Génesis 43:29 - Biblia Enxet

²⁹ Apsawheyha axta exma nepyáwa m'a José, apwet'ak axta Benjamín, ektáha axta apyáxeg apagko', tén axta aptáha s'e: —¿Keyaxa kélyáxeg apsexyo kélxeyenma axta chá'a? ¡Dios sa' epasmok xép eyáxeg! Xama axta aptáha xa,

Génesis 43:29 ပူးပေါင်းရင်းမြစ်များ

Génesis 35:24

Keñe axta Raquel étchek apwetasso m'a Jacob: José, tén han Benjamín.

Génesis 42:11

Nenlánexkók negko'o egyáxeg xamo' chá'a s'e. Méko negko'o néltémakxa'. Mantemék negko'o xama enxoho negyexamaxkoho nenlányo apchókxa'.

Génesis 42:13

Aptáhak axta apkelátegmowágko s'e: —Doce negyókxoho negko'o egyáxeg xamo', aptáha nak xép apkeláneykha, negheykha han ma'a Canaán. Aphákxeyk eyke aphakxa táta m'a egyáxeg apsexyo nak, keñe m'a pók axta apxegáneykmo negyeseksa negko'o.

Génesis 44:21

Keñe axta exchep apkeltémo agyentementa', hakte apmenyeyk axta éta'.

Génesis 45:8

Dios axta seyáphasso ko'o s'e yókxexma nak, háwe kéxegke; axta setnéssesso ko'o faraón apkeláneykha m'a, tén han sémha emonye' m'a apxagkok nak, keñe han séláneykha apchókxa ekyókxoho Egipto.

2 Crónicas 29:11

Étchek, kóllána chá'a kélánémaxchexa kóllána', hakte apkelyéseykha kéxegke Wesse' egegkok yaqwayam kóllának chá'a apkeltamhókxa enxoho chá'a kóllána', tén han kólteméssesha chá'a, yaqwayam kólwatnések chá'a m'a aqsok ekmátsa nak ekpaqneyam éten agkok.”

Salmos 111:4

Apkeláneyak aqsok sempelakkasso nak agweta' megkalwagqánamaxche'. Wesse' egegkok apteme ektaqmeleykha apwáxok henlano', tén han apmopyósa henlano';

Salmos 112:4

Kalsássesek chá'a exma cháléwasso ekyáqtésakxa exma m'a énxet'ák meyke nak apkeltémakxa, tén han ma'a apmopyósa nak chá'a elanok pók, tén han ma'a ektaqmalma nak apkelwáxok, tén han ma'a ekpéwomo nak chá'a apkeltémakxa.

Salmos 67:1

Hẽláhapmakha sa' negko'o Wesse' egegkok, hempasmok sa' nahan, kataqmalmakha sa' apwáxok henlano',

Isaías 30:19

Énxet'ák Sión, kélheykha nak Jerusalén: megkóllekxagwaha sa' kaxwók kéxegke. Kélyósekak sa' elanok kéxegke Dios apleg'a enxoho kélpáxameykha ekyennaqte kólmaxnak yaqwayam epasmok, ketse' aplege sa' katnehek kélpeywa, yohók sa' chá'a yátegmowagkok.

Isaías 33:2

Wesse', hẽlayósho henlanok negko'o, ektáha nak nélhaxanma exchep. Etne chá'a sempasmo negko'o yókxoho ekhem, tén han sẽlwagkasso teyp ma'a ekwa'a enxoho ekmaso negheykha.

Malaquías 1:9

Hẽlmaxnésses hana negko'o kéxegke Dios, yaqwayam kapyóshok henlano'. Kéllanak agkok kéxegke xa ektéma nak aqsok kélmésso naqsa, nágkaxén kélwáxok kéxegke elmok takha' m'a Dios yetlo ekleklamo apwáxok. Aptáhak Wesse' egegkok ekha apyennaqte s'e:

Números 6:25

Wesse' egegkok sa' kataqmalmakha apwáxok elanok xép exekmósek sa' ekwánxa apchásekhayo.

Josué 7:19

Aptáhak axta Josué apcháneya m'a Acán: —Eyáxeg, etnésses sa' apcheymákpoho Wesse' egegkok, Dios apagkok nak Israel. Héltennés sa' ma'a aqsok apkelane nak. ¡Ná ekpós aqsa!