Génesis 48:9 - Biblia Enxet

⁹ —Ko'o étchek, Dios axta sélmésso s'e Egipto —axta aptáhak apchátegmowágko José. Aptáhak axta apcháneya apyáp se'e: —Hélyepetchessoho hana, yaqwayam sa' ko'o almaxnéssesek aqsok éltaqmela.

Génesis 48:9 ပူးပေါင်းရင်းမြစ်များ

Génesis 27:4

Hehanches sa' sekto ekmátsa, sekmáheya nak chá'a ko'o, hesantagkas sa' yaqwayam atwok ko'o, keñe sa' almaxnéssesek aqsok éltaqmela amonye' sétsapma.

Génesis 30:2

Aptaqnókkek axta eyke m'a Jacob, aptáhak axta apcháneya s'e: —¿Diosya ko'o? Neykhe megyahayo exche' kótak étchek ma'a.

Génesis 33:5

Apkelanawók axta Esaú m'a kelán'ák, tén han ma'a sakcha'a, tén axta aptáha apkelmaxneyáncha'a s'e: —¿Yaqsa eyke xa apnaqlóncha'a nak? —Ko'o étchek, Dios axta sélmésso —axta aptáhak Jacob.

Génesis 49:28

Cháxa apteme axta doce pók aptémakxa énxet'ák Israel xa, cháxa aptáhakxa axta han apkeláneya apyáp ma'a apketchek, apkelmaxnessásegko chá'a xama m'a aqsok éltaqmela.

1 Crónicas 25:5

Hemán axta apketchek xa apyókxoho nak, apteme axta apwetayo chá'a aqsok apxekmósso Dios, apkeláneykha m'a wesse' apwányam, ekhawo m'a ektémakxa axta apkeltennassama Dios apxeyenmakxa etnéssesek egkések ekyawe agko' apmopwána; axta keñamak Dios apméssama catorce apketchek apkelennay'a m'a Hemán, keñe ántánxo m'a apketchek kelwán'ák.

Salmos 127:3

Wesse' egegkok sempasmo negko'o segméssama nak chá'a egketchek.

Isaías 8:18

Negko'o nenteme aqsok magkenatchesso sempelakkasso nak agwetak apagkok ma'a énxet'ák Israel, ko'o tén han ma'a étchek sélmésso axta m'a Wesse' egegkok, senteméssesso axta m'a Wesse' ekha nak apyennaqte apha nak ma'a egkexe Sión.

Deuteronomio 33:1

Apkelmaxnéssessek axta yaqwayam kataqmelek apheykha israelitas ma'a Moisés, apteme axta Dios énxet apagkok amonye' yaqwayam yetsapok.

1 Samuel 1:20

Lósók axta entáhak Ana, wokmek axta ekhem, keñe ektegkesa xama étche apkenna, teméssessek axta apwesey Samuel, hakte Wesse' egegkok axta éltémo egkések.

1 Samuel 1:27

Élmaxnagkamchek axta ko'o Wesse' egegkok séltémo hegkések se'e sakcha'a nak, keñe segkéssama.