Génesis 47:6 - Biblia Enxet

⁶ Apwanchek exmakha m'a xapop Egipto nak. Egkes sa' ma'a yókxexma Gosen ektaqmelakxa nak se'e negókxa nak, yaqwayam sa' exmakha m'a. Apya'ásegkok sa' agkok han xép énxet apmopwána aqsok nepyeseksa m'a, etnésses sa' apkeláneykha seknaqtósso.

Génesis 47:6 ပူးပေါင်းရင်းမြစ်များ

Génesis 13:10

Apkenmexawók axta Lot ekyókxoho ekyapwate nak wátsam Jordán, apwet'ak axta han ekyawa yegmen ekweykekxoho m'a yókxexma étkok nak Sóar, máxa axta m'a yókxexma ektaqmalmal'a. Hawók axta m'a ektémakxa axta Egipto. (Cháxa ektémakxa axta xa, amonye' axta apmassésseyam Wesse' egegkok ma'a tegma apkelyawe Sodoma tén han Gomorra.)

Génesis 13:9

Chéhe xapop xa yaqwayam elyésha. Óxpánchesaxchek sa'. Apmahágkek sa' agkok xép ma'a nexcheyha, keñe sa' ko'o amhagkok nepyeyam, apmahágkek sa' agkok han ma'a ekpayho nak nepyeyam, keñe sa' ko'o amhagkok ma'a nexcheyha.”

Génesis 20:15

aptáhak axta apcháneya s'e: —Cháxa ekyetna xapop ahagkok xa; elyésha sa' yókxexma ekleyawókxa enxoho apwáxok exek.

Génesis 34:10

Keñe sa' kólhakha chá'a negyeseksa negko'o kélmakókxa enxoho chá'a kólhakha; kólhakha sa' ma'a, kólyánmagkasaxchek sa' han, kólmagkok sa' chá'a xapop kélagkok kélagko'.

Génesis 45:10

Exek sa' ma'a yókxexma Gosen, yetlo m'a apketchek, tén han aptawán'ák, tén han ekyókxoho apnaqtósso, keñe han ekyókxoho aqsok apagkok ekyetnakxa nak. Keñe sa' exek ketók ko'o.

Génesis 46:34

kóltennaksek sa' kéxegke wánxa kéltamheykha m'a kélxámáseykekxa nepkések, ektéma axta m'a kélyapmeyk nano'. Keñe sa' kólhakha m'a yókxexma nak Gosen, hakte mopmenyeyk elyepetkohok apkeláneykha nepkések ma'a énxet'ák Egipto.

Génesis 47:11

Apméssek axta José m'a xapop ektaqmelakxa nak ma'a Egipto, yaqwayam exmakha m'a, apkeltamhókxa axta etnehek ma'a faraón. Cháxa ekyetna axta xapop apagkok ma'a apyáp, tén han apkelpepma, ekpayho nak yókxexma Ramsés.

Génesis 47:16

Aptáhak axta apchátegmowágko José s'e: —Méko sa' agkok entáhak selyaqye kélagkok, hélnaqlantagkas sa' kélnaqtósso, tén sa' ayaqmagkásekxak hótáhap apaktek.

Génesis 47:4

Nélwa'ak negko'o yaqwayam aghak se'e apchókxa nak, hakte meyk segaqhe teyapmak ma'a Canaán, méko han pa'at yaqwayam etawagkok nepkések nennaqtósso. Hégho sa' negko'o aghakha yókxexma Gosen.

Génesis 47:5

Aptáhak axta faraón apcháneya José s'e: —Apya'aweykteyk xép ma'a apyáp, tén han ma'a apkelpepma nak, yaqwayam exnatámhok xamo'.

1 Reyes 11:28

Énxet apyennaqte axta han ma'a Jeroboam, megkaye apwáxok xama aqsok; xama axta apwet'a Salomón megyaháxamákpoho xa wokma'ák nak, apteméssessek axta apkemha apmonye' apxegkessesso chá'a apkeltamheykha ekyentaxno m'a apheykegkaxa nak José aptawán'ák neptámen.

2 Crónicas 26:10

Apkeláneykegkek axta han tegma apkelwenaqte m'a yókxexma meykexa nak énxet, apkelmetmeykegkek axta han ekxámokma máxek, hakte xámok axta apnaqtósso, cham'a ekpayhegweykenxa nak xapop, tén han ma'a egkexe ekpayhegwayam nak néten. Yetneyk axta han énxet apkeltamheykha m'a namyep apagkok, tén han ma'a émhakxa nak anmen yámet, apkeneykekxo axta m'a ekxámokmakxa nak meteymog élekhahéyak, yetneyk axta énxet'ák apkeltamheykha m'a namyep étkok apagkok, hakte apmenyeyk axta elanok namyep ma'a.

Éxodo 18:21

Elyésha sa' xép nepyeseksa énxet'ák ma'a énxet apmopwána nak aptamheykha, ekha nak apcháyo m'a Dios, tén han meyke nak apteme apmopwána amya'a, énxet megkóllekweykmoho nak chá'a exkágwók ma'a selyaqye ekmaso nak ektegyamaxche, tén sa' nahan egkések chá'a xama aptaqmelchesso apnámakkok ma'a mil énxet, tén sa' nahan pók apkeltaqmelchesso m'a cien, tén sa' nahan pók apkeltaqmelchesso m'a cincuenta, tén sa' nahan pók apkeltaqmelchesso m'a diez énxet.

Éxodo 18:25

Apkelyésáha axta chá'a énxet apmopwána enxoho aptamheykha nepyeseksa m'a énxet'ák Israel, tén axta apmésa nahan yaqwayam eltaqmelchesek chá'a m'a mil énxet, tén han pók ma'a cien, tén han cincuenta m'a pók, tén han pók ma'a diez énxet.

Éxodo 9:10

Apkelmágkek axta táhap xama táxa axagkok ma'a Moisés tén han Aarón, keñe apkelxega apteyánegwákxoho m'a faraón. Yetlókok axta nahan apkexakha néten Moisés ma'a táhap, kelántépegkek axta nahan apyempe'ék tasqapma m'a énxet'ák tén han ma'a aqsok kélnaqtósso.

Éxodo 9:21

yetneyk axta eyke nahan chá'a nápakha metnéssesso naqsók ektáhakxa amya'a apkellege, apcha'awók axta aqsa apkelweynchámeyncha'a apkelásenneykha naqsa m'a yókxexma tén han ma'a apnaqtósso.

Proverbios 21:1

Wesse' egegkok chá'a apkeláneseykegkoho élchetámeykha apwáxok ma'a wesse' apwányam, étlók chá'a m'a ektémól'a wátsam ekmeyeykekxexal'a chá'a yegmen, apkeltamhókxa enxoho chá'a m'a Wesse' egegkok.

Proverbios 22:29

Énxet aptaqmelchessamo nak chá'a apkelane aptamheykha, etnehek sa' aptamheykha m'a apheykegkaxa nak apkelwesse'e apkelwányam, metnehek sa' wesse' apagkok ma'a meyke nak kéláyo.

Jeremías 40:4

Eklekkessek ko'o kaxwók xép kélpextete nak cadenas. Peyk sa' agkok hétlakxak Babilonia, exegma sa', ataqmelchesek sa' ko'o exchep. Sa' agkok epekheyha, exnekxa sa' aqsa. Apwanchek xép emok yókxexma apmakókxa enxoho emok: emhók sa' ma'a ekleyókxa enxoho apwáxok.

1 Samuel 21:7

Aphegkek axta han xama Saúl apkeláneykha m'a, apheykekxa axta yaqwayam elának aptamheykha m'a kélpakxanma appagkanamap. Doeg axta han apwesey, apteme axta edomita, apkemha apmonye' axta apkeláneseykha Saúl apnaqtósso nepkések.