s'e: —Tásek sa' agkok xép apteméssesakxa s'e énxet'ák nak, apkelpeykessásekxo enxoho chá'a apkelwáxok, apkelpaqhetchesa enxoho chá'a yetlo ektaqmeleykha apwáxok, etnahagkok sa' chá'a apkeláneykha.

Proverbios 5:19

cham'a kelán'a ektaqmalma nak ekyókxa'! ¡Megkatnehek sa' chá'a megkásekhayo! ¡Kamok sa' chá'a apwáxok ekteméssesakxa'!

Cantares 2:7

Kelán'ák Jerusalén, néltamhók negko'o mehẽltawássesha neghéyak, yetlo kélxeyenma xenaq étkok tén han popyet apketkók. ¡Hẽlho aqsa aghagkok ekwokmoho nennaqxétekhágko!

Jeremías 14:5

Wokmók nahan chá'a xenaq éxakha étkók kaxwe ekpalchesso m'a yókxexma nak, hakte méko pa'at yaqwayam enxoho katawagkok.

Deuteronomio 33:23

Tén axta Neftalí aptáha apxéna s'e: “Leklamók apwáxok apkelányo Wesse' egegkok ma'a Neftalí, apméssegkek ekxámokma agko' ma'a aqsok apagkok. ¡Apagkok ma'a ekpayhegwayam nak yegmen ekweykmoho m'a néxa ekpayhegwayam, ekpayho nak nepyeyam!”

Jueces 4:10

Cham'a apkeláneyágkaxa axta han Barac Zabulón énxet'ák apagkok ma'a, tén han Neftalí, apchánchesákxeyk axta diez mil sẽlpextétamo, yaqwayam enxoho enaqlók. Yetlókek axta m'a Débora.

Jueces 4:6

Xama ekhem axta Débora éltamho kólyentawakxések xama énxet apwesey axta Barac, Abinóam axta apketche, apha axta m'a Quedes, tegma apwányam apagkok axta m'a Neftalí énxet'ák apagkok. Axta entáhak eyáneya s'e: —Apkeltamhók xép etnehek Wesse', Dios nak Israel se'e: ‘Emhók sa' ma'a egkexe Tabor, yánchásekxak sa' diez mil Neftalí énxet'ák apagkok ma'a, tén han Zabulón.

Jueces 5:18

Keñe axta Zabulón tén han Neftalí énxet'ák apagkok megyeka apkeletsapma m'a yókxexma egkexe émpakháxchexa axta.