Génesis 49:14 - Biblia Enxet

¹⁴ “Isacar apteme yámelyeheykok ekyennaqte kélpátegkesso nak chá'a aqsok, éllókassamól'a chá'a ekyampe m'a neyseksa aqsok élseykha.

Génesis 49:14 ပူးပေါင်းရင်းမြစ်များ

Génesis 30:18

Tén axta Lía ektáha s'e: “Isacar sa' kólteméssesek apwesey s'e sakcha'a nak, hakte Dios egkeyásak ekyaqmageykekxa eñama sekmésso etáwa' m'a séláneykha nak.”

Génesis 49:15

Wet'ak axta agkok chá'a ektaqmela apchókxa, tén han ektaqmalma yaqwayam kallókasek ekyampe, kának axta chá'a kólpátegkesek aqsok yaqwayam kalsók, kahaxkohok axta aqsa chá'a kólteméssesha.

1 Crónicas 12:32

Doscientos apkelámha apmonye'e axta m'a Isacar énxet'ák apagkok, yetlo m'a apyókxoho apnámakkok ektáha axta apkeláneykha. Énxet'ák apkelya'áseykegkoho axta ekpayhókxa chá'a elanagkok ma'a énxet'ák Israel.

Salmos 68:13

keñe kéxegke kélheykekxo aqsa m'a élyáqtamakxa nak kélnaqtósso. ¡Kelmágkek axta m'a wáx'ay apxempenák kélyepetchesso nak sawo ekmope ekmomnáwa! ¡Apwa' élyenméyak nak sawo ekyátekto ekmomnáwa!

Salmos 78:70

Apkelyéseykha axta apkeláneykha David, apteme axta apkeláneykha nepkések;

Números 32:16

Tén axta apkelyepetchegwokmoho m'a Moisés. Aptáhak axta apcháneya s'e: —Negmakók eyke negko'o anlanagkok aphaxta s'e; yaqwayam ólyáqkasek nennaqtósso nepkések, tén han weyke, tén han tegma apkelyawe yaqwayam exmakha m'a egketchek.

Deuteronomio 33:18

Keñe axta Zabulón tén han Isacar aptáha apxéna s'e: “Zabulón, kapayhekxa sa' apwáxok, apmahágkaxa enxoho chá'a elsawha aqsok apkexeykekxa, tén sa' xeyep Isacar, kapayhekxa sa' chá'a apwáxok neyseksa apha kóneg appakxanma.

Jueces 10:1

Aptekkek axta Tolá neptámen ma'a Abimélec yaqwayam elwagkasek teyp ma'a Israel, Tolá axta apteme apkeñama m'a nepyeseksa Isacar énxet'ák apagkok, Puá axta apketche, Dodó axta aptáwen. Axta aphak Tolá m'a Samir, meteymog élekhahéyak nak ma'a Efraín,