Génesis 49:10 - Biblia Enxet

¹⁰ Méko keymentók ektémakxa apyennaqte Judá, méko han kawának keymentók aptémakxa nak ekha kélyaheykekxoho, ekwokmoho apwa'akto makham ma'a ektáha nak apagkok ma'a aptémakxa nak wesse', cham'a peya nak elyahakxohok ma'a énxet'ák.

Génesis 49:10 ပူးပေါင်းရင်းမြစ်များ

2 Samuel 7:13

Sa' etnehek sélánésso ko'o xama tegma appagkanamap ma'a, keñe sa' ko'o atnéssesek megkatnégwayam néxa apteme wesse' apwányam.

2 Samuel 7:16

Méko sa' chá'a katnehek apheykha aptawán'ák neptámen, tén han aptémakxa nak wesse' apwányam, hakte altaqmelchesek sa' chá'a ko'o, megkamassegwomek sa' aptamhéyak apkelwesse'e m'a aptawán'ák neptámen nak.’”

1 Crónicas 12:24

Seis mil axta apyókxoho Judá énxet'ák apagkok, yetlo apkelmeykha m'a apkeláhakkásamap tén han sawhéwa, appencháseyak axta aptamhágkaxa yaqwayam yempakha'.

1 Crónicas 12:39

Ántánxo ekhem axta han apheykha xamo' David ma'a, apteykegkek axta aptéyak tén han apyeneykegko apyenéyak, hakte apkelsókaseykha axta m'a appeywomo xamo' nak.

Salmos 108:8

Ahagkok ko'o m'a Galaad, tén han Manasés; Efraín akke apteme sétchesso épátek; Judá akke apteme yámet sekmeykencha'awól'a chá'a sekteme wesse';

Salmos 60:7

Ahagkok ko'o m'a Galaad, tén han Manasés; Efraín akke apteme sétchesso épátek; Judá akke apteme yámet sekmeykencha'awól'a chá'a sekteme wesse';

Salmos 60:9

¿Yaqsa sa' heyentemekxak ko'o m'a tegma apwányam kélhaxtegkesso nak nepyáwa'? ¿Yaqsa sa' heyentemekxak ekweykekxoho m'a Edom?

Salmos 78:68

Judá énxet'ák apagkok axta aqsa Apkelyesáha, tén han ma'a egkexe Sión, apchásekhayo apagko' axta chá'a.

Isaías 11:10

Kólhések sa' néten kólteméssesek aqsok magkenatchesso apagkok énxet'ák Jesé aptáwen neptámen xa ekhem nak; cham'a aphémo nak yámet éltektépeykekxa m'a kepmenák, elyo'ókxak sa' chá'a ektamok ma'a apyókxoho énxet'ák keso náxop, keñe sa' ma'a aphakxa nak katnehek ektaqmalma agko'.

Isaías 2:2

Kólteméssesek sa' egkexe meyke ekhémo apyetnamakxa nak Wesse' egegkok tegma appagkanamap apagkok, cham'a amonye' sa' ektemegwánxa néxa ekhem. Katnehek sa' egkexe netnók agko', kalyeykhagkok sa' ma'a ekyókxoho egkexe nak. Apyókxoho pók aptémakxa énxet'ák sa' elmeyógmak ma'a;

Isaías 33:22

Kelyelqamáxcheyk táma' kélnaqtete xa yántakpayhe ekyawe nak massegkek élyennaqtésso m'a yámet ekwenaqte agkok nak; megkólwanchek kólpeykásekxak ma'a apáwa agkok nak. Ólyementamok sa' ekxámokma agko' aqsok apagkok ma'a sẽlenmexma nak, kawomhok sa' apkelxawéyak aqsok apagkok ma'a meyke nak apaqta'ák, elmagkok sa' aqsok ma'a élmasagcha'a nak chá'a apyókxa apkelyelqamap nak chá'a. Hakte Wesse' egegkok apteme énxet segyekpelchémo egagkok, apteme senlánésso chá'a segánamakxa tén han wesse' apwányam egagkok, sa' hẽlwagkasek nahan teyp ma'a.

Isaías 42:1

“Keso seyásenneykha ko'o s'e, sekpasmoma nak chá'a, sélyéseykha axta, ekleklamo nak ewáxok aptémakxa'. Ekméssegkek ko'o espíritu ahagkok xa yaqwayam enxoho etaqmelchessásekxak apheykha m'a apyókxoho pók aptémakxa nak chá'a énxet'ák.

Isaías 55:3

Hélyo'óta ko'o, kóleyxwatámho sekpeywa, kóleyxho sektáhakxa keñe sa' megkóletsepek chá'a. Alának sa' ko'o ekhémo mók sélpaqhetchásamáxkoho kéxegke meyke néxa, yaqwayam sa' alának ma'a séltennassama axta alának ma'a David eñama seyásekhayo.

Isaías 60:1

Kólchaqnekxa néten, énxet'ák Jerusalén, kólaqlaxche apkelyenma, hakte wa'ak élseyéxma kélagkok, kelyenmeyk Wesse' egegkok apcheymákpoho kélyetseksa'ák.

Isaías 62:11

Aplegássek Wesse' egegkok ekweykmoho néxa xapop se'e amya'a nak: “Kóltennés énxet'ák apheykha nak tegma apwányam Sión apwa'a kaxwók apkelwagkasso teyp. Apnaqlánteyk Wesse' egegkok énxet'ák apagkok natámen apkelwagkasso teyp.”

Isaías 9:6

Hakte apteyekmek xama sakcha'a negyeseksa, Dios segmésso xama apketche, cham'a peya sa' exkak apmopwána yaqwayam etnehek aptaqmelchesso apchókxa. Sa' nahan kólteméssesek apwesey s'e: Eyaqheykha kélwáxok aqsok apkelane, Dios apyennaqte, Egyáp Memassegwayam, Wesse' meyke ektáhakxa negha.

Jeremías 30:21

Nepyeseksa sa' nahan yeñék etyapok apkemha apmonye' apagkok: etyapok sa' xama nepyeseksa yaqwayam etnehek apkeltaqmelchesso. Wának sa' ko'o hépetchegwoho', hakte, ¿yaqsa megkeygwakxeyk hépetchegwohok ko'o? Énxet'ák ahagkok sa' ko'o atnehek ma'a, keñe sa' ko'o etnehek Dios apagkok. Ko'o sekxeyenma xa, sektáha nak Wesse'.”

Jeremías 33:26

malyetnakhaksek sa' chá'a ko'o m'a Jacob aptawán'ák neptámen, tén han ma'a David séláneykha nak, megkatnehek sa' chá'a matnéssesso xama nepyeseksa yaqwayam etnehek wesse' apwányam nepyeseksa m'a Abraham aptawán'ák neptámen, Isaac tén han ma'a Jacob. Hakte apyósekak sa' chá'a ko'o alanok ma'a, ayaqmagkassesek sa' mók ma'a ektémakxa nak apheykha.”

Ezequiel 19:11

Kelyennaqtegkek axta nahan ma'a aktegák nak, kélláneykegkek axta m'a yámet apkelmeykegkól'a chá'a m'a kelwesse'e apkelwányam, kelwegqeykegkók agko' axta nahan, kelweykmók axta m'a yaphope nak. Makhawók axta agwethok katnamok eñama ekwenaqte tén han ekxámokma áwa'.

Ezequiel 19:14

Tekkek kaxwók táxa eñama m'a aktegák nak, kelwatneyk ma'a kaxwe éltekteyapma nak áwa' tén han ma'a ekyexna. Méko kaxwók eyeymomáxche m'a aktegák élyennaqte nak, kélláneyo axta chá'a m'a yámet apkelmeykha nak chá'a m'a kelwesse'e apkelwányam.’” (Cháxa xama negmeneykmasso senlapwayam nak xa. Kólmaha sa' chá'a xa.)

Ezequiel 21:27

Élmasagcha'a agko' sa' atnessásekxak ma'a ekyókxoho aqsok. Sa' eyke katnehek apwa'a enxoho m'a ektáha nak ko'o séltémo elyekpelchásseshok énxet'ák, cham'a ekpayhawo nak elána'.

Ezequiel 21:32

Kawatnaxchek sa', kólmasséssók sa' nahan; kayegkenaxchek sa' éma agkok ma'a ekyókxoho nak kañe' eyókxa', méko sa' kaxénwakxohok awáxok xeye'. Ko'o sekxeyenma xa, sektáha nak Wesse'.”

Daniel 9:25

Kéméxcheyk xép ékpelkoho' tén han ey'asagkohok se'e: Kayeykhak sa' siete semána, cham'a sekxók axta eyeynókxa kélmáheyo kólxátekhásekxak makham ma'a Jerusalén, ekwokmoho apwa'a m'a apkemha apmonye' appagkanamap nak, sesenta y dos semána sa' kawomhok kélláneykekxa m'a ámay nak Jerusalén, tén han ma'a kélhaxtegkesso nak nepyáwa', ekyentaxno negha sa' eyke katnehek xa ekhem nak.

Oseas 11:12

“Ewakhassegkek ko'o apkelmopwancha'a amya'a m'a énxet'ák Efraín, ewakhassegkek ko'o sélyexancháseykha m'a énxet'ák Israel. Apyamasmeyk Dios ma'a Judá, melwátesseykmok kaxwók apkelyetleykha m'a aqsok kéleykmássesso.

Miqueas 5:1

“Jerusalén, yánchásekxa sa' kaxwók sẽlpextétamo apagkok yaqwayam sa' emyók, hakte nélwakhéxche', peyk kóltekpagkasek apmáxempenek yámet ma'a apkemha apmonye' nak Israel.

Hageo 2:7

Alpexyennegkesek sa' apyókxoho pók aptémakxa énxet'ák, keñe sa' elsanták aqsok élmomnáwa apagkok ekxámokma, kalánhok sa' élseyéxma m'a tegma appagkanamap ahagkok.” Ko'o sekxeyenma xa, sektáha nak Wesse' ekha sekyennaqte:

Zacarías 10:11

Alyeykhásekxak sa' ma'a wátsam ekwányam Egipto, atekpog sa' ko'o m'a yegmen nak. Eymaksohok agko' sa' yegmen ma'a wátsam Nilo. Amasséssesek sa' ektémakxa nak éleymáxkoho apkelwáxok ma'a énxet'ák Asiria. Amasséssesek sa' nahan ektémakxa nak apkelyennaqte m'a énxet'ák Egipto.

Zacarías 2:11

Temék sa' agkok xa, apxámok sa' pók aptémakxa énxet'ák elyo'ótak ma'a Wesse' egegkok. Sa' etnehek appeywa s'e: “Atnehek sa' nahan énxet'ák ahagkok xa énxet'ák nak. Keñe sa' axek chá'a ko'o kélnepyeseksa kéxegke.” Keñe sa' kólya'ásegwók kéxegke aptáha seyáphasso ko'o m'a Wesse' egegkok ekha nak apyennaqte.

Números 21:18

¡Apkelmetméyak axta aptemék yámet apkelmeykha nak chá'a m'a apkelámha apmonye'e. Apkelmeta axta chá'a aptemék yámet apkeltasqapeykha m'a kelwesse'e!” Apkelxegákxeyk axta makham israelitas apkeleñama yókxexma meykexa énxet, ekweykmoho m'a Mataná;

Números 24:17

Ekwet'ak ko'o yaqwánxa katnehek egmonye', ekwet'ak ko'o makhawók agko' aqsok: yaw'a m'a aptepa nak aphakxa Jacob xama wesse' apwányam ma'a aptepa nak Israel. Eyaqhakkasek sa' apqátek ma'a Moab, eltepelchássesek sa' apqatkok ma'a apyókxoho nak Set aptawán'ák neptámen.

Números 24:19

Sa' yenyeyk apteyapma xama apmallane m'a Jacob énxet'ák apagkok. Emasséssók sa' apyókxoho m'a apkeleymomap nak tegma apwányam.”

Deuteronomio 28:57

yaqwayam sa' megkapasmehek chá'a ektókagko enxoho m'a étchek ekpalchesso nak chá'a tén han ma'a sakcha'a ataxna'ák éleñama nak chá'a m'a awáxok; kalpósek sa' chá'a katawagkok xa ekyókxoho nak, hakte méko sa' katnehek xama enxoho kéltawakxa neyseksa apwakhe kélenmexma m'a tegma apkelyawe kélagkok nak.