Génesis 44:15 - Biblia Enxet

¹⁵ aptáhak axta apkeláneya José s'e: —¿Yaqsa aqsok kéllana? ¿Yagkólya'ásegkok xama énxet sekhawo nak ko'o sekmowána ay'asagkohok yaqwánxa katnehek?

Génesis 44:15 ပူးပေါင်းရင်းမြစ်များ

Génesis 21:26

Aptáhak axta apchátegmowágko Abimélec se'e: —May'áseykegkok ko'o élane xa aqsok nak, hakte meheltennassók han xép.

Génesis 3:13

Keñe axta Dios Wesse' egegkok aptáha apkelmaxneyeyncha'a kelán'a s'e: —¿Yaqsa ektáha ektáha nak xa ektáha nak? Entáhak axta kelán'a eyátegmowágko s'e: —Yéwa exchek ko'o élyexancháseyha, sektawa m'a yámet ekyexna nak.

Génesis 39:8

Axta eyke emakók ma'a José, aptáhak axta apchátegmowágko s'e: —Kalano, élmeyáseykekxeyk ko'o ekyókxoho aqsok apagkok yaqwayam altaqmelchessesek ma'a wesse' ahagkok ekyetnakxa nak, méko xama aqsok keytnakhaksohok apwáxok, hakte ekhegkek ko'o s'e.

Génesis 4:10

Keñe axta Wesse' egegkok aptáha apcháneya s'e: —¿Yaqsa ektáha aptáha nak xa? Ewóneyha ko'o éltamho ayaqmagkassásekxak mók apyáxeg éma apagkok apyegkenchesa nak xép keso náxop.

Génesis 44:16

Aptáhak axta Judá apchátegmowágko s'e: —¡Méko negko'o antéhek agának xép! ¿Háxko antéhek negko'o anxekmósek xép megkatnaha nenteme? Apweteyak negko'o Dios nenláneya mólya'assáxma. Keso negchaqnáncha'a negko'o s'e; negko'o nenteme apkelásenneykha naqsa, tén han ma'a kélwetasa nak egheykok.

Éxodo 32:1

Xama axta apkelwet'a israelitas ekwegqa metyapma Moisés ma'a néten egkexe nak, apchaqnákxeyk axta apwakhegwákxo aphakxa m'a Aarón. Aptáhak axta apcháneya s'e: —Henlanés sa' negko'o dios egagkok yaqwayam sa' hennaqlawha chá'a, hakte magya'ásegkok negko'o ektáhakxa m'a Moisés, ektáha axta sẽlántekkesso m'a Egipto.